Свет
Кремљ: Хакирањето на Трамп е апсолутна бесмислица
Кремљ во средата реагираше на тврдењата на американското разузнавање дека руските функционери имаат компромитирачи материјали за новоизбраниот американски претседател Доналд Трамп нарекувајќи ги апсолутна бесмислица но предупреди дека тоа е уште еден обид на администрацијата на заминување уште повеќе да ги влоши односите меѓу двете земји.
Американската телевизија CNN, повикувајќи се на неименувани американски функционери, објави ноќта кон средата по средноевропско време, дека Русија наводно поседува компромитирачки материјали за новиот американски претседател Доналд Трамп. Овие информации, наводно, биле содржани во извештајот на американското разузнавање за руското вмешување во изборниот процес во САД, кој им бил претставен и на претседателот на заминување и на новоизбраниот.
Според прилогот на CNN, точни потврди за овие претпоставки разузнавачката заедница не добила, но како што претходно на сослушувањата во Сенатот изјавија челниците на агенциите, било „забележано“ дека „Русите го хакирале Трамп, но не објавиле документи.
Телевизијата објави и дека компромитирачките докази ги собирал поранешен припадник на британското разузнавање, а неговата група ја финансирале ривалите на Трам на предизборите во Републиканската партија, а потоа и на националните избори.
„ Станува збор за целосна измислица, и според мене квалитетот на тој извештај доволно говори за себе… Кремљ не поседува компромитирачки информации за Трамп, таквата информација не соодветствува со вистината и е не претставува ништо повеќе од апсолутна бесмислица“, изјави портпаролот на Кремљ, Дмитриј Песков.
Според него, станува збор за документ кој е измама смислена за дополнително да се влошат односите меѓу САД и Русија, до чие заладување на ниво на она од Студената војна дојде во последните години од мандатот на американскиот претседател на заминување Барак Обама.
Песков, исто така, ги отфрли и наводите дека тој лично бил вклучен во наводната руска кампања чијашто цел била да се дискредитира поразената демократска кандидатка Хилари Клинтон.
„На тоа морате да реагирате со одредена доза на хумор… Но тука постои и тажната страна. Се создава хистерија од оние кои се излезени од својата кожа за да се одржи политичкиот лов на вештерки“, истакна портпаролот на рускиот претседател.
Според него ваквата хистерична ситуација им е потребна на оние коишто сакаат по секоја цена да издејствуваат односите меѓу двете земји да остана на ниско ниво и „да не му дозволат никому да се запраша како да се задоволат интересите на двете страни, на меѓународната заедница и што е можно повеќе да се стори за сегашната тотална конфронтација да премине во конструктивизам во односите“.
Песков истакна дека новите американски санкции за рускиот и гасниот сектор ќе ѝ наштетат на Русија, на билатералните односи и на светската економија. Рускиот енергетски сектор дефинитивно би добил отштета, доколку тавите санкции се спроведат, порача Песков.
Се осврна и на кандидатот за државен секретар во новата американска администрација Рекс Тилерсон, кој во средата ќе биде сослушуван од комисиите во конгресот, нарекувајќи го конструктивна личност која е подготвена да слуша, но која ќе биде и цврст раководител.
Кремљ не е загрижен од извештаите дека Тилерсон на сослушувањето ќе изјави дека Русија ја смета за закана, додаде Песков. Тој запрашан за коментар во времето кога беше објавено именувањето на Тилерсон изјави дека „Кремљ смета оти станува збор за професионалец“.
Доналд Трамп го избра претседателот на извршниот одбор на најголемата нафтена американска компанија „ExxonMobil“, Рекс Тилерсон за државен секретар во својата администрација Тилерсон е на чело на „ExxonMobil“ од 2006 година. Во 2011 година тој го потпиша договорот со рускиот нафтен гигант „Роснефт“ за истражувања во Арктик.
