Свет
Лукашенко во Москва: Ќе искористиме се’ што имаме за да ги заштитиме нашите земји и народи
Рускиот претседател Владимир Путин разговараше со својот белоруски колега Александар Лукашенко во Москва за проширување на економската соработка и зајакнување на одбранбените врски меѓу двете земји.
Во Кремљ беа и високи руски и белоруски функционери.
Рускиот лидер минатиот месец најави дека Москва ќе стационира тактичко нуклеарно оружје на белоруска територија, но портпаролот на Кремљ Дмитриј Песков изјави дека Путин и Лукашенко денеска не разговарале за распоредување на такво стратешко нуклеарно оружје, пренесе агенцијата Интерфакс.
Во своето воведно обраќање на денешните разговори, Лукашенко рече: „Ако е потребно, ќе искористиме се’ што имаме за да ги заштитиме нашите земји и народи. Не уценуваме никого. Така ќе биде“.
Путин рече дека „ќе се работи блиску за зајакнување на соработката“ според договорот, кој предвидува блиски политички, економски и воени врски меѓу Белорусија и Русија. Во јавните изјави на Путин и Лукашенко на самитот не се споменува војната во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Гроси: Смртта на Раиси предизвика пауза во преговорите меѓу МААЕ и Иран
Смртта на иранскиот претседател Ебрахим Раиси и министерот за надворешни работи, Хосеин Амир Абдолахијан, во хеликоптерска несреќа предизвика пауза во преговорите меѓу Техеран и Меѓународната агенција за нуклеарна енергија (МААЕ), изјави директорот на агенцијата на ОН, Рафаел Гроси.
Во Хелсинки, каде што зборуваше денеска на нуклеарната конференција, тој објасни дека Иран е во период на жалост и дека кога ќе помине, повторно ќе се ангажира, пренесува „Ројтерс“.
Гроси рече дека МААЕ планира да ги продолжи техничките разговори со Иран, но дека тие сè уште не се одржани поради хеликоптерската несреќа минатата недела, во која загинаа претседателот Раиси и министерот за надворешни работи, Абдолахијан.
Свет
Џанг Жан ослободена од затвор, осудена за известување за епидемијата во Вухан
Кинеска новинарка Џанг Жан, која беше осудена во Кина за известување за епидемијата на Ковид-19 во Вухан, е ослободена од затвор по издржување четиригодишна затворска казна, објавија светските медиуми.
Џанг е осудена на четири години затвор под обвинение за „поттикнување кавги и предизвикување проблеми“, пренесува АП.
Меѓутоа, на денот на нејзиното ослободување нејзините поранешни адвокати не можеле да дојдат до неа или до нејзиното семејство бидејќи, како што наведува американската агенција, „полицијата во Шангај ги посетила активистите и нејзините поранешни адвокати во деновите пред нејзиното ослободување“.
Свет
Пресметка на суперсилите во вселената: САД ја обвинуваат Русија за испраќање офанзивно оружје во вселената, Москва ги отфрла тврдењата
Вашингтон ја обвини Москва дека лансирала сателит за кој американското разузнавање верува дека е оружје способно да следи и да напаѓа други сателити, тврдење што Русија денеска го отфрли како лажно.
Американската вселенска команда во вторникот соопшти дека Русија лансирала антисателитско оружје во исто време кога САД лансирале нов сателит во ниската орбита, пренесува „Ројтерс“.
Претходно овој месец, САД укажаа на лансирањето на ракетата „Сојуз“, која наводно носела најмалку девет сателити вклучувајќи го и COSMOS 2576, тип на руско надзорно вселенско летало од руската локација за лансирање Плесец.