Свет
Курдската милиција отвора канцеларија во Женева за да гради односи со Европа

Народните заштитни единици (ЈПГ) од североисточна Сирија ќе отворат канцеларија во Женева во обид да воспостават официјално присуство во Европа и да ги развијат односите со европските земји, објави курдската милиција цитирана од турски „Дејли сабах“.
Освен тоа, ЈПГ планираат да отворат помали претставништва и во Франција, Германија, Шведска, Луксембург, Белгија и во Холандија.
ЈПГ и Сириските демократски сили (СДФ) предводени од Курдите, со кои се поврзани, долго време се обидуваат да добијат легитимитет како автономна сила на териториите што ги контролираат во североисточна Сирија.
Тој легитимитет за време на тековниот конфликт во Сирија беше суптилно поддржан од САД, Франција, Германија и од Шведска, кои испратија дипломатски делегации да се сретнат со курдските милиции.
Меѓутоа, постои зголемена загриженост во врска со непочитувањето на човековите права од страна на ЈПГ и СДФ откако се појавија многубројни извештаи за принудно регрутирање деца војници, пукање во демонстранти, тортура на активисти и за злоупотреба на етничките Арапи.
Освен тоа, и покрај поддршката од Западот за курдските милиции, Турција постојано тврди дека и ЈПГ и СДФ се сириски разгранок на терористичката Курдска работничка партија (ПКК) и со тоа алиби и почна воени операции против ЈПГ.
Иако западните држави сѐ уште не ги означија ЈПГ како терористичка група, ЕУ неодамна призна дека постојат врски меѓу курдските милициии и екстремно левичарските екстремистички групи со седиште во Европа.
Во извештајот на Европскиот совет во јуни, со наслов „Акција на ЕУ за борба против левичарскиот и анархистичкиот насилен екстремизам и тероризам“, се наведува дека некои западни доброволци што им се придружиле на ЈПГ во борбата против Исламската држава се водени од левичарските екстремистички идеолошки убедувања.
Во извештајот се додава дека исто како Европејците, кои им се приклучија на џихадистичките групи, левичарските и анархистичките насилни екстремистички борци во Сирија стекнуваат или зајакнуваат борбени вештини, кои во принцип би можеле да се користат за терористички активности во Европа.
Некои европски држави приведоа и презедоа против граѓани што биле доброволци на ЈПГ. Британската влада, на пример, уапси едно такво лице во 2018 година и го обвини таткото на друг доброволец во 2019 година за поддршка на тероризмот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Пожар и експлозии во рафинерија за нафта во Русија по напад со дронови

Рафинерија за нафта во градот Кириши, недалеку од Санкт Петербург, беше нападната со беспилотни летала, соопштија руските власти и локалните медиуми.
Сведоците пријавиле силна експлозија и пожар во индустрискиот комплекс. Регионалниот гувернер, Александар Дрозденко, потврди дека нападот се случил и дека противвоздушната одбрана успеала да уништи седум дронови над Кириши. Тој додаде дека пожарот во индустриската зона е изгаснат.
The Kirishi oil refinery in the Leningrad region, Russia, was struck and burns. pic.twitter.com/W1YrKQF79I
— (((Tendar))) (@Tendar) October 4, 2025
💥 Russia: Kirishi Oil Refinery confirmed struck by Ukrainian drones in Leningrad region, 100km from Saint Petersburg.
Daily refining capacity of 355,000-400,000 barrels per day – 6% of total production of Russia. pic.twitter.com/dLpNGi61r6— Igor Sushko (@igorsushko) October 4, 2025
Рафинеријата во Кириши, која се наоѓа на повеќе од 800 километри од границата со Украина, е една од најголемите во Русија и веќе беше цел на неколку напади во март и септември годинава, како и во март 2024 година.
Киев систематски ги засилува нападите врз руската нафтена и воено-индустриска инфраструктура, тврдејќи дека овие објекти се легитимни воени цели, бидејќи директно ја поддржуваат воената активност на Москва.
Свет
Трамп му нареди на Израел „веднаш“ да престане со бомбардирањето на Газа, откако Хамас се согласи да ослободи заложници

