Свет
Коронавирусот се рашири во 30 земји во светот

Досега 30 земји воведоа итни мерки или зголемени мерки на претпазливост за коронавируси, при што првите случаи се пријавени во Латинска Америка, Бразил, додека во Алжир еден италијански државјанин е ставен во изолација, пренесуваат агенциите.
Досега 11 лица починале на северот на Италија како резултат на инфекција со коронавирус, повеќе од 300 се заразени и воведени се карантински мерки во 10 градови.Во девет италијански региони, заразени се вкупно 325 лица, а најголем број има во Ломбардија – 240 заразени и девет мртви, објави Анса.
По ширењето на вирусот во Италија, Хрватска, Австрија и Швајцарија, и од Бразил стигнале известувања до Светската здравствена организација за првите случаи на коронавирусот.
Бразилското Министерство за здравство објави дека жител на Сао Паоло, кој неодамна пристигнал од Ломбардија, Италија, биле подложен на тестирање и резултатот е позитивен.
Првиот случај на коронавирус е пријавен и во Алжир, а се претпоставува дека пренесувањето на болеста дошло од Италија.Во Алжир, еден Италијанец којшто пристигнал во земјата на 17 февруари е изолиран, а Ројтерс јавува дека здравствените власти наредиле да се преземат сите мерки на претпазливост.До денес, во Северна Америка се пријавени 63 случаи на коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Русија изврши 46 воздушни удари и 900 гранатирања за еден ден

Претседателот на Украина, Володимир Зеленски, соопшти дека Русија извршила сериозни напади врз украинска територија, прекршувајќи го велигденскиот прекин на огнот. Според податоците на врховниот командант на украинската армија, Олександр Сирски, руските сили до 16 часот по локално време извршиле 46 воздушни напади и 900 артилериски гранатирања.
„Денеска руските сили употребија 400 дронови за напади врз различни делови од Украина“, објави Зеленски на социјалните мрежи.
Според него, дел од нападите биле насочени и кон регионот Доњецк, токму за време на прекинот на огнот по повод православниот Велигден. Напади биле регистрирани и во областа Курск во Русија.
Украинскиот претседател остро ја осуди агресијата, оценувајќи дека Москва повторно демонстрира целосно непочитување кон верските празници и обидите за деескалација на конфликтот.
Регион
Додик: Британски специјалци се дојдени во Република Српска да ме убијат

Милорад Додик, претседателот на Република Српска и осуден бегалец кој е наведен како бегалец во Федерацијата на Босна и Херцеговина, во интервју за Новости упати сериозни обвинувања.
Тој тврди дека „тројца претседатели на европски земји и еден премиер“ му кажале дека во Босна и Херцеговина е префрлена британска воена единица со многу специфична задача – негова ликвидација.
„Тоа не е класична единица. Станува збор за четириесет војници кои пристигнаа со јасна наредба – не да ме уапсат, туку да ме убијат. И тоа под изговор дека давам отпор. Мафијашки принцип – ако отстраните човек, го отстранивте проблемот. Лидерите од Европа ми го потврдија тоа. Тие не се откажаа, но засега молчат“, вели Додик.
Тој во интервјуто нагласува дека не живее во страв и дека слободно се движи, отфрлајќи ги тврдењата дека е изолиран.
„Никогаш нема да бидам скршен од политичките процеси. Нема да се откажам од борбата за Република Српска“, вели тој.
Додик открива и дека официјални лица од Брисел наводно го советувале да се засолни.
Регион
Сестри си размениле пцости, па тупаници за имотот на нивниот татко

Две сестри се степале за имотот на нивниот покоен татко! Сè експлодирало во двор во Цазин (БиХ) кога жените, откако си размениле остри зборови, почнале да си разменуваат удари. Соседите зачудено гледале како драматичниот конфликт ги вознемирува локалните жители, принудувајќи ја полицијата да интервенира.
„Прво дошло до жестока расправија во дворот од куќата на нивниот покоен татко, а потоа сето тоа прераснало во физичка пресметка“, вели еден од соседите, кој сакал да остане анонимен.
Според него, спорот настанал околу поделбата на имотот на нивниот татко – земјиште и стара рурална станбена зграда.
„Беше страшно да се гледаат две сестри како се тепаат пред луѓе кои со години ги познаваат како мирни и резервирани луѓе“, додава сосед.