Политичката цел на САД е насочена против пријателството меѓу Москва и Киев, бидејќи од распадот на СССР тие водат политика на слабеење на пријателските врски меѓу Русија и поранешните советски републики, изјави шефот на руската дипломатија, Сергеј Лавров.

„Гледаме како политичката цел поставена од САД е насочена против развојот на пријателството. Никаде не исчезна. Американците никогаш не биле искрени. Дури и кога, по распадот на Советскиот Сојуз, се чинеше дека односите меѓу САД и нашата земја почнаа да добиваат нови квалитети. Оттогаш почнаа да водат политика, ако не да не дозволуваат, но што е можно повеќе да ги ослабуваат пријателските врски меѓу Русија и другите поранешни советски републики“ – посочи Лавров.

Според него, Украина е претворена во непријател на Русија наместо да се охрабрува пријателството кое е во срцето на односите меѓу украинскиот и рускиот народ од 17 век.

„Сега сите размислуваме за тоа што се случува околу Украина. Пред неколку децении, американските политиколози и политичари, особено поранешниот советник за национална безбедност на претседателот на САД (во периодот 1977-1981 година) Збигњев Бжежински директно се изјасни за задачата да се спречи пријателството меѓу Русија и Украина под никакви околности. Тој буквално го кажа следново: Русија и Украина се голема сила, Русија без Украина не е многу забележлив регионален играч. Цинично, дрско и отворено“ – додаде Лавров.

Тој посочи дека и односите на САД со Европската унија не се пријателски, туку претставуваат односи на „хегемон и вазал“. Заштитниот знак на американската политика е политика која не е насочена кон пријателство, туку кон потчинување и потиснување.

„САД ја притискаат Европската унија целосно да ја поддржи Украина. Целиот товар на оваа поддршка (економска и финансиска) падна на рамениците на Европската унија. Тешко е да се зборува за пријателство. Тоа е односот помеѓу хегемонот и вазалот. Америка е во состојба во која материјално и финансиски повеќе од другите (можеби само таа) има корист од она што го планираше и спроведе како започнување војна против Русија преку украинскиот режим“ – заклучи Лавров.

Лавров додаде дека ниту САД ниту нивните западни сојузници не го почитуваат принципот на еднаквост, бидејќи се сметаат себеси над сите.

„Штом ќе почне дискусијата за демократијата на меѓународната сцена, западњаците веднаш бегаат. Повелбата на ОН вели дека светската организација се заснова на принципот на суверена еднаквост на државите. Ниту САД, ниту нивните западни сојузници немаат никаква почит кон тоа. Тие се сметаат себеси над сите“ – истакна рускиот министер.

„Секогаш кога нивниот претседател ќе зборува пред публика, мора да се слушне мислата дека Америка е единствена и неповторлива, дека е исклучителна сила и само таа може да го одржува светот во добра состојба и, да ја нема Америка, би биди светски хаос. Филозофијата на диктаторите и монополистите. Воопшто не е филозофијата на државата која се потпира на соработка, демократија, барање рамнотежа на интереси, формирање стабилен светски систем кој ќе се заснова на неколку основи“ – додаде Лавров.