Европа
Која е Грета Тунберг – климатска активистка или изманипулирано дете?
Грета Тунберг, тинејџерката која уште еднаш е во центарот на вниманието поради нејзиното обраќање во Њујорк на климатскиот Самит на Обединетите нации, во кој на светските лидери им порача дека поради нивните празни зборови, планетата умира, предизвика различни реакции во јавноста, од громогласни аплаузи до оспорувања и тврдења дека со неа манипулираaт нејзината алчна мајка и експерт за односи со јавноста.
Девојчето на возраст од 16 години за само 12 месеци стана лицето на борбата за спас на планетата од глобалното затоплување, а денес таа беше објавена како една од добитниците на „алтернативниот Нобел“, наградата „Рајт лајвлихуд“, поради нејзината инспиративна акција за итна борба против климатските промени, која се заснова на научни факти.
Грета стана позната низ целиот свет на 15-годишна возраст затоа што, минатата година, секој петок бегаше од училиште со цел да протестира против климатските промени пред шведскиот парламент. Нејзиниот пример го следеа врсници низ целиот свет и така се создаде глобалното движење „Петоци за иднината“ (Fridays for Future).
Наскоро Грета беше прогласена за икона на активизмот и климатска воинка, која разговара рамо до рамо со водечките експерти, но во меѓувреме се појавија прашања и за тоа кој профитира од нејзиниот ангажман. Така, дежурните скептици побараа одговор во семејното дрво на девојчето.
Мајката на Грета е оперската пејачка и соработничка на „Евровизија“, Малена Ернман, а нејзиниот татко е актерот Сванте Тунберг. Грета во една пригода изјави дека таа прво дознала за климатските промени на осумгодишна возраст и речиси веднаш прашала зошто возрасните не го сфаќаат тоа сериозно.
Наводно, ова бил еден од факторите што довеле до нејзиното заболување од депресија на 11-годишна возраст. Престанала да јаде, да оди на училиште и да разгова со сите освен членовите на семејството и наставникот.
Тогаш било откриено дека страда од Аспергеров синдром (форма на аутизам), опсесивно компулсивно нарушување и селективен мутизам, што, според нејзиното објаснување, значи дека зборува само кога смета дека е неопходно, при што сфатила дека мора да зборува за климатските промени.
Според официјалната биографија достапна за медиумите, родителите на Грета се откажале од своите кариери за да се грижат за неа и нејзината сестра Бети, која исто така страда од Аспергеров синдром и опсесивно компулсивно нарушување.
Кога Грета минатата година започна да протестира пред шведскиот парламент, експертот за односи со јавноста и активист за животна средина Ингмар Рентог објави нејзина фотографија на својот фејсбук-профил. Приказната ја презел локален весник па така стигна и до светските медиуми, а во исто време беа направени и првите обвинувања против мајката на Грета, Малена, дека со помош на Рентог смислила кампања за промоција на книгата за борбата на нејзината ќерка со различните дијагнози.
Британскиот магазин „Стендпоинт“ објави дека Рентог не случајно налетал на штрајкот на Грета, туку по договор со Малена, со која неколку недели претходно разговарал на климатска конференција.
Како еден од доказите за оваа теорија беше наведен податокот дека вредноста на зелената компанија на Рентог, „Немаме време“, скокнала за повеќе од милион долари откако Грета се приклучила во нејзиниот младински одбор.
Иако Грета подоцна се повлече од бордот, во јавноста се јавија обвинувања дека нејзината мајка сфатила за користа која може да ја има од славата на нејзината ќерка, односно оти истата е поголема и од промоцијата на книгата.
Германските медиуми, исто така, внимателно го следеа искачувањето на Грета до врвот на светската популарност. Така, „Дојче веле“, повикувајќи се на весникот „Ројтлингер генерал“, забележува дека оваа шеснаесетгодишна девојка има изразени заеднички карактеристики со популистите – совршено ги поедноставува комплексните теми и го дели општеството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Франција и Германија се мобилизираат; Макрон: Му дадов ветување на Туск
Франција денес соопшти дека одлучила да мобилизира три борбени авиони „Рафал“ за заштита на полскиот воздушен простор и источна Европа заедно со НАТО, по руските упади со беспилотни летала во Полска, додека Германија изјави дека ќе ги засили своите обврски на источното крило на НАТО.
