Свет
Лавров: Денешната средба покажа дека нема алтернатива за разговорот

Рускиот министер за надворешни работи Сергеј Лавров денеска во Турција се сретна со неговиот украински колега Дмитриј Кулебa.
Министерот за надворешни работи Дмитр Кулеба изјави дека средбата била тешка, а разговорот со Лавров бил без договор за прекин на огнот и хуманитарен коридор од Мариупол.
Посредник на средбата беше турскиот министер за надворешни работи Мевлут Вуавушоглу.
Лавров рече дека денешната средба покажала дека нема алтернатива за разговорот.
„ Користевте луѓе како жив штит“, рече Лавров, мислејќи на украинската страна.
Зборувајќи за руската страна, тој рече дека приказната за хуманитарните коридори сè уште е „на маса“, и да се разговара кои патишта се најбезбедни.
„За време на последната рунда разговори руската страна излезе со конкретни предлози, а украинската нè увери дека ќе даде конкретен одговор. Сакаме сериозно да разговараме за работите“, рече Лавров.
Тој рече дека е важно сериозно да се зборува за ситуацијата, а за тоа се зборува и денеска.
„Тие дозволија употреба на оружје во Украина, кое може да се постави секаде, а го користат терористи. Ќе ја прашаме ЕУ како е можно оваа закана за Русија да се создава со години. Во годините што доаѓаат ние ќе ги има овие закани не само од Украина, туку секаде во ЕУ. Дали ќе нападнеме друга земја? Нема, не сме ја нападнале ниту Украина“, рече Лавров, додавајќи дека Путин зборувал за тоа и претходно.
На фотографиите од средбата што ги објави Захарова се гледаат министрите на Русија и Украина како седат еден спроти друг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.