Контакт

Европа

Коронавирусот повторно ја затвора Европа

Објавено пред

Повеќето европски земји повторно се одлучија за затворање и построги мерки за справување со новиот бран на коронавирус, откако новите видови земаа замав.

dobivaj vesti na viber

Јужноафриканскиот сој пристигна и во регионот, каде што беа регистрирани првите случаи во Словенија и Хрватска, кои, пак, одлучија да ги релаксираат мерките. Србија, каде бројот на новозаразени лица е над 3.000 на ден, воведе построги мерки викендов во обид да се спречи ширењето на вирусот.

Грција, Холандија, Данска и Италија се определија за делумно олеснување на мерките, главно по региони.

Од друга страна, Франција, Чешка, Шпанија и Португалија воведуваат нови построги мерки и нови затворања.

Карантинот во Белгија е продолжен, а строгите мерки остануваат на сила во Германија и Ирска. Шведска истотака воведе построги мерки пред неколку дена.

Франција – делови од земјата се затвораат

Делумното затворање е на сила од овој викенд во делови на Франција кои се особено тешко погодени од пандемијата на коронавирус, имено областа Ница и крајбрежјето на југ и север околу Данкирк.

Затворањето важи само за време на викендите, кога луѓето можат да излегуваат само од оправдани причини. Продавниците, освен супермаркетите и аптеките, се затворени.

Дозволено е излегување од домот за спортување, одење на прошетка во радиус од пет километри, пазарење, работни обврски и шетање куче. Граѓаните мора да го документираат излегувањето од дома со пополнет образец.

Германија – строгите мерки остануваат на сила

Германија истотака се соочува со зголемување на бројот на заразени лица. Таму се на сила строги мерки, кои вклучуваат затворање на сите продавници (освен продавници за храна и аптеки), училишта, ресторани, кафулиња и барови, фризерници, трговски центри. Приватните собири се сведени на само едно лице од друго домаќинство, а носењето „рачно изработени“ маски е забрането. Училиштата се отворени во неколку држави, а наскоро се очекува да се отворат и фризерските салони. Мерките треба да бидат на сила до 8 март, но канцеларката Ангела Меркел не ја исклучи можноста за нивно продолжување.

Грција – Постепено попуштање на мерките по строгата блокада, полицискиот час останува на сила

Грција има нешто полесна ситуација благодарение на строгиот карантин, што го намали растот на нови инфекции, што доведе до отворање на продавниците и основните училишта. Во јануари, сепак, се појавија таканаречените „црвени зони“ – области со поголем број заразени и починати, поради што беше воведено заклучување на зоната и затворање на училиштата, фризерските и салоните за убавина и продавниците. Во Атина, Солун и Халкидики на сила е ноќниот полициски час во текот на работната недела, кој е построг за време на викендот, од 18 до 5 часот наутро.

Италија – повеќето од мерките остануваат на сила

Италија го задржа полицискиот час од 22 до 5 часот наутро, а воведена е и забрана за патување меѓу 20 региони. Маските во јавноста се задолжителни, во затворени простории, но исто така и на отворено и тоа се однесува на целата земја. Во некои делови од земјата, баровите и рестораните се повторно отворени – до 18 часот, а средните училишта се отворени, иако со намален капацитет.

Чешка – ситуацијата во болниците е критична

Една од најтешко погодените земји во ЕУ ја заострува блокадата. Чешка се приближува до бројката од 20.000 смртни случаи, а премиерот изјави дека „ситуацијата во болниците е речиси до вистинска катастрофа“. Затоа Владата во петокот донесе одлука за воведување на нова вонредна состојба, која ќе стапи на сила во недела и ќе трае 30 дена.

Шпанија – полициски час до мај

Во Шпанија на сила е полициски час, кој ќе трае најдоцна до мај. На луѓето им е дозволено да излегуваат само поради работа, образование и пазарење, односно во случаи кога треба да обезбедат помош за стари лица и деца. Сите над шест години мора да носат маска во јавниот превоз, како и на јавни места. Маските се задолжителни во повеќето региони и на отворени простори.

Белгија – продолжен карантин

Белгија го продолжи карантинот до 1 април и сите несуштински патувања се забранети. Максимум едно лице е дозволено да посети друго домаќинство, а максималниот број на луѓе собрани на отворено е четири лица. Училиштата и продавниците се отворени, но луѓето мора да одат сами на шопинг и не смеат да останат во продавницата повеќе од половина час. Маските се задолжителни насекаде.

