Руски сили убија 50 свештеници и уништија околу 700 цркви во Украина, изјави претседателот Володимир Зеленски во интервју за CB News, а пренесува УНН. Како што изјави Зеленски, свештениците биле мачени затоа што одбиле да ѝ служат на Московската патријаршија.

„Многу свештеници, различни свештеници, беа заробени или убиени. Патем, убиле 50 од нив и ги убиле на различни начини. Ги има сите докази како ги мачеле“, рече Зеленски.

Според него, Русите ги мачеле свештениците само затоа што требало да му служат на московскиот патријарх Кирил и нивната црква.

Зеленски, исто така, рече дека руските сили уништиле околу 700 цркви.

Бразилскиот претседател Луис Инасио Лула да Силва е на одделението за интензивна нега во болницата во Сао Паоло по операцијата на главата, а неговото закрепнување напредува добро, соопштија денеска лекарите на Лула.

Тие додадоа дека Лула се очекува да остане на интензивна нега 48 часа, пренесува АП.

„Лула добро напредува во непосредниот постоперативен период, без компликации. Ориентиран е, зборува и добро ја помина ноќта“, велат лекарите.

Украинскиот претседател Володимир Зеленски, коментирајќи го телефонскиот разговор меѓу унгарскиот премиер Виктор Орбан и рускиот претседател Владимир Путин, истакна дека разговорите за војната што ја води Русија не можат да се одржат без Украина.

„Сите се надеваме дека Виктор Орбан нема да го покани (соборениот сириски претседател Башар ал) Асад во Москва да ги слуша неговите едночасовни предавања. Апсолутно е јасно дека за да се постигне вистински мир потребна е загарантирана безбедност, решителноста на Америка , единството на Европа и определбата на сите партнери да се придржуваат до целите и принципите на Повелбата на ОН“, напиша Зеленски на платформата Икс.

Според него, „не треба да се игра на својот имиџ за сметка на единството – треба да се води сметка за заеднички успех“.