Свет
„Ламборгини“ ќе произведе хируршки маски за да помогне во борбата против Ковид-19
Италијанскиот производител на луксузни автомобили „Ламборгини“ претвори некои оддели во својата фабрика „Сант’Агата болоњезе“ во погони за производство на хируршки маски и заштитни штитници од плексиглас за да помогне во борбата против епидемијата на Ковид-19 во земјата, пренесува „Спутник“.
Медицинските материјали, произведени во соработка со Универзитетот во Болоња, ќе бидат доставени во болницата „Сант Орсола-Малпиги“ во Болоња, се вели во соопштението на официјалната веб-страница на компанијата.
Автомобилскиот производител ќе произведува 1.000 маски и 200 заштитни штита од плексиглас на ден.
We have converted some departments of our factory to produce surgical masks and protective plexiglass shields in collaboration with @UniboMagazine which will be delivered to the Sant'Orsola-Malpighi Hospital in Bologna: https://t.co/9v87WPjooL#IoRestoAcasa #StayHome pic.twitter.com/FAsBbRT3c0
— Lamborghini (@Lamborghini) March 31, 2020
„Во вонредна состојба, како што е оваа, чувствуваме потреба да дадеме конкретен придонес. Ние ќе ја добиеме оваа битка заедно со тоа што ќе работиме во единство поддржувајќи ги оние што секојдневно се во првите борбени редови против оваа пандемија“, рече Стефано Доменикали, претседател и извршен директор на „Аутомобили ламборгини“.
Италија извесно време соборува мрачни рекорди во однос на бројот на починати од новиот коронавирус регистриран во текот на 24 часа, при што повеќе од 600 луѓе дневно умираат од овој вирус.
Италија останува најтешко погодена европската земја од Ковид-19 со речиси 105.800 заразени и повеќе од 12.400 смртни случаи, според статистиката на Универзитетот „Џон Хопкинс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Москва: Европа го блокира мирот и поттикнува војна во Украина
Неонацистичкиот режим во Киев продолжува со нападите врз цивилни објекти, тероризирајќи го мирното население на Русија, изјави Марија Захарова, портпаролка на Министерството за надворешни работи на Русија, на денешниот брифинг за медиумите.
Таа истакна дека во текот на изминатата недела, како резултат на украинските напади, 113 руски граѓани претрпеле последици, од кои 19 биле убиени – меѓу нив и едно дете. 94 лица биле повредени, вклучувајќи десет деца.
Захарова изјави дека руските повици за мирно решавање на украинската криза со елиминирање на нејзините причини наидуваат на сè поголемо разбирање меѓу странските лидери и политичари, и дека претставниците на земјите од Глобалниот Југ и Исток континуирано покажуваат поддршка за Москва.
„Во исто време, се слушаат оправдани критики против земјите од ЕУ, кои го спречуваат процесот на преговори и со сета своја сила поттикнуваат понатамошна ескалација на конфликтот“, додаде таа.
Како што наведува, таков став неодамна изрази, меѓу другите, премиерот на Унгарија Виктор Орбан, членката на Претставничкиот дом на Конгресот од редовите на републиканците Ана Паулина Луна и многу други.
Регион
Вучиќ: Најмоќните сили сакаат да ни ја украдат територијата, во следните 10 дена ќе имаме нешто што ќе ги направи среќни
Српскиот претседател Александар Вучиќ денес се обрати до јавноста од Самарканд, каде што присуствуваше на отворањето на 43-та сесија на Генералната конференција на УНЕСКО.
Тој изјави дека разговарал со претседателот Пелегрини за европскиот пат на Србија, но и за билатералните односи, за кои верува дека можат да се подобрат.
Вучиќ, исто така, изјави дека е многу важно што Генералната конференција на УНЕСКО за прв пат се одржува надвор од Париз, честитајќи им на домаќините за организацијата.
Кога станува збор за средбата меѓу Трамп и Џјинпинг, Вучиќ очекува работите да почнат да се менуваат дури од јануари.
„И јас тогаш реков дека е важно Кина да се вклучи бидејќи без неа е тешко да се постигне голем договор. Мислам дека е добро за светот. За нас е важно што помина добро, а не ни треба ни да ги знаеме сите важни детали. Имаме многу добри односи со Кина и би рекол дека се обидуваме да изградиме подобри односи и со Америка“, рече Вучиќ.
Во врска со веста дека Сирија го признала Косово, тој рече дека тоа била очекувана вест.
„Ја зачувавме нашата позиција во УНЕСКО и позицијата на меѓународното јавно право. Веста дека Сирија го призна Косово беше очекувана и сега разбираме колку ни значеше слободарскиот пристап на Башар Ал Асад кога беше на власт. Јасно е кога доаѓа некој што е под огромно влијание на една од клучните земји во регионот, како што е Турција. Тоа е истиот ракопис како минатата година од Анталија. Го повикаа нашиот министер за надворешни работи, немаа време за билатерален, а потоа Судан ја призна независноста на Косово“. Добиваат наредба и се однесуваат соодветно, но бидејќи гледам дека се премногу среќни, ќе имаме нешто да им угодиме во следните 10 дена. Ова е маратон, а не трка на 50 метри“, рече Вучиќ, пренесуваат медиумите во соседството.
Свет
Џ. Д. Венс се надева дека неговата сопруга ќе стане христијанка
Потпретседателот на САД, Џ. Д. Венс, рече дека се надева оти неговата сопруга Уша, која е хинду, еден ден ќе стане христијанка. Тој ја сподели својата лична желба за време на говорот на настан за конзервативната организација Turning Point USA на Универзитетот во Мисисипи, објави „Њузвик“.
„Се надевам дека таа го гледа евангелието на ист начин“, рече тој.
Венс им откри на присутните дека неговата сопруга веќе го следи во црква, иако не е христијанка. „Сега, повеќето недели, Уша доаѓа во црква со мене“, рече потпретседателот.
Потоа јасно ги искажа своите очекувања. „Како што ѝ кажав и јавно изјавив, а ќе кажам и сега пред 10.000 мои најблиски пријатели: Дали се надевам дека на крајот ќе биде трогната од истото тоа што мене ме трогна во црква? Да, искрено се надевам. Бидејќи верувам во христијанското евангелие и се надевам дека мојата сопруга на крајот ќе го гледа на ист начин“.
Сепак, тој бргу додаде дека ја почитува нејзината одлука, каква и да била. „Но, ако не, тогаш Бог вели дека секој има слободна волја, па тоа не е проблем за мене“, заклучи тој.
Митингот на кој зборуваше Венс беше посветен на чествувањето на убиениот конзервативен активист Чарли Кирк, а присуствуваше и неговата вдовица Ерика.
Фото: ЕПА

