Европа
Курц: Ова не е војна меѓу христијаните и муслиманите, туку меѓу оние кои сакаат мир и оние кои сакаат војна

Австрискиот канцелар, Себастијан Курц, се огласи на „Твитер“ и рече дека четири лица загинале, а 14 се повредени во терористичкиот напад во Виена.
Тој го карактеризираше нападот како терористички.
Курц им порача на граѓаните дека овој напад во Виена не е и не може да се сфати како војна помеѓу христијаните и муслиманите, или Австријците и мигрантите, туку меѓу оние кои сакаат мир и оние кои сакаат војна.
Aber es muss uns stets bewusst sein, dass dies keine Auseinandersetzung zwischen Christen und Muslimen oder zwischen Österreichern und Migranten ist. Dies ist ein Kampf zwischen den vielen Menschen, die an den Frieden glauben, und jenen wenigen, die sich den Krieg wünschen.
— Sebastian Kurz (@sebastiankurz) November 3, 2020
Тој исто така рече дека денес напладне, со едноминутно молчење, ќе им се оддаде почест на сите жртви на терористичкиот напад во Виена и дека војската ќе остане на улиците на Виена, со цел да се зачува имотот, додека полицијата е ангажирана во потрагата и идентификување на сите одговорни за вчерашниот напад.
„Нема да нè исплашат терористите, ќе го зачуваме нашиот начин на живеење и демократија со сè што ќе располагаме. Ќе ги бараме и ќе ги најдеме сторителите, нивните помагачи и нивните истомисленици и ќе ги изведеме пред лицето на правдата. Ние ќе го гониме секој што има врска со ова“, напиша Курц.
„Ова беше напад од омраза, омраза кон нашите вредности, нашиот начин на живот, нашата демократија, во која сите луѓе ги имаат истите права“, додаде тој на „Твитер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Фрлени „молотови коктели“ кај рускиот конзулат во Франција, се огласи Захарова

Рускиот конзулат во Марсеј, Франција, рано утринава бил нападнат со „молотов коктел“, а нема информации за жртви, јавува „Анадолија“.
Инцидентот се случил околу 8 часот по локално време на авенијата Амброаз-Паре, улица на која се наоѓаат многу странски конзулати, објави BFMTV.
‼️ ⚡️Une explosion a tonné à l’intérieur du consulat russe à Marseille — BFM TV
«Il y a environ 30 pompiers et policiers travaillant sur les lieux», rapportent les médias. pic.twitter.com/NgsR7Df3Jw
— Camille Moscow 🇷🇺 🌿 ☦️ (@camille_moscow) February 24, 2025
Два „молотови коктела“ биле фрлени во дворот на конзулатот, но, за среќа, не е забележана штета или повредени, јавуваат медиумите повикувајќи се на полициски извори.
Во тек е истрага за мотивите за нападот.
Портпаролката на руското Министерство за надворешни работи, Марија Захарова, потврди дека имало експлозија кај рускиот конзулат во Марсеј опишувајќи ја како потенцијален терористички напад.
Москва ја повикува Франција темелно да го истражи инцидентот и да ја зголеми безбедноста во руските дипломатски претставништва, рече таа.
Европа
Ватикан: Папата е во критична состојба, но имаше мирна ноќ

Папата Франциско, кој е во критична состојба и се бори со билатерална пневмонија, помина мирна ноќ во болница, спиејќи и одморајќи се, соопшти Ватикан.
88-годишниот папа беше примен во римската болница „Гемели“ на 14 февруари, откако неколку дена имаше проблеми со дишењето, а потоа му беше дијагностицирано воспаление на двете бели дробови.
Ватикан ја опиша неговата состојба како критична втор ден по ред во неделата и рече дека тој ден имал „почетни, благи знаци на откажување на бубрезите“.
Прогнозата за папата, кому во саботата му беше потребна трансфузија на две единици крв, откако доживеа „продолжена респираторна криза слична на астма“, останува неизвесна, покажуваат најновите медицински информации.
„Беше добра ноќ, папата спиеше и се одмара“, се вели во соопштението на Ватикан во една реченица објавено утрово, без дополнителни информации.
Европа
Експлозија кај рускиот конзулат во Марсеј

Експлозија утрово го потресе француски Марсеј во близина на рускиот конзулат. Пожарникарите потврдија дека имало експлозија во 8-миот арондисман.
„Експлозијата се случи во близина на рускиот конзулат во Марсеј околу 8 часот наутро“, соопштија пожарникарите.
На терен се околу 30 пожарникари и бројни полицајци. Засега не е позната причината за експлозијата, ниту пак дали има повредени.