Свет
Конгресмени со порака до Бајден: „Не ги вовлекувајте САД во војна, до гуша сме во кал“
Американските конгресмени незадоволни од политиката на земјата во однос на војната во Украина. Тие го повикаа претседателот Бајден да престане да се меша и да ги вовлекува САД во војната.
Конгресменот Мет Гец го повика Бајден тврди дека доколку ескалацијата продолжи, „бројот на изгубени долари ќе се претвори во број на загинати Американци“.
Конгресменката Марџори Тејлор Грин пак го повика Вашингтон да придонесе за решавање на украинскиот конфликт, а не да му доставува оружје на режимот во Киев.
„ САД треба да бараат мир во Украина a нe да финансираат прокси војна против Русија. Не можеме да си дозволиме нов конфликт на територијата на друга земја“, изјави Грин за Си-Би-Ес, додавајќи дека претседателот Бајден рекол дека ќе ги преземе сите неопходни чекори за да ја заштити Украина, иако таа не е земја на НАТО.
Исто така, конгресменката нагласи дека „Украина не е ни 51-та држава на САД“.
„ Не се работи за тоа што е добро, а што не во Украина, бидејќи ние сме Соединетите Американски Држави… до врат сме во кал. Имаме долг од 31 милијарда долари. Не ги браниме своите граници. Ги игнорираме проблемите на нашиот народ“, истакна таа. Марџори Тејлор Грин, која претходно го обвини Бајден дека е повеќе загрижен за испораката на оружје во Украина отколку за безбедноста на американските ученици.
Конгресменот Пол Госар се приклучи на барањето да се прекине воената помош за Киев, нарекувајќи го американското мешање во руско-украинскиот конфликт катастрофа.
Biden and the cabal behind him are losing the PR battle on the war in Ukraine. Americans are sick and tired of the endless money going everywhere except to our own border and our own communities.
Foreign aid and foreign entanglements must end.
Put Americans First.
— Rep. Paul Gosar, DDS (@RepGosar) March 29, 2023
„ На Американците им е смачено од бескрајните пари што одат насекаде, освен во нашата сопствена граница и нашите заедници. Странската помош и странските заплетки мора да завршат. Ставете ги Американците на прво место“ напиша Госар на Твитер.
„ Американската интервенција во војната меѓу Русија и Украина стана епска катастрофа, што резултира со смрт на стотици и илјадници луѓе, и воени и цивилни. Секој ден без мир е нов ден што ја загрозува кревката безбедност во која уживаше светот со децении без закана од разорните ефекти на нуклеарното оружје“, додава Госар.
Тој вели дека Америка досега потрошила 100 милијарди долари во војување на прокси војна во која не ѝ е место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Огромно невреме во Хјустон, четворица мртви, градот во мрак: „Не излегувајте“
Силна бура со урагански ветрови го зафати Хјустон вчера, однесе најмалку четири животи, искрши прозорци на облакодери и остави 800.000 домови без струја, потопувајќи голем дел од градот во темнина, рече градоначалникот.
Поголемиот дел од центарот на Хјустон и неговата комерцијална област беа преполни со урнати далноводи и стакло од скршените прозорци по невремето, а сообраќајот и уличните светла низ градот беа намалени, рече градоначалникот Џон Витмир во интервју за локалната телевизија КРИВ.
I swear I was in a tornado . Houston wtf was that bro.? #houston pic.twitter.com/ILAgT5mWuE
— MattHtx (@Matt_TPJ) May 17, 2024
Зборувајќи од центарот за итни операции во градот, Витмир рече дека бура со грмотевици го погодила Хјустон, со ветрови од 129-161 километар на час.
„Пораката сега е да останеме дома“, повика тој, додавајќи дека државните училишта ќе бидат затворени во петок и дека локалните власти бараат од сите работници кои не се за итни случаи да земат слободен ден.
Tornado at the Wells Fargo Plaza in downtown Houston @KPRC2 pic.twitter.com/Pzyebt65Ub
— Wes Waitkus (@weswaitkus14) May 17, 2024
Градоначалникот потврди најмалку четири смртни случаи поврзани со невремето, главно од соборени дрвја.
„Над 800.000 семејства во моментов се без струја“, додаде тој.
Градоначалникот рече дека тешките временски услови изненадиле многу жители и дека тој бил на бејзбол натпревар од помала лига кога се појавила бурата, „и имавме многу малку време да стигнеме до засолниште“.
