Свет
Командантот на руската Пацифичка флота поднесе оставка
Речиси седум дена по ненадејната инспекција на руската Пацифичка флота, нејзиниот командант Сергеј Авакјанц поднесе оставка.
Адмиралот Авакјанц ја напушти функцијата командант на Пацифичката флота, објави руски „Комерсант повикувајќи се на специјалниот претставник на претседателот во Далекоисточниот федерален округ, Јуриј Трутниев.
Според Трутниев, по напуштањето на функцијата, Авакјанц ќе биде назначен за началник на Генералштабот, кој ќе ги надгледува обуката за воени спортови и патриотското образование.
Претходно овој месец, министерот за одбрана, Сергеј Шојгу, рече дека Пацифичката флота е ставена на целосна борбена готовност како дел од ненадејната проверка.
Во февруари 2023 година „Политико“ цитира претставник на вооружените сили на Украина дека за време на нападот врз Вухледар, елитната 155. морска пешадиска бригада, која припаѓа на Пацифичката флота, претрпе големи загуби. Претходно, во ноември 2022 година маринец на оваа бригада пријави големи загуби во борбите за Павловка во областа Донецк.
Сергеј Авакјанац има 65 години. Тој беше командант на Пацифичката флота од 2012 година.
Руската пацифичка флота е една од четирите главни флоти на руската морнарица, со седиште во Владивосток, на Далечниот Исток на Русија. Основана е 1731 година. Флотата е важен фактор во геополитичките односи на Русија со другите земји во регионот, како што се Кина, Јапонија, Северна Кореја и САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с