Свет
Лавров: Русија не е задоволна со примирје со Украина, потребни се обврзувачки договори

Русија нема да прифати само воспоставување примирје во конфликтот со Украина, но потребни се правно обврзувачки договори за да се решат основните причини за конфликтот, најави рускиот министер за надворешни работи, Сергеј Лавров.
Тој рече дека на Запад и во Украина во моментот зборуваат само за примирје и како да му се овозможи на режимот во Киев повторно да акумулира сила со помош на Западот, со цел, според неговите зборови, да придонесе за стратешки пораз на Русија.
Во интервју за програмата „60 минути“ на ТВ-каналот „Русија 1“, Лавров додаде дека на Русија ѝ се потребни сигурни, правно обврзувачки договори, насочени кон елиминирање на главните причини за конфликтот, кои, според него, ги вклучуваат општата безбедност во Европа и проблемот со ширењето на НАТО. Тој најави и дека тоа подразбира почитување на правата на луѓето што живеат на териториите, а кои се изјасниле за повторно обединување со Русија, пренесува „Тас“.
Лавров рече и дека сите поврзуваат некои промени со доаѓањето на новата администрација во САД, администрацијата на Доналд Трамп, и дека има многу шпекулации за ова.
„Ние, како што реков претходно, немаме илузии. Во однос на поддршката на Вашингтон за режимот во Киев, нашата земја се квалификува како противник на кој мора да му се нанесе стратешки пораз. Во своите говори функционери од администрацијата на Бајден дури нè нарекуваа и непријатели“, рече Лавров, пренесува „Танјуг“.
Рускиот министер додаде дека поради оваа причина, Москва никогаш не дала изјави дека со доаѓањето на администрацијата на Трамп преговарачкиот процес за глобалната безбедност за Украина, дефинитивно, ќе почне.
„Тоа нема да се случи, како што сега многумина се надеваат. Ова е неизбежна реалност“, додаде рускиот министер.
Лавров најави дека Русија е свесна за интересот на Трамп, кој го назначи специјалниот советник Кит Келог за свој пратеник за Украина, да ја прекине оваа војна што е можно побргу. Секогаш сме се залагале да нема војна“, нагласи Лавров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Вучиќ збунето го бараше своето место на самитот во Данска, успеа да скрши стол

Претседателот на Србија, Александар Вучиќ, кој учествува на самитот на европските лидери во Копенхаген, повторно имаше проблем со седењето, пишува Нова.рс.
На социјалните мрежи кружи видео од српскиот претседател, на кое се гледа како влегува во просторијата каде што се одржува самитот и каде што сите присутни се сместени, освен тој. Наместо да седне на своето место, Вучиќ разгледуваше наоколу како да не му е јасно каде дошол или каде му е местото, или поточно, каде треба да седне.
Додека збунето разгледуваше низ просторијата, барајќи некој да му помогне, но бидејќи никој не му пријде на помош, тој се обиде да седне на туѓо столче. Сепак, веднаш му беше кажано дека не може да седи таму бидејќи седиштето е зафатено.
Stalna blamaža i neverovatan propust našeg protokola. Tužni sirak među vihorove dok izgubljena savetnica Jović pokušava da nađe mesto za baskuznu figuru.
Nije smešno jer oni vode i uništavaju Srbiju 13 godina i zaista tako bude kad nesposobne i alave stavite da vode važne državne… pic.twitter.com/UmAHUUSKgq— Borko Stefanović (@BorkoStef) October 2, 2025
Конечно, некој му донесе столче, а претседателот Вучиќ успеа да скрши дел од столчето, во обидот да седне.
фото: принтскрин
Свет
Путин: Тони Блер можеби не е познат како ангел чувар на мирот, но е искусен политичар

Рускиот претседател Владимир Путин вчера го поддржа мировниот план на американскиот претседател Доналд Трамп за Блискиот Исток.
Најважниот елемент од мировниот договор во регионот останува решение за две држави меѓу Израел и Палестина, нагласи Путин на настан на политичкиот клуб Валдаj во Сочи. Сепак, подготвен e да му даде шанса на моделот на Трамп, рече тој. „Поранешниот британски премиер Тони Блер, кој е назначен за член во привременото меѓународно тело за мониторинг на Газа, можеби не е познат како ангел чувар на мирот, но е искусен политичар“, рече рускиот претседател.
Важно е што и Израел и Палестинската самоуправа и милитантната палестинска организација Хамас се согласија со решението, додаде тој. Трамп предложи прекин на огнот во Појасот Газа како дел од мировниот план од 20 точки што го презентираше во Вашингтон пред пет дена.
Планот вклучува целосно разоружување на Хамас и итно ослободување на сите преостанати израелски заложници што ги држи Хамас во замена за стотици палестински затвореници, како и повлекување на израелската војска од Појасот Газа.
Хамас нема да има никаква улога во управувањето со крајбрежниот појас, а на Израел му е забрането и да анектира територија. Наместо тоа, Појасот Газа ќе биде управуван од преодна влада на палестински технократи под надзор на идни меѓународни сили за стабилизација.
Германија, Франција и Обединетото Кралство, како и министрите за надворешни работи на неколку арапски држави, вклучувајќи ги Катар, Египет, Јордан, Обединетите Арапски Емирати и Саудиска Арабија, исто така изразија поддршка за планот.
фото: принтскрин
Свет
(Во живо) Последниот брод сè уште плови кон Газа, Израел објави забрана за влез

Последниот брод во меѓународната флотила за помош за Газа го продолжи своето патување рано утрово, според организаторите, откако околу 40 бродови беа пресретнати од Израел, кој се подготвува да ги протера пропалестинските активисти на пат.
„Маринет сè уште плови“, објави организацијата на социјалните мрежи доцна во четвртокот, додавајќи дека очекува наскоро пресретнување. „Тие се свесни што ги чека“, соопшти организацијата.
Бродот бил на околу 120 километри од брегот на Газа во 6 часот наутро, според геолокацијата споделена на веб-страницата на флотилата.
„Доколку се приближи, неговиот обид да влезе во активната борбена зона и да се обиде да ја пробие блокадата ќе биде спречен“, соопшти израелското Министерство за надворешни работи во четвртокот.
Повеќе од 400 активисти на 41 брод од флотилата беа уапсени за време на операцијата што траеше околу 12 часа, изјави израелски функционер во четврток вечерта.
„Тие се безбедно префрлени во пристаништето Ашдод за обработка од страна на израелската полиција“, додаде тој под услов да остане анонимен.
Флотилата „Глобал Сумуд“, во која се вклучени политичари и активисти како што е Грета Тунберг од Шведска, тргна од Шпанија во септември со цел да ја пробие израелската блокада на Појасот Газа.
Флотилата се претставува како „мирна и ненасилна хуманитарна мисија“.
фото: принтскрин