Свет
Координатор на ОН: Израел е на пат да ја уништи Газа

„Израел е на пат да ја уништи Газа“, предупреди Лин Хестингс, постојана и хуманитарна координаторка на ОН за окупираната палестинска територија.
Таа повика на безусловно и итно ослободување на заложниците што ги држи Хамас, но повика и на итен и безусловен пристап до Газа за да се достави спасувачка помош. Во интервју за „Ју-ен њуз“ таа рече дека Израел не треба да го условува второто со првото.
„Израел ја врзува хуманитарната помош за Газа со ослободувањето на заложниците. Повторно, ниту едното не треба да биде условено. И она што го гледаме сега, насоката по која оди Израел, тие сакаат да го уништат Хамас, но нивната тековна траекторија ќе ја уништи Газа“, рече Хестингс.
Таа исто така рече дека и покрај извештаите оти Израел повторно ја вклучил водата, персоналот на ОН известил дека таа не тече и дека водата во енклавата ќе ја снема најдоцна до вторник.
„Денес има само доволно вода – и тоа не за сите 2 милиона луѓе – од речиси еден литар вода, што е значително под барањата на Светската здравствена организација. Очекуваме дека вода ќе нема повеќе, ако не понеделник, најдоцна до вторник“, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Премиерот на Гренланд: Со нетрпение ја очекувам посетата на данската премиерка

Гренландскиот премиер Јенс-Фредерик Нилсен денеска изјави дека со нетрпение ја очекува посетата на данската премиерка Мете Фредериксен во среда.
Нилсен рече дека Гренланд долго време ја посакувал оваа посета, објави Ројтерс.
Тој во неделата рече дека САД нема да го добијат Гренланд, одговарајќи на изјавите на американскиот претседател Доналд Трамп дека сака да ја преземе контролата врз оваа самоуправна автономна територија под суверенитет на Данска.
Свет
Од кабинетот на Зеленски негираат дека тој се подготвува да се кандидира за втор мандат

Од кабинетот на украинскиот претседател Володимир Зеленски го демантираат извештајот на британскиот Економист дека Зеленски се подготвува да се кандидира за втор мандат на претседателските избори во јули.
Оттаму исто така, негираа дека Зеленски одржал состанок за изборите во јули, на кој наводно, според Економист, му наредил на својот тим да ги организира изборите, пренесе УНИАН.
Извор од украинската влада изјави дека главното прашање сега е постигнување мир и дека е целосно лажно дека подготовките за изборите веќе се во тек.
Свет
Марин Ле Пен ќе поднесе жалба на пресудата

Марин Ле Пен ќе поднесе жалба на одлуката на судот со која лидерката на француската крајна десница е осудена на четири години затвор, соопшти нејзиниот адвокат.
Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра.
Ле Пен е прогласена за виновна за проневера на европски фондови.
Ова е удар за демократијата – рече нејзиниот адвокат.
– Марин Ле Пен ќе продолжи да се бори – изјави портпаролот на нејзината партија Национален собир.
Ле Пен важи за еден од фаворитите за претседателските избори во Франција закажани за 2027 година.