Свет
Лавров: Благодарение на земјите од глобалниот југ, Украина не ја засени агендата на Г20

Рускиот министер за надворешни работи Сергеј Лавров го нарече успешен самитот на Г-20 во Индија и рече дека поради консолидираната позиција на земјите од глобалниот југ, Русија успеала да се погрижи агендата на Г-20 да не биде засенета од украинскиот конфликт.
Групата Г20 вчера на самитот усвои декларација за консензус, во која избегна да ја осуди Русија за војната во Украина, но ги повика сите земји да не користат сила за заземање територии.
Руската инвазија на Украина во 2022 година остави десетици илјади мртви, милиони раселени и предизвика економски превирања ширум светот. Москва, која вели дека спроведува „специјална воена операција“ таму, негира дека извршила какви било злосторства. Лавров, исто така, рече дека Русија е подготвена да се врати на Црноморскиот договор за жито штом ќе се исполнат нивните услови.
Русија го напушти договорот во јули, една година откако беше постигнат со посредство на Обединетите нации и Турција, жалејќи се дека нејзиниот сопствен извоз на храна и ѓубрива се соочува со пречки и дека недоволно украинско жито оди во ранливите земји.
Лавров рече дека Русија ги цени обидите на Обединетите нации да ги олеснат преговорите за житото, но дека „преговорите се само со Западот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски вели дека украинската армија ги продолжува операциите во рускиот регион Курск

Претседателот на Украина, Володимир Зеленски денеска изјави дека украинската армија ги продолжува операциите во рускиот регион Курск.
– Нашите сили ги продолжуваат активните одбранбени операции во одредени подрачја на (руските) области Курск и Белгородск, истакна Зеленски.
Рускиот претседател Владимир Путин вчера изјави Курск е целосно ослободен.
Русија повторно воспостави контрола над Курск. Авантурата на режимот на Киев целосно пропадна, изјави вчера Путин.
Претставници на украинската армија вчера ги демантираа тврдењата на Путин и на Генералштабот на руската армија дека Курск е ослободен.
Свет
Русија лансираше 97 беспилотни летала во неколку региони низ Украина

Во текот на ноќта, Русија лансираше 97 беспилотни летала во неколку региони низ Украина, соопштија Воздухопловните сили на вооружените сили на Украина.
Воздухопловните сили објавија на Телеграм дека украинските сили собориле 66 руски беспилотни летала во текот на ноќта.
Во голем број украински региони е прогласена воздушна опасност поради лансирање руски беспилотни летала, вклучувајќи ги Полтавската и Харковската област, Одеса, Киев, Суми, Чернигов, Днепропетровск и Запорожје
Свет
Од денеска за верниците се отвора гробницата на папата Франциско во базиликата Санта Марија Маџоре во Рим

Од денеска гробницата на папата Франциско во базиликата Санта Марија Маџоре во Рим ќе биде отворена за верниците, соопшти Ватикан.
Папата, кој почина на 88-годишна возраст на 21 април од мозочен удар, беше погребан вчера во гробница одвоена помеѓу две капели во римската базилика, по церемонија на жалост одржана во Ватикан. Церемонијата на поставување на ковчегот траеше околу половина час.
На погребот во базиликата Санта Марија Маџоре присуствуваа само најблиските, а едноставниот, дрвен ковчег на папата беше пречекан со ѕвона.
На мисата во Ватикан, според официјалните податоци од Ватикан, присуствуваа околу 250.000 луѓе, како и 170 странски делегации. Меѓу нив имаше шефови на држави и влади, монарси, поранешни државници, политичари од Италија и други земји, интелектуалци, уметници. Подоцна, италијанскиот министер за внатрешни работи Матео Пјантедози изјави дека најмалку 400.000 луѓе присуствувале на погребот на папата Франциск, собрани на плоштадот „Свети Петар“ и по улиците на Рим.
Целиот настан го следеа околу 2.700 акредитирани новинари.