Свет
Конгресот го смени претседателот на Перу, граѓаните протестираат
Перуанскиот претседател, Мартин Вискара, наложи распуштање на Конгресот, но пратениците се огласија по неговата наредба и изгласаа негова суспензија поради што на земјата ѝ се заканува најголемата политичка криза во последните две децении, оценуваат светските агенции.
„Ројтерс“ наведе дека пратениците од опозицијата, кои го контролираат Конгресот, изгласале Вискара да го замени потпретседателот Мерцедес Араоз.
Вискара ги обвини членовите на Конгресот дека ги блокираат антикорупциските реформи што тој настојува да ги спроведе.
„Правиме историја што идните генерации ќе ја паметат. Се надевам дека ќе ја разберат големината на оваа борба што денес ја водиме против ендемското зло кое ѝ нанесе голема штета на нашата земја“, изјави Вискара во националното обраќање.
Во меѓувреме, пред зградата на Конгресот се собраа приврзаниците на претседателот, кои ги повикуваат пратениците да ја напуштат зградата.
На улиците е забележан голем број припадници на полицијата, кои се опремени за сузбивање на демонстрациите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.
Свет
Иран ја поништи смртната казна на активистката за работнички права, Мохамади
Врховниот суд на Иран ја укина смртната казна на активистката за работнички права Шарифе Мохамади.
Нејзиниот адвокат вели дека казната на Мохамади ќе биде преиспитана во ново судење. Мохамади беше приведена во декември минатата година и оттогаш беше сместена во повеќе затвори. Револуционерниот суд во јули ја осуди Мохамади на смрт за вооружен отпор против Исламската Република.
Мохамади беше активна во одбрана на работничките права во иранската провинција Гилан.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.