Свет
Русинката која Хашкиот суд сака да ја уапси заедно со Путин: „Одлично“
Покрај рускиот претседател Владимир Путин, Меѓународниот кривичен суд во Хаг издаде налог за апсење и на Марија Алексеевна Лвова-Белова комесарка за правата на децата во Канцеларијата на претседателот на Русија, поради незаконско депортирање на деца од Украина.
Во судското соопштение се наведува и дека постојат „разумни причини“ да се верува дека Лвова-Белова „сноси индивидуална кривична одговорност“ за „военото злосторство илегална депортација на населението (децата) и незаконското преселување на населението (децата) од окупираните територии на Украина до Русија“.
Лвова-Белова оцени дека налогот на Меѓународниот кривичен суд (МКС) за нејзино апсење е „дел од контекстот на ситуацијата во Украина“, и изјави дека е подготвена да продолжи со својата работа.
„Одлично е што меѓународната заедница ја цени оваа работа за да им помогне на децата на нашата земја, да не ги оставаме во воените зони, да ги извадиме, да им создаваме добри услови, да ги опкружуваме со љубов, грижливи луѓе“ беше првата реакција на руската комесарка за правата на децата на потегот на Меѓународниот кривичен суд.
Лвова-Белова е родена на 25 октомври 1984 година. Родена и израсната во градот Пенза на западот на Русија, а дипломирала на Колеџот за култура и уметност А.А.Архангелск во 2002 година како диригент.
Од 2000 до 2005 година работела како професорка по гитара во детските музички училишта во Пенза.
Лвова-Белова се приклучила на партијата Единствена Русија во 2019 година, а на 23 ноември ѝ била дадена членска книшка од тогашниот премиер Дмитриј Медведев. Таа потоа била избрана во Президиумот на Генералниот совет на Единствена Русија и станала копретседавач на работната група за поддршка на граѓанското општество.
Лвова-Белова е обвинета од украинските и британските официјални лица дека го надгледувала присилното депортирање и посвојување деца од Украина за време на руската инвазија на Украина. Била санкционирана од ЕУ во јули 2022 година и од Јапонија во јануари 2023 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Свет
Нови детали за трагедијата во Иран: технички дефект е причина за падот на хеликоптерот, јавуваат иранските медиуми
Причината за падот на хеликоптерот во кој се наоѓаше иранскиот претседател Ебрахим Раиси е технички дефект на леталото, јавува иранската агенција ИРНА.
„Раиси загина во неделата како последица на хеликоптерска несреќа што се случи поради технички дефект на леталото“, се наведува во извештајот на иранската државна новинска агенција.
ИРНА не ја прецизираше природата на дефектот на хеликоптерот, објави ТАСС.
Екипите за пасување со часови ја пребаруваа нерамната површина од густа шума низ дожд и магла пред да го пронајдат местото на несреќата. Немаше преживеани.
Хеликоптерот со претседателот Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.