Во 2014 година „ExxonMobil“ мораше да ги суспендира своите активности во споменатиот проект, поради американските санкции против Русија поради нејзината наводна улога во украинската криза. Тилерсон, притоа ги критикуваше потегот на американскиот претседател на заминување Барак Обама, изразувајќи сомневање во ефикасноста од споменатите санкции./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Десетици илјади излегоа на улиците во Бугарија против корупцијата
Десетици илјади Бугари се собраа синоќа за да протестираат против малцинската влада во земјата и, како што велат, нејзиниот неуспех да се справи со корупцијата. Голем број западни медиуми, вклучувајќи ги „Вашингтон пост“ , „Ројтерс“ и „Ју-Ес њуз“, ги објавија масовните протести во земјата.
Протестите во главниот град Софија и десетици други градови се најновите во низата долготрајни демонстрации и доаѓаат во време кога Бугарија се подготвува да го усвои еврото на 1 јануари. Демонстрантите користеа ласери за да ги проектираат зборовите „Оставка“, „Мафијата надвор“ и „За фер избори“ врз зградата на парламентот во центарот на Софија.
„Мислам дека енергијата на луѓето постепено ќе ги принуди (владата) да поднесат оставка затоа што се потребни многу реформи“, рече Добри Лаков (64), жител на Софија.
„Прво на сите, судска реформа. Ако судскиот систем се поправи, сè друго ќе си дојде на свое место, апсолутно сè.“
Бугарскиот парламент во четврток ќе одржи гласање за недоверба на владата на премиерот Росен Жељазков , шесто такво гласање откако таа ја презеде функцијата на 15 јануари оваа година.
Минатата недела, владата го повлече својот буџет за 2026 година, првиот составен во евра, поради масовните протести. Опозициските партии и други групи изјавија дека протестираат против плановите за зголемување на придонесите за социјално осигурување и даноците на дивиденди за финансирање на повисоките државни трошоци.
И покрај повлекувањето на владата од буџетскиот план, протестите продолжуваат со полна сила во земјата која одржа седум национални избори во последните четири години – најновите во октомври 2024 година – во услови на длабоки политички и социјални поделби.
„Конечно е време Бугарија да се врати во нормалноста и да се ослободи од олигархијата, мафијата и силите што ги претставуваат“, рече Ангелин Бахчеванов, специјалист за информатичка технологија.
Бојко Борисов , поранешен премиер и лидер на владејачката партија ГЕРБ, изјави дека партнерите во владејачката коалиција се согласиле да не поднесуваат оставки пред Бугарија да се приклучи на еврозоната на 1 јануари. Сепак, Асен Василев од реформистичката опозициска партија „Продолжуваме со промената“, која беше меѓу организаторите на протестот во среда, рече: „Ќе влеземе во еврозоната дури и ако владата поднесе оставка“.
Фото: илустрација
Свет
(Видео) Маск: Да знаев што ќе се случи, немаше да работам во Одделот за владина ефикасност
Мега-милијардерот Илон Маск во едно интервју ја оцени својата работа на чело на Одделот за владина ефикасност (DOGE) како „само донекаде успешна“ и рече дека нема да го повтори тоа искуство.
Извршниот директор на Tesla и SpaceX и сопственик на социјалната мрежа X продолжи јавно да ја брани контроверзната привремена агенција на американскиот претседател Доналд Трамп, која ја напушти напролет, пред нејзиното официјално затворање минатиот месец.
„Не мислам дека би го направил тоа повторно“
„Бевме малку успешни. Бевме донекаде успешни“, ѝ рече Маск на својата асистентка и конзервативна инфлуенсерка Кејти Милер, која некогаш била портпарол на DOGE. Кога го прашале дали би го направил сето тоа повторно, Маск одговорил: „Не мислам така… Наместо да работам во DOGE, во основа би градел… работејќи на свои компании“.
Маск се жалел на тешкотиите од брзото реструктуирање на федералната влада и признал колку неговиот бизнис и популарност страдале поради неговата вмешаност во DOGE. Речиси меланхолично, тој додаде: „Не би палеле автомобили“, алудирајќи на протестите на потрошувачите против Тесла.
