Свет
Лавров ќе учествува на неформалниот состанок на министрите за надворешни работи на ОБСЕ во Словачка
Рускиот министер за надворешни работи, Сергеј Лавров, ќе учествува на неформалниот состанок на министрите за надворешни работи на земјите членки на Организацијата за безбедност и соработка во Европа (ОБСЕ) во Високи Татри во Словачка денес, пренесува ТАСС.
На состанокот Лавров ќе ги сподели своите проценки за безбедносната ситуација во Европа и ќе разговара за соработката во борбата против тероризмот и киберзаканите.
Состаноците во овој формат не се одржуваат секоја година. Последниот неформален состанок се одржа во летото 2017 година во австриски Мауербах. На вакви состаноци не се донесуваат одлуки. Наместо тоа, страните разменуваат мислења и се подготвуваат за официјални седници на Советот на министри за надворешни работи на ОБСЕ.
Руското МНР соопшти дека на состанокот денес министрите ќе разговараат за напорите на ОБСЕ за спречување и решавање кризи и конфликти во зоната на одговорност на организацијата.
„Очекуваме искрена дискусија за начините за надминување на кризата во сферата на европската безбедност и за нормализирање на меѓудржавните односи”, рече руското Министерството за надворешни работи.
Ваквите неформални средби се користат и за билатерални разговори. Официјалната портпаролка на руското МНР, Марија Захарова, претходно изјави дека Лавров планира да одржи одделни состаноци со раководството на ОБСЕ, како и со министрите за надворешни работи на Андора, Казахстан и на Финска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.