Португалија – воведена нова блокада

Португалија исто така воведе ново затворање на 15 јануари. Работата од дома е задолжителна, Продавниците и услужните дејности се затворени. Кафулињата и рестораните можат да вршат само испораки. За повеќето деца, училиштето е затворено и се очекува овие мерки за ново затворање да бидат на сила најмалку до 1 март.

Холандија – полицискиот час останува, но некои мерки се олабавуваат

Холандската влада донесе одлука за олеснување на некои мерки. Од 1 март средношколците ќе имаат барем еден ден настава во училиштата. Се отвораат фризерски салони и други „контактни“ професии, освен сексуалните работнички. Лицата помлади од 27 години можат да се занимаваат со спорт на отворено. Полицискиот час е сè уште на сила и покрај големите немири што избувнаа поради него.

Данска – Дел од мерките се олеснети

Данската влада донесе одлука за олеснување на некои мерки. Секторот за малопродажба се очекува да се отвори во март, а можни се активности на отворено за групи до 25 лица. Децата исто така се очекува да се вратат на училиште, но само во области со мала стапка на новозаразени.

Ирска – На сила најстроги мерки

Ирска се врати на строгата блокада на крајот на декември откако претходно дозволи патувања за време на Божиќните празници. Строгите мерки ќе бидат на сила барем до 5 март. Нема излегување од дома освен за одење на работа, училиште и од други, суштински причини. Вежбањето е дозволено, но само во радиус од пет километри од дома. Забрането е дружење во куќи. Свадбите се ограничени на шест лица, а погребите на 10. Сите продавници кои не се неопходни, спортските сали, базените и просториите за одмор се затворени. За рестораните, пабовите и кафулињата е дозволена само продажба од пункт или достава.

Шведска – Владата ги воведе првите големи ограничувања

Шведска долго време избегнуваше воведување строги мерки, но на 10 јануари беше донесен закон за итни случаи, кој веднаш стапи на сила и и овозможи на владата да воведе некои ограничувања поради короната за првпат. Сега од луѓето се бара да носат маски во јавниот превоз за време на фреквентните периоди кога има поголеми гужви. Пред неколку дена беше воведена забрана за продажба на алкохол по 20 часот и само четири лица имаат право да седат на маса во ресторани. Јавните собири се ограничени на осум лица, а наводно се разгледуваат и други мерки.

Европа

Русија ја тестира втората верзија на патничкиот авион „MC-21“ со домашни делови

Објавено пред

Русија спроведе пробен лет на втората прототип-верзија на својот среден патнички авион „MC-21“ направен со домашни делови, соопшти Министерството за индустрија во вторникот бидејќи санкциите за увезени делови го забавуваат производството, а високите каматни стапки ги ограничуваат инвестициите.

dobivaj vesti na viber

И покрај овие пречки, руската воздухопловна индустрија успеа да испорача еден од 15-те авиони планирани за оваа година до август.

Домашна технологија во новиот прототип
Авионот „MC-21“ полета од фабриката за авиони во Иркутск, управувана од компанијата „Јаковлев“, дел од корпорацијата United Aircraft Corporation на државниот конгломерат „Ростек“, соопшти министерството во објава на платформата „Телеграм“.

Летот ги тестира новите руски системи на авионот и турбовентилациските мотори PD-14, соопшти Министерството. Претходните прототипови комбинираа руски и странски компоненти.

„MC-21“, кој може да превезува околу 175 патници во конфигурација од две класи, е клучен за плановите за замена на авионите на западните производители „Ербас“ и „Боинг“, кои руските авиокомпании тешко може да ги одржат поради санкциите воведени по руската инвазија на Украина во 2022 година.

Верзијата на „MC-21“ со увезени делови беше полесна од првата верзија, која имаше ограничен дострел и поголема потрошувачка на гориво, што ги направи авиокомпаниите претпазливи, изјави руски извор од авијацијата за „Ројтерс“ во август.

Датумите за испорака беа одложувани неколкупати откако „Ростек“, кој го надгледува производството на Superjet-100, Tupolev Tu-214, Ilyushin и новиот Yakovlev MC-21, изјави за „Ројтерс“ дека Русија ќе гради свои патнички авиони.

Првите испораки на „MC-21“ се очекуваат кон крајот на 2026 година, а „Ростек“ планира да го зголеми производството на 36 авиони годишно до 2030 година.

 

фото: принтскрин

Прикажи повеќе...