Маск беше гостин во „Подкастот на Кејти Милер“, кој таа го започна откако ја напушти владината служба за да работи за него во приватниот сектор. Милер е во брак со главниот советник на Трамп, Стивен Милер.
Во разговор што траеше повеќе од 50 минути, тие допреа до голем број теми, од DOGE до размислувањата на Маск за вештачката интелигенција, социјалните медиуми, теориите на заговор и модата.
За време на интервјуто, Милер не постави прашања за внатрешното работење на DOGE и контроверзиите околу преземањето на федералните агенции и нивните системи за податоци.
Свет
Венецуела: Запленувањето на танкер е чин на меѓународно пиратство
Министерството за надворешни работи на Венецуела го осуди запленувањето на танкер за нафта од страна на американската војска покрај брегот, нарекувајќи ја операцијата „бесрамна кражба и чин на меѓународно пиратство“.
Преземање на контролата врз бродот
Американските војници ја презедоа контролата врз бродот на Карибите претходно во среда. Американскиот државен обвинител Пам Бонди и директорот на ФБИ, Каш Пател, изјавија дека танкерот е дел од нелегална мрежа за транспорт на нафта што финансира странски терористички организации.
Бонди на платформата за социјални медиуми Икс изјави дека бродот се користел за транспорт на санкционирана нафта од Венецуела и Иран. Таа додаде дека танкерот со години бил под санкции на САД и дека војниците сега го извршиле налогот за запленување.
Нејзиниот пост, исто така, вклучуваше видео кое наводно ја прикажува операцијата. Снимката покажува хеликоптер како се приближува до танкерот пред војниците да се спуштат на палубата со оружје за да го обезбедат бродот. Членовите на екипажот не се видливи.
Реакција на Венецуела
„Во овие околности, вистинските причини за тековната агресија врз Венецуела конечно се јасни“, соопшти Министерството за надворешни работи на Венецуела на Инстаграм. „Не станува збор за миграција. Не станува збор за трговија со дрога. Не станува збор за демократија. Не станува збор за човекови права.“
„Секогаш станува збор за нашите природни ресурси, нашата нафта, нашата енергија, нашите ресурси што им припаѓаат исклучиво на венецуелскиот народ“, додаде.
Претседателот на САД, Доналд Трамп, им рече на новинарите во Белата куќа дека станува збор за „голем танкер, многу голем – всушност најголемиот што некогаш е запленет“. Тој не даде дополнителни детали, но посочи дека може да следат повеќе настани како што „се случуваат други работи“.
фото: Depositphotos
(Видео) „Невозможно е да се запрат, тие се насекаде“: Покровск е нападнат од огромен број руски војници
Во една од најжестоките битки од почетокот на војната, украинските сили го бранат Покровск од огромни руски сили од околу...
Црногорскиот премиер рече дека ќе влезе во ЕУ пред Србија, Вучиќ: Прво скокни, па кажи оп
Српскиот претседател Александар Вучиќ вчера во Брисел ја коментираше реакцијата на црногорскиот премиер Милојко Спајиќ на неговата идеја земјите од...
(Видео) Зеленски: Во руската историја, никој никогаш не бил толку зависен од Кина
Украинскиот претседател Володимир Зеленски изјави, по извештајот на шефот на киевската служба за надворешно разузнавање, дека Русија и Кина преземаат...
Трамп: Поканети сме на состанок во Европа, на кој би учествувал и Зеленски
САД се поканети на состанок во Европа овој викенд, каде што се очекува и украинскиот претседател Володимир Зеленски, изјави вчера...
(Видео) Американците упаднаа на танкер кај Венецуела, објавена е снимка: „Транспортираше нафта“
САД запленија танкер за нафта крај брегот на Венецуела, изјави американскиот претседател Доналд Трамп, со што се ескалираа тензиите со...
