Свет
Конгресменка бара импичмент за Бајден: „Директна закана за националната безбедност“

Конгресменката Марџори Тејлор Грин поднесе барање за отповикување на американскиот претседател Џо Бајден и четворица членови на неговата администрација, вклучувајќи го и министерот за внатрешна безбедност Алехандро Мајоркас.
Во поднесените документи, Грин бара импичмент на американскиот претседател за „сериозни злосторства и други прекршоци“ и Мајоркас, секретарот за правда Мерик Гарланд, директорот на ФБИ Кристофер Вреј и окружниот јавен обвинител на Колумбија, Метју Грејвс.
„Претседателот намерно ја компромитира националната безбедност на Америка со тоа што одби да го спроведе Законот за имиграција и заштита на границите, дозволи влез на приближно шест милиони илегални имигранти од повеќе од 160 земји, ѝ ги ускрати на граничната патрола потребните ресурси и политички капацитет за заштита на нацијата и неговата администрација намерно одби да одржува оперативна контрола предвидена со закон“, вели Грин.
Таа потсети дека Бајден ги откажал договорите за изградба на ѕидот за да ја заштити границата со САД, а Министерството за правда потоа ја тужеше државата Аризона откако го изгради ѕидот со поставување контејнери.
Според неа, Бајден ја вратил „катастрофалната практика на апсење и ослободување“ која им дозволувала на илегалните мигранти да шетаат по улиците на американските градови и да ги тероризираат локалното население.
„Под команда на Бајден, Министерството за домашна безбедност незаконски одобри масовно ослободување на илегални имигранти и покрај тоа што американскиот закон го дозволува тоа од случај до случај. Бајден ги загрози животите на Американците дозволувајќи им на илегалните имигранти кои позитивно се тестираат на Ковид да влезат во земјата , додека од неговите граѓани се бара да бидат тестирани пред да влезат во нивната земја“, нагласи Грин.
Таа додаде дека Бајден ги прекршил државните закони со своите политики, директиви и најави за границата, дека ги прекршил уставните должности, дека претставува директна закана за националната безбедност и дека повеќе не може да ги извршува должностите на претседател и треба да биде отповикан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија сака да се повлече од конвенцијата за забрана на тортура

Рускиот премиер Михаил Мишустин вчера потпиша резолуција со која бара Москва да се повлече од Европската конвенција за спречување на тортура, пишува Kyiv Independent.
Иако Русија формално останува потписник на конвенцијата, воените злосторства и тортурата на Русија врз украински цивили и војници се документирани постојано, додава Kyiv Independent.
Резолуцијата го повикува рускиот претседател Владимир Путин да ја повлече Русија од деценискиот договор.
„До претседателот на Руската Федерација се поднесува предлог за раскинување на Европската конвенција за спречување на тортура и нечовечко или понижувачко постапување или казнување“, се наведува во текстот на резолуцијата.
Дејствијата на Русија на окупираните украински територии дополнително го потврдуваат нејзиното непочитување на меѓународните механизми за заштита, според украинските медиуми.
Свет
Австралија: Иран нарача најмалку два антисемитски напади во нашата земја

Австралија денес објави дека ќе го протера амбасадорот на Иран во Канбера, а премиерот Ентони Албанезе го обвини Техеран за извршување на два антисемитски напади во клучните градови Сиднеј и Мелбурн.
Од почетокот на војната меѓу Израел и Газа во октомври 2023 година, австралиските домови, училишта, синагоги и возила беа цел на антисемитски вандализам и палење, пишува „Ројтерс“.
„Австралиската безбедносна агенција собра веродостојни разузнавачки информации дека иранската влада наредила најмалку два напади“, изјави Албанезе на прес-конференција.
„Иран се обиде да го прикрие своето учество, но ASIO верува дека стои зад нападите врз „Луис Континентал Кујн“ во Сиднеј на 20 октомври минатата година и синагогата Адас Израел во Мелбурн на 6 декември“.
Австралиската безбедносно-разузнавачка организација додаде дека е веројатно дека Иран наредил дополнителни напади.
„Ова беа вонредни и опасни акти на агресија оркестрирани од странска држава на австралиска почва“, рече Албанезе. „Ова беа обиди за поткопување на социјалната кохезија и сеење раздор во нашата заедница“.
„Австралија ја суспендираше својата амбасада во Техеран и сите дипломати се безбедни во трета земја“, рече Албанезе, додавајќи дека неговата влада ќе ја прогласи Иранската револуционерна гарда за терористичка организација.
Свет
Трамп најавува преименување на Пентагон: „Веројатно, за околу една недела“

Претседателот на САД, Доналд Трамп, денес посочи дека неговата администрација веројатно ќе го промени името на Министерството за одбрана во Министерство за војна во наредните денови.
Трамп рече дека официјалните лица веројатно ќе го вратат Пентагон на неговото постаро, поагресивно име за околу една недела. И тој и министерот за одбрана Пит Хегсет, постојано се жалат на промената на името што се случи по Втората светска војна, објавува Politico.
Министерството за војна постоеше од 1789 до 1947 година, кога администрацијата на Труман го подели одделот на Армија и Воздухопловни сили и го спои со тогаш независната Морнарица. Поранешниот претседател Хари Труман ја именуваше новата агенција на ниво на кабинет Министерство за одбрана.
Труман имаше намера промената на името да му даде на шефот на Пентагон поцентрализирана власт над одделните гранки на војската, особено Морнарицата, која уживаше значителна независност до крајот на Втората светска војна.
Трамп постојано алудираше на можноста за враќање на старото име во последните недели, нарекувајќи го Хегсет свој „министер за војна“ на самитот на НАТО во јуни и сугерирајќи дека промената е резултат на политичка коректност.
„Ако ја погледнете старата зграда до Белата куќа, можете да видите каде порано беше Министерството за војна. Потоа станавме политички коректни и го нарековме Министерство за одбрана“, рече тој.
Трамп посочи дека ребрендирањето е неизбежно. Но, на Пентагон веројатно ќе му треба одобрение од Конгресот за каква било промена на името, бидејќи министерството е основано со закон стар неколку децении.
„Не сакам само одбрана. Сакаме напад“, рече Трамп во Овалната соба.