Американскиот претседател, Доналд Трамп, му нареди на Израел „веднаш“ да престане со бомбардирањето на Газа, откако Хамас делумно го прифати неговиот мировен план за ставање крај на речиси двегодишната војна.
Хамас се согласи да ги ослободи сите заложници во замена за палестинските затвореници што се држат во израелските затвори, како и да се откаже од власта во Појасот Газа.
Палестинската милитантна група побара понатамошни преговори за другите делови од планот и не кажа дали ќе го положи оружјето – клучен дел од предлогот на американскиот претседател.
Трамп го поздрави чекорот на Хамас како сигнал дека е подготвен за траен мир на Блискиот Исток.
„Врз основа на изјавата што ја даде Хамас, верувам дека тие се подготвени за траен мир. Израел мора веднаш да го запре бомбардирањето на Газа за да можеме безбедно и брзо да ги извлечеме заложниците“ изјави Трамп на социјалната мрежа Truth Social.
Во посебна видео порака, тој го нарече денот „многу посебен“ и порача дека „со сите ќе се постапува праведно“.
Израел ја разгледува првата фаза од мировниот план
По соопштението од Хамас, кабинетот на израелскиот премиер, Бенјамин Нетанјаху, објави дека Израел се подготвува за „итна имплементација“ на првата фаза од планот – целосно ослободување на заложниците.
„Ќе продолжиме да работиме во целосна координација со претседателот Трамп и неговиот тим за завршување на војната, во согласност со принципите на Израел, кои се усогласени со визијата на претседателот,“ се вели во изјавата. Меѓутоа, Израел не се осврна на повикот од Трамп да го прекине бомбардирањето.
Мировниот план е амбициозен
Планот на претседателот Трамп предвидува:
– Итно запирање на огнот
– Размена на сите заложници и затвореници во рок од 72 часа
– Повлекување на израелската армија
– Разоружување на Хамас
– Преодна управа за Газа
Меѓународна поддршка
Повеќето меѓународни партнери го поддржаа планот. Катар и Египет веќе започнаа координација со САД за имплементација. Генералниот секретар на ОН, Антонио Гутереш, ги повика сите страни да ја искористат „вистинската шанса за крај на трагичниот конфликт“.
Британскиот премиер Кир Стармер го нарече чекорот на Хамас „значаен напредок“, а францускиот претседател Емануел Макрон рече дека „ослободувањето на сите заложници и прекинот на огнот се на дофат“. Германскиот канцелар Фридрих Мерц изјави дека „ова е најдобрата шанса за мир по речиси две години“.
Хуманитарна катастрофа
Според Министерството за здравство во Газа, од почетокот на војната во октомври 2023 година загинале најмалку 66.288 Палестинци, а повредени се над 170.000.
Израелската офанзива започна како одговор на нападите на Хамас, при што беа убиени околу 1.200 луѓе, а 251 беа земени како заложници.
Свет
Сакс: Западните лидери ги туркаат своите земји во војна

Американскиот економист и професор на Универзитетот Колумбија, Џефри Сакс, ги нарече тврдењата на германските власти за невозможноста за дијалог со Русија „забавни“, посочувајќи бројни прекршувања на претходните договори со Русија од страна на самиот Запад.
„Германската влада постојано изјавуваше, а јас внимателно слушав: „Невозможно е да се преговара со Русите. Тие не сакаат дијалог. Тоа е многу забавно“, рече тој, пренесува Спутник.
Како што потсети, токму САД се повлекоа од Договорот за противракетна одбрана (PRO), потоа го напуштија Договорот за нуклеарни ракети со среден дострел (IRM), по што САД и Германија се откажаа од своето ветување дека НАТО нема да се прошири. Токму Германија и Франција одбија да го гарантираат спроведувањето на Минск 2.
„По сето тоа, германската влада има дрскост да тврди дека Русија не сака дипломатија?“, рече Сакс, говорејќи на митинг во Берлин по повод Денот на германското единство.
Сакс ги обвини западните лидери, кои испраќаат оружје и финансиска поддршка во воените зони, за поттикнување на војни, вклучително и украинскиот конфликт. Професорот, исто така, посочи на учеството на Велика Британија и САД во уривањето на договорите од Истанбул во пролетта 2022 година.
„Кој го прекрши тој договор што Украина и Русија го потпишаа на 15 април 2022 година? Русија? Не. САД и Велика Британија, кои дојдоа и му рекоа на Владимир Зеленски: „Продолжете да се борите за нас. Откажете се од неутралниот статус. Ние ќе ве поддржиме“, истакна економистот.
Според него, дури и денес, постапките на западните лидери се неискрени и детски, туркајќи ги своите земји во војна, иако населението сака мир.
Сакс потсети на улогата на САД и Европа во државниот удар во Украина во февруари 2014 година, како и на изјавата на поранешната германска канцеларка Ангела Меркел, која призна дека целта на договорите од Минск била да се „купи време за зајакнување на Украина“.
Фото: принтскрин