Свет
Кралот на Свазиленд самостојно решил да го промени името на државата

Во светот нема многу луѓе што може да си дозволат да променат име на држава, но кралот Мсвати Трети може, пишува Би-би-си. Со оглед на тоа што е еден од апсолутните монарси, кралот во четвртокот одлучил државата Свазиленд отсега да се вика Кралство еСватини, што е нејзино историско име.
Ваквата одлука кралот ја објави на стадион по повод 50-годишнината од независноста на државата и неговиот роденден. Новиот назив еСватини значи земја Свази.
Промената на името на државата е неочекувана, но кралот ова име го користи во јавноста веќе подолго време, особено кога се обраќа пред Генералното собрание на Обединетите нации. Светските агенции пишуваат дека Швајцарија сега може да биде мирна бидејќи често се случувало во интернет-комуникацијата да се мешаат имињата на овие две земји.
Мсвати Трети веќе 25 години владее со единствената африканска апсолутистичка монархија во која живеат 1,2 милион жители. Со уставот усвоен во 2006 година се забрануваат активности на политичките партии, а Мсвати има имунитет од прогон и право да одлучува за законите.
Кралот е познат по луксуз и полигамија, а 40 проценти од сиромашната популација се заразени со ХИВ. Просечниот животен век во Свазиленд е само 32 години, а 70 проценти од населението живее со помалку од еден долар дневно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.