Националната метеоролошка служба исто така издаде предупредување за поплави во областа Хјустон поради обилните дождови поврзани со невремето.
Свет
13 земји испратија предупредувачко писмо до Израел
Министрите за надворешни работи на 13 земји преку писмо го предупредија Израел против сеопфатна воена офанзива врз градот Рафа во јужниот дел на Појасот Газа, се вели во извештајот на медиумите.
Германскиот весник Зидојче Цајтунг објави дека потписниците исто така повикале на поголема помош за палестинското население. Сите членки од групата Г7, големи индустријализирани земји, го потпишаа писмото на четири страници, со исклучок на Соединетите држави.
Во писмото до израелскиот министер за надворешни работи, Израел Кац, министрите го истакнаа правото на Израел на самоодбрана и ги осудија терористичките напади на 7 октомври од страна на Хамас и другите исламистички групи.
Истовремено, тие ја повикаа владата на премиерот Бенјамин Нетанјаху да направи се што е во нејзина моќ за да ја ублажи катастрофалната и влошена хуманитарна криза во Појасот Газа.
Според извештајот на Зидојче цајтунг, тие исто така го повикале Израел да ги отвори сите гранични премини во крајбрежната зона за испорака на помош, вклучувајќи го и преминот Рафа со Египет.
Писмото го потпишаа министрите за надворешни работи на земјите од Г7 на Германија, Франција, Велика Британија, Италија, Јапонија и Канада и нивните колеги од Австралија, Данска, Финска, Холандија, Нов Зеланд, Јужна Кореја и Шведска.
Пред нешто повеќе од една недела, израелската армија напредуваше од исток кон Рафа и покрај силните меѓународни предупредувања. Оттогаш, армијата го контролира и палестинскиот дел од граничниот премин Газа кон Египет. Важниот граничен премин оттогаш е затворен за хуманитарна помош. Израел и Египет меѓусебно се обвинуваат за ова.
Израелскиот министер за одбрана Јоав Галант вчера најави распоредување дополнителни трупи во Рафа. Таму веќе се погодени стотици цели и уништени се неколку тунели, соопшти израелската армија. Според ОН, околу 600.000 луѓе веќе го напуштиле градот на границата со Египет.
Свет
Марихуаната ќе биде класифицирана како помалку опасна дрога во САД: „Историска одлука“
Американската влада одлучи да ја категоризира марихуаната како помалку опасна дрога, што значи дека луѓето кои ја користат или поседуваат супстанцијата веројатно нема да одат во затвор во иднина.
Too many lives have been upended because of our failed approach to marijuana.
So today, the @TheJusticeDept is taking the next step to reclassify marijuana from a Schedule I to a Schedule III drug under federal law.
Here's what that means: pic.twitter.com/TMztSyyFYm
— President Biden (@POTUS) May 16, 2024
„Премногу животи се превртени наопаку од нашиот неуспешен пристап кон марихуаната“, напиша американскиот претседател Џо Бајден на социјалната мрежа Икс.
Today, my administration took a major step to reclassify marijuana from a Schedule I drug to a Schedule III drug.
It’s an important move toward reversing longstanding inequities. pic.twitter.com/mxNQqQg1s7
— Joe Biden (@JoeBiden) May 16, 2024
„Денес, Министерството за правда го прави следниот чекор за прекласификација на марихуаната од Категорија I во Категорија III според федералниот закон“.
Лековите спаѓаат во пет различни категории во САД. Досега марихуаната или канабисот беа во првата, а со тоа и најстрогата категорија, која вклучува хероин и ЛСД.
Американската влада сега побара таа во иднина да биде вклучена во третата категорија. Како резултат на тоа, марихуаната ќе биде на исто ниво со стероиди или парацетамол. Американските медиуми ја означија таа прекласификација како историска.
Со прекласификацијата се признава медицинската употреба на канабисот, но целосна легализација низ државата за приватна потрошувачка не е планирана.
Иако марихуаната е веќе легална за рекреативни и медицински цели во повеќе од 20 американски држави, а само за медицински цели во повеќе од десетина други држави, федералниот закон сè уште заостанува. Потегот на администрацијата на Бајден има далекусежни последици за истражувањето и оданочувањето и придонесува за понатамошна декриминализација на канабисот.