Свет
Кралот Чарлс првпат се огласи откога беше објавено дека има рак
Кралот Чарлс Трети, кој боледува од тешка болест, нема да извршува одредени службени должности, кои во негово име ќе ги преземаат високи членови на британското кралско семејство, а некои ангажмани ќе се вршат на начин што ќе биде приспособен на неговата здравствена состојба. И покрај тоа што направи пауза од јавните обврски, тој даде јавна изјава упатена до Гренада по повод 50-тата година од независноста на земјата.
Кралот Чарлс првпат го објави ова откога беше објавено дека има рак.
„Во текот на овие изминати пет децении со најдлабокa восхит гледав како ја изградивте вашата нација и го изградивте посебното место на Гренада во светот и како клучен член на нашето семејство на Комонвелтот.
Заедно ја изградивте Гренада како пример за демократија, човекови права и владеење на правото. Заедно се соочивте со најкритичните предизвици на климатските промени и губењето на биолошката разновидност нудејќи му на светот пример за лидерство, издржливост и иновација. Заедно им дадовте живот на зборовите од вашата национална химна: „Стремете се, градете, напредувајте!“
Мојата сопруга и јас имаме посебни спомени од нашата посета на вашиот прекрасен остров на зачините пред пет години и топлото и трогателно добредојде што ни го приредивте.
Секогаш кога сум сретнал жители од Гренада каде и да било во светот, бев изненаден од вашата издржливост, силата на вашата заедница и вашата колективна решеност да направите позитивна разлика.
Можете да бидете најмногу горди на гренадскиот дух. Без разлика дали преку извонредниот придонес на уметниците, музичарите и авторите од Гренада или триумфите на вашите спортисти, кои постигнаа неверојатен успех.
Можам само да кажам колку ми е жал што не можам да бидам со вас за да ја одбележам оваа важна пресвртница. Моите мисли се со сите во Гренада, Каријаку и Петит Мартиник и со сите оние во дијаспората – еден народ, едно семејство, додека го славите сето она што сте го постигнале и сето она што го носи вашата иднина. Моето семејство ми се придружува во испраќањето срдечни честитки до сите вас“, се вели во пораката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кејт Мидлтон миленичка на британската јавност: по популарноста го надмина и принцот Вилијам
Последната анкета на јавното мислење во Велика Британија, објавена денеска, покажа дека принцезата од Велс, Кејт Мидлтон го надмина принцот Вилијам по популарност.
Во истражувањето спроведено од агенцијата за истражување на јавното мислење „Savante for the Independent“, Кејт (42), која моментално се лекува од неодреден облик на рак, ја поддржуваат 62 отсто од испитаниците, додека принцот од Велс (41) е фаворизиран од 61 отсто од британските испитаници.
Принцот Ендру (64), по дружењето со осудениот педофил Џефри Епштајн, е избран за најмалку омилен член на кралското семејство – го поддржуваат само 14 отсто од испитаниците.
Принцот Хари и Меган Маркл, исто така се соочуваат со недостаток на популарност. Хари (39) го поддржуваат само 29 отсто од испитаниците, додека неговата сопруга Меган (42) е уште помалку популарна со само 25 отсто поддршка од испитаниците, пренесува Танјуг.
Свет
ОН: Израелскиот копнен напад врз Рафах може да доведе до масакр
Израелскиот копнеен напад врз Рафах ќе ги доведе во опасност животите на стотици илјади жители на Газа и ќе им нанесе огромен удар на хуманитарните напори низ палестинската енклава, соопшти Канцеларијата на ОН за координација на хуманитарни прашања (OCHA).
Израел се заканува дека ќе изврши копнен напад врз Хамас во Рафах, каде што се засолниле речиси милион луѓе.
„Тоа би можело да биде масакр на цивили и неверојатен удар за хуманитарните операции во целиот појас, бидејќи тие се управуваат претежно од Рафах“, рече портпаролот на OCHA, Јенс Лаерке на брифингот во Женева.
Хуманитарните активности од Рафах вклучуваат медицински клиники и пунктови за дистрибуција на храна и центри за неухранети деца, рече тој.
Претставник на Светската здравствена организација (СЗО) на истиот брифинг изјави дека е подготвен план за копнен напад, кој вклучува нова полска болница, но предупреди дека тоа нема да биде доволно за да се спречат големиот број на жртви.
„Тоа апсолутно нема да спречи значителни дополнителни смртни случаи“, рече Рик Пиперкорн, претставник на СЗО за палестинските територии.
Тој додаде дека е „многу загрижен“ што нападот ќе го затвори граничниот премин Рафах меѓу Појасот Газа и Египет, кој се користи за увоз на лекови и медицинска опрема.
Свет
(Видео) Камион без возач прегази најмалку 29 ученици на фестивал во Киргистан
Камион без возач прегази 29 ученици на фестивал во Киргистан.
Камионот што го користел продавач на сладолед ненадејно тргнал по удолницата и прегазил голем број ученици, од кои многумина биле свртени со грб.
Многумина успеале да побегнат, но 29 лица биле прегазени.
Осумнаесет деца на возраст од девет до 16 години се хоспитализирани, додека кај седум има опасност по живот.
Инцидентот го снимила камерата на дронот која го снимила моментот кога децата го држат големото знаме на Киргистан.
На видеото се гледа како камионот ненадејно се движи по удолницата и минува низ групи деца.
Полицијата покренала истрага, а според една од пријавите, возачот заборавил да ја повлече рачната сопирачка.