Свет
Лани биле убиени повеќе од 10 000 деца во светот

Повеќе од 10 000 деца биле убиени или осакатени во вооружени напади ширум светот во текот на минатата година, се наведува во новиот извештај на Обединетите нации.
Регистрирани се повеќе од 21 000 случаи на кршење на правата на децата, што е многу повеќе во однос на претходната година. Меѓу случаите има деца кои биле жртви на силување, но и деца кои биле принудени да станат борци или извеле напади врз училишта и болници.
Во конфликтот во Јемен се убиени или повредени повеќе од 1 300 деца, а Обединетите нации ја обвинија арапската коалиција која со поддршка на САД се бори во земјата, за најмалку половина од бројот на жртви.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Трагедија во Хрватска: маж почина од убоди на стршлени додека сечел дрва за огрев

Додека сечел дрва во шума, 54-годишен маж бил нападнат од стршлени. И покрај брзата лекарска интервенција, починал на самото место.
Во Хрватска, во шумско подрачје близу Крижевци, 54-годишен маж бил смртно нападнат од стршлени, соопшти полицијата од Копривничко-крижевечката жупанија.
Вчера, додека сечел дрва за огрев, мажот бил нападнат од стршлени, по што му се слошило, јавува Хина.
И покрај тоа што брзо му била укажана лекарска помош, мажот починал на самото место
Свет
Министерот за култура на Литванија поднесе оставка по изјавите за Крим

Литванскиот министер за култура Игнотас Адомавичиус, кој беше назначен на функцијата само пред една недела, вчера објави дека поднесува оставка, откако неговите претходни изјави за Крим предизвикаа скандал во јавноста, објави Делфи.
Адомавичиус на прес-конференција изјави дека одлучил да поднесе оставка поради растечкиот притисок, потребата да го заштити своето семејство и да не ѝ наштети на владата.
Претходно, изјавата на Адомавичиус за Крим предизвика скандал во Литванија, кога новинар го праша кому му припаѓа Крим, а тој одговори дека тоа е провокативно прашање и дека не сака да дискутира.
Подоцна тој го разјасни својот став дека Крим е „окупирана територија на Украина, која сега е во Русија“.
Украинските знамиња беа отстранети од неговата канцеларија и од прес-салата, што исто така предизвика реакции, по што министерството издаде соопштение во кое се вели дека украинските знамиња беа накратко отстранети поради чистење.
Свет
(Видео) Пожар и експлозии во рафинерија за нафта во Русија по напад со дронови

Рафинерија за нафта во градот Кириши, недалеку од Санкт Петербург, беше нападната со беспилотни летала, соопштија руските власти и локалните медиуми.
Сведоците пријавиле силна експлозија и пожар во индустрискиот комплекс. Регионалниот гувернер, Александар Дрозденко, потврди дека нападот се случил и дека противвоздушната одбрана успеала да уништи седум дронови над Кириши. Тој додаде дека пожарот во индустриската зона е изгаснат.
The Kirishi oil refinery in the Leningrad region, Russia, was struck and burns. pic.twitter.com/W1YrKQF79I
— (((Tendar))) (@Tendar) October 4, 2025
💥 Russia: Kirishi Oil Refinery confirmed struck by Ukrainian drones in Leningrad region, 100km from Saint Petersburg.
Daily refining capacity of 355,000-400,000 barrels per day – 6% of total production of Russia. pic.twitter.com/dLpNGi61r6— Igor Sushko (@igorsushko) October 4, 2025
Рафинеријата во Кириши, која се наоѓа на повеќе од 800 километри од границата со Украина, е една од најголемите во Русија и веќе беше цел на неколку напади во март и септември годинава, како и во март 2024 година.
Киев систематски ги засилува нападите врз руската нафтена и воено-индустриска инфраструктура, тврдејќи дека овие објекти се легитимни воени цели, бидејќи директно ја поддржуваат воената активност на Москва.