Свет
Кремљ со порака до опозицијата во Венецуела: Признајте го поразот и честитајте му на Мадуро

Кремљ денеска соопшти дека опозицијата во Венецуела треба да го прифати изборниот пораз и да му ја честита победата на актуелниот претседател, Николас Мадуро.
„Гледаме дека опозицијата не сака да го прифати поразот, но веруваме дека мора да го стори тоа, треба да му се честита на победникот на овие избори“, изјави портпаролот на Кремљ, Дмитриј Песков.
Тој предупреди дека надворешните сили не смее да се обидуваат да шират нестабилност во таа јужноамериканска земја. Под социјалистичката влада на Мадуро, Венецуела стана еден од главните сојузници на Русија. И Мадуро и неговиот ривал Едмундо Гонзалес тврдат дека победија на претседателските избори во неделата.
Националната изборна комисија прогласи победа на Мадуро, кој е на власт од 2013 година. Според тие извештаи, тој на изборите во неделата освоил 51,2 отсто од гласовите, а опозицискиот кандидат Едмундо Гонзалес освоил 44,2 отсто.
Опозицијата не ги признава резултатите и тврди дека се работи за изборен фалсификат. Лидерката на опозицијата, Марија Корина Мачадо, вчера изјави дека противниците на владата имаат пристап до 73 отсто од преброените гласови и дека се покажало дека нивниот претставник има огромна предност.
Таа тврди дека Гонзалес победил во сите сојузни држави и има повеќе од 6,2 милиони гласови, а Мадуро има само 2,7 милиона. По објавувањето на резултатите, во земјата протести избувнаа. Во судирите со безбедносните сили веќе има жртви, јавуваат локалните медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ројтерс: Луѓето на Трамп го предупредија Катар и неговите сојузници неколку часа пред израелскиот напад

Американскиот Стејт департмент однапред информирал неколку регионални сојузници на Блискиот Исток за планираниот израелски напад врз Иран, неколку часа пред почетокот на операцијата, тврдат тројца извори запознаени со ситуацијата, пренесува Ројтерс.
Во дипломатската нота испратена во четвртокот попладне, Стејт департментот потврдил дека израелскиот напад ќе се случи доцна во ноќта. Катар бил меѓу земјите кои го добиле предупредувањето.
Во пораката се наведува дека Вашингтон не учествувал во израелската операција ниту дал каква било поддршка. Се истакнува и дека претседателот Доналд Трамп јасно ја изразил својата желба за мир во регионот, но и цврстиот став дека на Техеран не смее да му се дозволи да развива нуклеарно оружје.
За потсетување, Израел започна бран воздушни напади низ Иран ноќта меѓу четвртокот кон петокот, тврдејќи дека погодил нуклеарни локации, ракетни фабрики и високи воени команданти, што може да биде долготрајна операција чија цел е да се спречи Иран да развие атомска бомба.
Стејт департментот не одговори веднаш на барањето за коментар.
Свет
Најмалку 86 загинати и 341 ранети во израелските воздушни напади

Најмалку 86 лица загинаа, а 341 беа ранети во израелските воздушни напади во петокот, објави иранската новинска агенција Фарс, цитирана од „Анадолија“.
Во главниот град Техеран загинаа 78 лица, а 329 беа ранети. Најмалку уште осум лица ги загубија животите, а 12 се ранети во нападите на Табриз, град во северозападниот дел на Иран.
Израел започна сеопфатна воена операција против Иран, во која учествуваа 200 борбени авиони. Целите беа иранската нуклеарна програма и можностите за лансирање ракети со долг дострел.
Во нападите загинаа високи воени функционери и научници кои работеа на нуклеарната програма.
Премиерот Бенјамин Нетанјаху рече дека целната воена операција ќе продолжи се додека е потребно.
Иран вети строга казна и побара итен состанок на Советот за безбедност на Обединетите нации.
Американскиот претседател Доналд Трамп на социјалната мрежа „Вистина“ објави дека му дал на Иран „можност за договор“ и го повика да ја искористи сега, „пред да биде предоцна“.
Оваа ескалација фрла сомнеж за иднината на нуклеарните преговори меѓу Техеран и Вашингтон, кои се водат со посредство на Оман. Шестата рунда индиректни преговори, закажана за в недела, сега најверојатно ќе биде откажана, велат извори запознаени со ситуацијата.
Свет
Новиот командант на Иранската револуционерна гарда: „Наскоро ќе се отворат портите на пеколот“

Новоименуваниот командант на иранската револуционерна гарда, Мохамад Пакпур, се закани со жестока одмазда за израелските напади во кои беше убиен неговиот претходник, Хосеин Салами.
„Како одмазда за крвта на нашите убиени команданти, научници и граѓани, портите на пеколот наскоро ќе се отворат за овој режим кој убива деца“, рече Пакпур во изјавата што ја пренесе иранската државна новинска агенција ИРНА.