Свет
Коронавирусот може да предизвика долгорочна еректилна дисфункција кај мажите, предупредуваат експертите

И додека земјите во светот ја чекаат вакцината против коронавирусот, експертите предупредуваат дека дури и и благ случај на вирусот може да предизвика долгорочни компликации.
И покрај тоа што третманите за лекување се подобрени и вакцината е на пат, луѓето треба да бидат свесни за компликациите поврзани со вирусот, вклучително и можноста за еректилна дисфункција, објаснуваат лекарите.
Well, this is a bit awkward. COVID-19 may cause long-term erectile dysfunction in men. Yet another reason to heed public health advice as the coronavirus continues to spread. https://t.co/rFiNEUbpGy pic.twitter.com/sTmCGJrNiV
— NBC10 Philadelphia (@NBCPhiladelphia) December 5, 2020
Експертот за инфективни болести, д-р Дена Грејсон, неодамна ги предупреди сите да не се олабавуваат додека светот ја чека вакцината.
„Мажите би можеле да имаат долгорочни проблеми со еректилна дисфункција од овој вирус затоа што знаеме дека предизвикува проблеми со крвните садови.. Ова е нешто што навистина предизвикува загриженост. Не само што овој вирус може да ве убие туку, всушност, може да предизвика и долгорочни, доживотни, потенцијални компликации“, вели Грејсон.
Иако се чини дека голем дел од луѓето закрепнуваат од Ковид-19, Грејсон сепак предупредува дека очекуваат оти ќе видат повеќе долгорочни негативни последици од инфекцијата како што одминува времето, вклучително и невролошки компликации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.