Европа

„Политико“: Унгарија, Чешка и Словачка се обидуваат да формираат сојуз на скептици за Украина

Објавено пред

Унгарија се стреми да ги здружи силите со Чешка и Словачка за да формира блок од земји во Европската Унија кои се скептични кон понатамошна помош за Украина. Таквиот потег би можел значително да ги комплицира напорите на Брисел да обезбеди континуирана финансиска и воена поддршка за Киев, пишува Политико.

dobivaj vesti na viber

Балаш Орбан, главен политички советник на унгарскиот премиер, изјави дека се надева дека ќе се здружи со Андреј Бабиш, чија десничарска популистичка партија победи на неодамнешните парламентарни избори во Чешка, и со словачкиот премиер Роберт Фицо. Според него, целта е да се координираат ставовите пред состаноците на лидерите на ЕУ, што вклучува одржување состаноци пред самите самити.

Иако сè уште не е постигнат силен политички сојуз, неговото формирање би можело значително да ги комплицира напорите на ЕУ да обезбеди финансиска и воена поддршка за Украина, наведува Политико.

„Мислам дека тоа ќе се случи – и ќе стане сè повидливо“, рече Балаш Орбан, кога беше прашан за можноста за формирање блок на скептици за Украина во Европскиот совет.

Тој потсети на моделот на соработка на таканаречената Вишеградска група на четворката (Унгарија, Чешка, Словачка и Полска) за време на мигрантската криза. „Тоа функционираше многу добро за време на мигрантската криза. Така успеавме да се спротивставиме“, рече тој, осврнувајќи се на периодот по 2015 година, кога евроскептичната партија „Право и правда“ беше на власт во Варшава.

Според „Политико“, новиот сојуз би се состоел од три, а не од четири члена. Сегашниот полски премиер од централно-десничарската партија, Доналд Туск, е цврсто проукраински ориентиран и веројатно нема да се приклучи на каков било сојуз со унгарскиот премиер.

Унгарскиот премиер, кој е на власт во последните 15 години, се соочува со борба за реизбор следната година. Според анкетата на јавното мислење на која се повикува изданието, партијата „Тиса“ на лидерот на опозицијата Петер Маѓар во моментов е попопуларна од партијата „Фидес“ на Орбан.

фото: принтскрин

Прикажи повеќе...

Европа

(Фото) Лебед го прекина железничкиот сообраќај во Шкотска неколку часа

Објавено пред

Патниците се соочија со големи доцнења и откажувања на услугите во шпицот на најпрометната железничка станица во Шкотска вчера, откако лебед беше пронајден на шините на станицата во Глазгов. „Нетворк Реил“ вчера соопшти дека птицата се качила на горниот дел на станицата Глазгов Централ околу 17:49 часот и не била сигурна каде оди.

dobivaj vesti na viber

„Драги патници, се работи за лебед кој се заглавил на шините на станицата Глазгов Централ. Услугите до и од оваа железничка станица се прекинати, но возовите сè уште возат со намалена брзина“, се вели во соопштението на железничкиот оператор, заблагодарувајќи им се на сите за нивното трпение.

„Тим специјалисти е испратен на местото на настанот и работи на отстранување на лебедот од шините што е можно поскоро“, се вели во соопштението.

„Нетворк Реил“ објави фотографии од „виновникот“ по 18:00 часот, додавајќи дека тимовите „работат за да се осигурат дека услугите нема да бидат прекинати и дека лебедот ќе биде отстранет на безбедно место“. Во 18:30 часот „СкотРеил“ објави дека птицата е отстранета, а дека до 21:42 часот прекинот во сообраќајот престанал.

„Имаме добри вести. Лебедот е спасен, отстранет од зоната на станицата и транспортиран на безбедно место. Малку е вознемирен, но добро се опоравува. Ви благодариме за трпението, го цениме тоа.

Исто така, работиме на враќање на нашите вработени на работа и нашите услуги сега работат нормално“, се вели во соопштението. По околу три часа, беше објавено дека „прекинот на железничките услуги на Глазгов Централ е завршен“.

Прикажи повеќе...

Најново

Македонија7 часа

Еден од министрите, секој ден плаче и праќа пораки по дипломатските претставништва да ми реагираат да престанам до избори да говорам за криминалов, вели Арсовска

Градоначалничката на Скопје, Данела Арсовска, преку објава на социјалните мрежи го повикува Ислам Абази од Основното јавно обвинителство за организиран...

Македонија9 часа

(Видео) Илјадници пластични шишиња во Вардар, од Министерството за животна средина велат виновни се слабите комунални услуги

Министерството за животна средина и просторно планирање соопшти дека појавата на пластичен и друг амбалажен отпад во реката Вардар и...