„Вчера му го дадов ова ветување на полскиот премиер Доналд Туск“, објави францускиот претседател Емануел Макрон денес на Икс, додавајќи дека разговарал и со генералниот секретар на НАТО, Марк Руте, и со британскиот премиер Кир Стармер.
„Нема да попуштиме пред зголеменото заплашување од Русија“, рече тој.
Германија, исто така, ќе ги засили своите обврски на источното крило на НАТО по инцидентот со дроновите во Полска, изјави владиниот портпарол Стефан Корнелиус.
Тој рече дека војската на германскиот Бундесвер ќе го прошири и продолжи својот воздушен надзор над Полска. Два борбени авиони „Еурофајтер“ на Бундесвер веќе извршуваат извидувачки летови над Полска, кои беа планирани до 30 септември. Тие полетуваат од нивната база во близина на северниот германски град Росток.
Мерц: Ова е сериозен инцидент, а не несреќа
Бројот на авиони сега ќе се удвои на четири, а извидувањето е продолжено најмалку до 31 декември, соопшти германското Министерство за одбрана. Канцеларот Фридрих Мерц вчера изјави дека не верува дека нарушувањето на полскиот воздушен простор од страна на руски беспилотни летала е несреќа, туку инцидент што претставува многу сериозна закана за мирот во цела Европа.
Варшава регистрираше 19 нарушувања на својот воздушен простор од страна на руски беспилотни летала завчера и вчера. Русија негираше одговорност за инцидентот. Полска беше поддржана од своите сојузници во НАТО во соборувањето на беспилотните летала, прв пат членка на воениот сојуз да отвори оган за време на војната на Русија во Украина.
Полскиот претседател го опиша инцидентот како обид на Русија да го тестира одговорот на Варшава и НАТО. Советот за безбедност на Обединетите нации ќе се состане утре за да разговара за упадите на беспилотните летала во полскиот воздушен простор.
фото: принтскрин
Европа
Зеленски: Размислете внимателно за вашите капацитети за воздушна одбрана
Украинскиот претседател Володимир Зеленски денеска ги повика сојузниците на Киев да ги преиспитаат своите капацитети за воздушна одбрана откако беспилотните летала, за кои Варшава тврди дека се руски, влегоа во полскиот воздушен простор.
Зборувајќи во Киев заедно со финскиот претседател Александар Стаб, Зеленски рече дека Украина е отворена и подготвена да ги поддржи сојузничките напори. Украина одби многу руски воздушни напади користејќи украинско и странско оружје, од митралези до напредни ракети.
Зеленски рече дека земји како Полска треба да размислат за слични повеќеслојни пристапи бидејќи ракетните системи како што е американскиот систем „Патриот“ се премногу скапи за употреба против поевтини руски беспилотни летала.
„Никој во светот нема доволно ракети за да собори сите различни видови дронови“, рече тој. Полска, со поддршка на сојузниците од НАТО, вчера собори неколку дронови што влегоа во нејзиниот воздушен простор.
Полскиот претседател го опиша инцидентот како руска провокација насочена кон тестирање на одговорите на Полска и НАТО. Зеленски рече дека Украина, која развила софистициран домашен пристап за одбивање на руските напади, е во позиција да им помогне на своите сојузници во тоа.
Тој рече дека полскиот премиер Доналд Туск веќе се согласил да испрати воени претставници во Украина за таа цел. Полските воени претставници ќе бидат обучени да соборуваат дронови, изјави извор запознаен со ова прашање.
фото: принтскрин
Европа
Русија: Полјаците не ни доставија никакви докази дека дроновите се од наше потекло
Москва тврди дека Полска не доставила никакви докази што покажуваат дека беспилотните летала што биле соборени во Полска се од руско производство.
Вршителот на должноста амбасадор на Русија во Полска, Андреј Ордаш, потврди за новинската агенција „РИА новости“ дека бил повикан од полското Министерство за надворешни работи по инцидентот.
Ова е првиот коментар на Русија по инцидентот, кој се случи преку ноќ.
Трагедија во Црна Гора: девојка од Србија се удави во близина на Тиват
Попладнево во морето кај Луштица, Црна Гора, нуркачи и членови на Пловечката единица безуспешно се обидуваа да го пронајдат и...
Франција и Германија се мобилизираат; Макрон: Му дадов ветување на Туск
Франција денес соопшти дека одлучила да мобилизира три борбени авиони „Рафал“ за заштита на полскиот воздушен простор и источна Европа...