Градот Скопје обезбедува сопствен стан, шелтер центар за заштита на жртвите од родово базирано насилство
На денешната седница на Советот на град Скопје беше донесена одлука со која се отвора можност еден стан во сопственост...
Зеленски: Го финализираме мировниот документ што наскоро ќе им го претставиме на Американците
Претседателот на Украона, Володимир Зеленски вели дека земјата го финализира мировниот документ од 20 точки и ќе го претстави на...
Пазарот на недвижности расте – Аеродром со најмногу склучени купопродажби во првата половина од годината
Пазарот на недвижности во земјава во првите шест месеци од оваа година бележи зголемена динамика, а гледано на територијата низ...
Скопјанец го онесвестил брата си со дрвена ногарка по глава и си легнал да спие, ОЈО го гони за обид за убиство
Скопското Обвинителство, по спроведена истражна постапка, поднесе обвинение против едно лице, за обид за убиство врз неговиот брат. Обвинетиот 37-годишник,...
Уапсени 12 лица од Скопје, купувале оружје и муниција од Косово, го криеле во Сингелиќ и Брест
По неколкумесечна предистражна постапка, денес во раните утрински часови, под раководство на јавен обвинител од Основното јавно обвинителство за гонење...
ДЗС не е детективска служба да открива нелегални објекти, ги има околу 100.000, рече Шабан Салиу и тврди дека немал ништо со „Пулс“
Актуелниот министер без ресор, Шабан Салиу, обвинет за трагедијата во кочански „Пулс“ како директор на Дирекцијата за заштита и спасување...
Тројца бугарски државјани осомничени за неовластена трговија со македонски народни носии
Основното јавно обвинителство Битола отвори против тројца бугарски државјани, жители на Пловдив, поради основано сомнение дека вршеле кривично дело неовластена...
(Видео) Мицкоски: Ќе се повлечам од политиката ако Филипче најде и еден мигрант, во спротивно да се извини јавно
„Граѓаните треба да знаат каква е состојбата, СДСМ нема тема, притисокот е голем за Венко Филипче однатре и однадвор да...
Kривична пријава против Оливер Спасовски: како министер за внатрешни работи ги злоупотребил положбата и овластувањата
Вчера, Одделот за сузбивање организиран и сериозен криминал до ОЈО Скопје поднесе кривична пријава против О. С. (49) од Куманово...
(Видео) Филипче: Мицкоски за пари прифаќа мигранти, нема да има шатори, но ќе има социјални станови
Претседателот на Социјалдемократскиот сојуз на Македонија, Венко Филипче, на денешната прес-конференција повторно рече дека е повеќе од очигледно дека постои...
Кривична против директорка на градинка во Кочани: вработила негувател без лиценца
ОВР Кочани поднесе кривична пријава против 51-годишната Ј.Е. од Кочани поради постоење основи на сомнение за сторено кривично дело „злоупотреба...
Одбраната на министерот Шабан Салиу, обвинет како поранешен директор на ДЗС, ќе даде воведни зборови, ново судење за „Пулс“
Судењето за пожарот во кочанската дискотека „Пулс“, каде што загинаа 63 лица, а над 200 беа повредени, продолжува денес во...
Уште 10 дена за аплицирање за ваучери за ИТ-уреди, известува Министерството за дигитална трансформација
Министерството за дигитална трансформација известува дека остануваат уште 10 дена за аплицирање за студентски ваучери. Досега се доделени вкупно 42.606...
„Европа го подготвува својот крај“: турски аналитичар предупредува на погрешни стратешки процени од Брисел
Политиката на Брисел за „исцрпување“ на Русија не само што не ги даде очекуваните резултати, туку, доколку продолжи, може да...
ЕУ се согласи да ги намали емисиите за 90 отсто до 2040 година
Европската Унија постигна правно обврзувачки договор за климата со кој емисиите на стакленички гасови ќе се намалат за 90 проценти...