Македонија11 часа

Обвинителството побара притвор за директорот и за управителот на „Комунална хигиена“

Скопското обвинителство побара притвор за в.д. директорот на ЈП „Комунална хигиена“ – Скопје, Сабахудин Рустеми, и за еден управител за...

Македонија12 часа

Голем е интересот за вакцинацијата против сезонскиот грип, од Здравство велат пријавени се повеќе од 70.000 граѓани

Министерството за здравство информира дека интересот за вакцинација против сезонскиот грип континуирано расте. Досега се пријавени над 70 илјади граѓани,...

Македонија13 часа

Мицкоски: Енергетиката е поставена високо на државната агенда – не како техничко прашање, туку како национален приоритет

Енергетиката е поставена високо на државната агенда, не како техничко прашање, туку како национален приоритети државна стратегија, рече премиерот, Христијан...

Топ15 часа

Во Кавадарци со тесла го убил својот помлад брат на неговиот роденден поради расправија за имот

Обвинителството ги откри мотивите за грозоморното убиство што се случи летово во Кавадарци. Утврдено е дека 43-годишникот го убил својот...

Свет16 часа

(Видео) Јамајка се подготвува за најлошиот ураган во историјата

Три лица веќе загинаа на Јамајка, додека островот се подготвува за најсилната бура во светот оваа година, а можеби и...

Европа17 часа

Русија: Украина ја напаѓа Москва со беспилотни летала втора ноќ по ред

Украина ја нападна Москва со беспилотни летала втора ноќ по ред, соопштија денес руското Министерство за одбрана и градоначалникот на...

Свет17 часа

(Видео) Експлозија во австралиски рудник, двајца загинати

Две лица загинаа, а едно беше повредено денес во експлозија во од неодамна повторно отворен рудник во австралиската држава Нов...

Свет17 часа

Судијата му дозволи на убиецот на Чарли Кирк да носи обична облека на суд

22-годишниот маж обвинет за убиство на истакнатиот конзервативен активист Чарли Кирк може да се појави на суд во „цивилна облека“,...

Европа17 часа

Фон дер Лајен: Литванија се соочува со хибридна закана, нема да го толерираме тоа

Претседателката на Европската комисија, Урсула фон дер Лајен, ја изрази целосната солидарност на Европа со Литванија во врска со постојаните...

Европа17 часа

Зеленски потврди дека Русите влегле во Покровск

Руските сили ја фокусираа целата своја напаѓачка моќ врз Покровск, град во источна Украина каде што сега се водат жестоки...

Македонија1 ден

Мицкоски од Пробиштип повика на масовна излезност во вториот круг

Во првиот круг коалицијата којашто ја предводи ВМРО-ДПМНЕ освои 33 градоначалници. Двајца во меѓу време, помеѓу првиот и вториот круг,...

Македонија1 ден

Уапсени двајца полицaјци осомничени за разбојништвото на златарницата во Гостивар, се трага и по други лица

Министерството за внатрешни работи до Основното јавно обвинителство Гостивар поднесе кривична пријава против две лица поради сомнение дека како соизвршители...

Македонија1 ден

Приведени две лица од раководството на ЈП „Комунална хигиена“

Приведени се две лица од раководството на Комунална хигиена, соопштија од Основното јавно обвинителство. Како што додаваат од таму, лицата...

Македонија1 ден

Локацијата на ГОБ „8 Септември“ на Мицкоски му изгледа како одлична за нов клинички центар: Има три булевари, гасна поврзаност, но да оставиме експертите да кажат

Премиерот Христијан Мицкоски чека да завршат локалните избори за да распише повик за финансиски институции што ќе понудат кредити за...

Македонија1 ден

Мицкоски: Не е точно дека постои разговор за коалиција со Рамиз Мерко, не преговарам со луѓе на црната листа на САД

Не е точно дека постои разговор за коалиција со Рамиз Мерко, не преговарам со луѓе на црната листа на САД,...

Топ2 дена

Кривична против полицаец: пукал со пиштолот во просторија во СВР Струмица откога потпишал решение за отстранување од работното место

Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење...

Македонија2 дена

(Фото) Општина Центар: Се отстрануваат паднатите дрвја кај училиштето „Киро Глигоров“

Општина Центар информира дека во моментот екипите на ЈП „Паркинзи на Општина Центар“ и ЈП „Паркови и зеленило“ работат на...

Топ2 дена

(Фото) 30-дневен притвор за скопјанецот што со пиштол крадеше во филијали за брзи кредити

Вчера во Скопје, полициски службеници од СВР Скопје го лишија од слобода 25-годишниот Б.А. од Скопје. Тој се сомничи дека...