Недостаток на здив, губење на чувството за мирис и треска повеќе не се главните симптоми.

Велика Британија бележи зголемување на бројот на заразени со Ковид-19 во последните недели, при што се проценува дека повеќе од 800.000 луѓе го имаат новиот вид. Еден од седум случаи на национално ниво сега се припишува на новата варијанта Ерис, бидејќи случаите на вирусот продолжуваат да се зголемуваат кај сите возрасни групи.

Ерис, подваријантата Омикрон, „обвинета“ за напливот, пристигна во Велика Британија на почетокот на мај и беше додадена на нејзината листа од Светската здравствена организација под идентификацијата EG.5.1. Засега тоа не е причина за загриженост.

„Видовме мало зголемување на стапките на прием во болница кај повеќето возрасни групи, особено кај постарите луѓе. Целокупните нивоа на прием остануваат екстремно ниски и во моментов не гледаме слично зголемување на приемите на интензивна нега. Ќе продолжиме внимателно да следиме“, рече д-р Мери Ремзи, раководител на одделението за имунизација во Агенцијата за здравствена безбедност на Обединетото Кралство.

Постојат голем број на симптоми на кои лекарите велат дека луѓето треба да внимаваат со оваа подваријанта. Повеќето од нив се слични на веќе познатите симптоми на Омикрон – болки во грлото, течење на носот, затнат нос, кивање, кашлица, главоболка, рапав глас, болки во мускулите и изменето сетило за мирис. Сепак, отежнато дишење, губење на чувството за мирис и треска повеќе не се главните симптоми.

Професорката Кристина Пагел смета дека постои опасност од нови соеви поради слабеењето на имунитетот и лошите временски услови. Зборувајќи за „Индипендент“, таа рече дека мисли дека има „дефинитивно уште еден бран“ во Обединетото Кралство.

„Влажното време во последните неколку недели веројатно не помага ниту со тоа што ги држи луѓето внатре. Ерис веројатно ќе биде доминантна до септември кога децата ќе се вратат на училиште, а возрасните ќе одат на работа или на факултет, плус ќе почнеме да поминуваме многу повеќе време внатре“.

„Вкупните нивоа на инфекција се сè уште ниски, но ова е повик за будење што нагласува дека не можеме да бидеме мирни кога станува збор за Ковид. Треба да внимаваме на новите варијанти и да бидеме внимателни додека се подготвуваме за неизбежниот пораст на инфекциите во текот на есен/зима“, изјави вирологот Лоренс Јанг за МаилОнлајн.

Симптоми на варијантата Ерис – Воспалено грло, течење на носот, затнат нос, кивавица, сува кашлица, главоболка, влажна кашлица, рапав глас, болка во мускулите, променет мирис.