ФБИ објави фотографии од осомничениот за убиството на Чарли Кирк
ФБИ објави фотографии од осомничениот за убиството на Чарли Кирк. „Бараме помош од јавноста за идентификување на ова лице од...
ФБИ: Ја пронајдовме пушката со која беше затрелан Кирк, имаме и снимки и отпечатоци
Оружјето за кое се верува дека е употребено во вчерашното пукање врз Чарли Кирк е пронајдено, но осомничениот е сè...
Забрана за движење на територија на депонијата „Вардариште“
Управувачкиот комитет за координација и управување со системот за управување со кризи, на денешната 7-ма седница, предложи до Владата, а...
Вонреден инспекциски надзор на депонијата „Дрисла“
Во доцните попладневни часови, околу 15:15 часот, државниот Инспекторат за животна средина изврши вонреден инспекциски надзор поради пожар кој избувна...
Воздухот мириса, но ве уверувам дека не е штетен на ниво што предизвикува здравствени проблеми, вели Алиу
Иако депонијата „Дрисла“ трет ден го полни Скопје со смрдеа на изгорена пластика и гума, министерот за здравство, Азир Алиу,...
„Дрисла“ трет ден ги труе скопјани, Мицкоски со механизација од општествено одговорни компании ќе влезе на депонијата
За пожарот и чадот од депонијата „Дрисла“, кои трет ден ги трујат скопјани, премиерот Христијан Мицкоски вели дека има истрага,...
Мицкоски се извини за Фетаи: Тој се труди да го учи и зборува македонскиот јазик, не го знае оти се иселил на шест години
Потпретседателот на Владата задолжен за добро владеење, Арбен Фетаи, течно зборува четири странски јазици, а македонскиот сѐ уште го учи оти...
(Видео) Филипче: Мицкоски призна, граѓаните се оставени сами, без мерки за високите цени и со најниски плати
„Жалам што вчера премиерот изјави дека нема да се интервенира во цените на производите, вклучувајќи ги и основните прехранбени продукти,“...
Против три лица поднесено обвинение за депониите во „Вардариште“: ОЈО Скопје постапува и во други предмети за загaдување со отпад
Јавен обвинител од Основното јавно обвинителство Скопје ја заврши истражната постапка и денеска поднесе обвинителен акт против три лица за...
„Дрисла“ сѐ уште чади, агенција за обезбедување ја чува депонијата „Вардариште“
На депонијата „Дрисла“ сѐ уште има чадење, информира директорот на ДЗС, Стојанче Ангелов, кој појасни дека депониите тешко се гаснат со...
Охриѓанец паднал од третиот кат на зградата во која престојувал
Вчера во 19:38 часот во СВР Охрид е пријавено дека К.Д.(53) од Охрид паднал од третиот кат од зградата каде...
Сомнителни, незаконски и астрономски скапи набавки правело МНР за време на Бујар Османи, велат од „Вреди“
Сомнителни, незаконски и астрономски скапи набавки правел МНР за време на Бујар Османи, велат од „Вреди“. „Документите до кои дојдовме...
Последните зборови на Чарли Кирк пред атентатот: Куршум го погоди соработникот на Трамп додека зборуваше за насилство
Сѐ уште е во бегство осомничениот за атентатот на Чарли Кирк, младиот конзервативен активист, кој беше застрелан во вратот додека говореше...
Дождот не помогна многу – чадот од „Дрисла“ и утрово не стивнува, затрупувањето продолжува
Дождот засега не помогна многу во гаснењето на пожарот на депонијата „Дрисла“, чиј чад што се чувствува во воздухот во...
Шабан Салиу објави кандидатура за градоначалник на Шуто Оризари
Претседателот на Демократските сили на Ромите (ДСР), Шабан Салиу, синоќа ја промовира својата кандидатура за градоначалник на општина Шуто Оризари....
Нападот во Катар не беше мудар потег, му рекол Трамп на Нетанјаху
Американскиот претседател Доналд Трамп му рекол на израелскиот премиер Бенјамин Нетанјаху дека неговата одлука да изврши воздушни напади врз припадници...
Локални избори: на полноќ завршува јавниот увид во Избирачкиот список
На полноќ завршува увидот во Избирачкиот список, којшто граѓаните од 23 август можат да го проверат и да поднесат барања...
(Видео) Расправија за време на минутата молк за Кирк во Претставничкиот дом
За време на минутата молк за Чарли Кирк во американскиот Претставнички дом избувна жестока расправија. „Ве молам, станете за момент...
