Свет
Лавина на Алпите: Тројца скијачи загинаа, стотици се завеани во големите скијачки центри
Двајца скијачи загинаа во лавина, а стотици се завеани во големите скијачки центри на австриските Алпи за време на викендот. Повеќе од половина метар снег наврна во саботата наутро на северниот дел на Алпите, што е вистинска опасност за скијачите.
И покрај ризиците и предупредувањата, некои од скијачите сепак заминале надвор од скијачките патеки, по што двајца германски скијачи ги загубија животите во планините покрај Ворарлберг на западот на земјата. Опасноста од лавини на повеќето планински подрачја во Австрија е означена како ,,висока” и на на второ место по опасност од петте можни стадиуми.
Скијачите загинале иако имале и заштитни елеци во случај на лавина, кои се дуваат со цел да останат на површината на снегот. Тие настрадале во два одделни случаи. Спасувачите успеале да ги ископаат од снегот, но не успеале да ги спасат.
Третиот смртен случај е забележан во неделата во Ворарлберг кога швајцарски скијач излетал од патеката и слетал низ остра падина, по што загинал откако со главата се забил во длабок снег.
Околу 12 илјади туристи останале завеани во скијалиштето до вчера попладне, кога експерти со контролирана експлозија предизвикале лавина и го ослободиле местото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.