Свет
Лидерот на сепаратистите: Днепар ќе се врати во своето корито за една недела, веќе падна три метри

Јужниот тек на реката Днепар најверојатно ќе се врати во нејзините брегови до 16 јуни по големите поплави предизвикани од уривањето на украинската брана Каховка оваа недела, изјави официјален претставник.
Поплавата ги погоди градовите и селата под браната, заробувајќи жители и уништени цели куќи од двете страни на реката, која го дели регионот Херсон на два дела под контрола на Украина и Русија.
„Нивото на водата се намали за три метри“
Владимир Салдо, кој управува со делот што е под контрола на Русија, рече дека нивото на водата во Нова Каховка, град до браната, падна за три метри од вторникот, кога беше на својот врв.
„Започна испумпувањето на водата и отстранувањето на ѓубрето од улиците“, рече тој, додавајќи дека повеќе од 6.000 луѓе се евакуирани од поплавените делови на Нова Каховка и од градовите Олешки и Гола Пристањ, кои се наоѓаат во близина на устието на реката.
Тој кажа дека прелиминарните пресметки на рускиот производител на електрична енергија РусХидро укажуваат на тоа дека Днепар под уништената централа Каховка ќе се врати во својот нормален проток до 16 јуни.
„Украинците гранатираа засолништа“
Салдо, исто така, ја обвини Украина за гранатирање на привремени засолништа за луѓето раселени од поплавата, велејќи дека една жена загинала во нападите. Тој објави фотографија од уништената зграда и кажа дека се работи за хотел.
Ројтерс не можеше независно да ги потврди наводите за гранатирање, кои ги повторуваат сличните тврдења изнесени во последните денови. Киев, кој ја обвини Москва дека гранатира цивили на поплавената територија под нејзина контрола, веднаш не ги коментираше руските наводи.
Украина ја обвини Русија за уништување на хидроцентралата и браната, кои се под руска контрола од првите недели од војната, која Москва ја нарекува „специјална воена операција“, а започна пред повеќе од една година. Москва, од друга страна, ја обвини Украина.
Гувернерот на Крим, кој Москва го зазеде и анектираше од Украина во 2014 година, одделно изјави дека руската противвоздушна одбрана соборила две украински балистички ракети и дека нема штета или жртви.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Аракчи: Иран ќе одговори на повторното воведување на санкции

Министерот за надворешни работи на Иран, Абас Аракчи, денес изјави дека земјата ќе одговори на „нелегалниот потег“ на Велика Британија, Франција и Германија (Е3), кои го иницираа механизмот за повторно воведување на санкциите на ОН врз Техеран поради неговата нуклеарна програма. Според агенцијата Тасним, шефовите на дипломатиите на Е3 го информирале Аракчи за одлуката за покренување на овој механизам и изразиле подготвеност наскоро да најдат решение што ќе спречи понатамошни чекори кон воведување санкции.
Аракчи изјавил дека оваа одлука на европските земји е „неоправдана, нелегална и нема правна основа“, велејќи дека Иран ќе одговори на овој потег за да ги заштити и обезбеди своите национални права и интереси во согласност со нуклеарниот договор од 2015 година и меѓународното право.
Иранскиот дипломат ја повика Е3 да усвои „одговорен пристап“ кон ситуацијата и да го исправи овој „погрешен потег“.
Земјите од Е3 претходно денес соопштија дека одлучиле да го активираат таканаречениот механизам за повлекување на санкциите пред да ја изгубат можноста да ги обноват санкциите врз Техеран кон средината на октомври, кои беа укинати според нуклеарниот договор од 2015 година.
Овие три земји понудија да ги одложат санкциите за период до шест месеци со цел да се овозможат сериозни преговори, доколку Иран продолжи со целосни инспекции на ОН и започне разговори со САД, пренесува Танјуг.
Фото: принтскрин
Свет
Ердоган ја претстави турската „Челична купола“

Турскиот претседател Реџеп Таип Ердоган вчера официјално го отвори интегрираниот систем за воздушна одбрана на Турција, познат како „Челична купола“, кој го опиша како пресвртница за земјата и нејзината одбранбена индустрија.
„Ова е знак на сила за Турција. Воведуваме нова ера за нашата сакана Турција во воздушната одбрана“, рече Ердоган на настан во објектите на одбранбената компанија Аселсан во Анкара. Владата на Ердоган го објави почетокот на развојот на Челичната купола, кој интегрира платформи за воздушна одбрана и сензори од морето и копното во мрежа за заштита на турското небо, во август минатата година.
Ердоган истакна дека најновата фаза од проектот се состои од 47 возила во вредност од речиси 400 милиони евра кои ќе „влеат доверба кај пријателите и страв кај непријателите“. Турската влада не прецизираше кога системот ќе биде целосно оперативен.
„Ниту една земја која нема способност да развива сопствени радарски и воздушни одбранбени системи не може да гледа кон иднината со доверба во однос на актуелните безбедносни предизвици, особено во нашиот регион“, рече Ердоган.
Турција претходно се обидуваше да ја зајакне својата воздушна одбрана со купување на ракетниот систем С-400 од Русија во 2019 година. Сепак, овој потег доведе до тоа Американците да ја суспендираат продажбата на невидливи авиони Ф-35 на Турција, поткопувајќи ги одбранбените цели на Анкара, пишуваат медиумите.
Конфликтите во Сирија и Украина, како и неодамнешните израелски напади врз Иран, ја интензивираа потребата на Турција да развива подобра воздушна одбрана.
Ердоган, исто така, ги претстави новите производствени капацитети на Аселсан, кои треба да се отворат во 2026 година. „Во следните 50 години, Турција ќе биде земја која не само што ги задоволува сопствените потреби, туку и ќе биде лидер во светот во својата технологија“, рече тој.
Фото: принтскрин
Свет
Зеленски: Очекуваме почеток на преговорите за пристапување во ЕУ

Украинскиот претседател Володимир Зеленски денес објави дека имал телефонски разговор со претседателката на Европската комисија, Урсула фон дер Лајен, и дека ѝ се заблагодарил за нејзината солидарност со Украинците по нападот на Русија врз Украина.
Зеленски потсети дека главна цел на нападот бил Киев, како и дека се во тек операции за пребарување и спасување.
Тој изјави дека разговарал со претседателот на ЕК за дипломатска работа за „запирање на убиствата и руската агресија воопшто“, како и за гарантирање на вистинска безбедност за Украинците.
„Разговаравме и за нашиот пат кон европска интеграција, за истовременото отворање на преговарачкиот кластер за Украина и Молдавија. Очекуваме позитивна одлука во блиска иднина“, нагласи Зеленски, пренесува порталот РБК Украина.
Зеленски нагласи дека сè додека Русија не преземе вистински чекори кон мирот, притисокот врз неа мора да се зголеми.
Како што изјави, фон дер Лајен го информирала за подготовката на нов пакет санкции и координацијата со другите партнери.
Фото: принтскрин