Европа
Луксембург станува првата земја во светот со бесплатен јавен превоз

Луксембуг ќе стане првата земја во светот со бесплатен јавен превоз.
Како што пренесува „Гардијан“, повторно избраната коалициска влада, предводена од Ксавиер Бетел, планира да го укине плаќањето на билети во возовите, трамваите и автобусите и тоа веќе следното лето.
Демократската партија на Бетел, која во владата е со левичарската Социјалистичка работничка партија и со зелените, се обврза дека животната средина ќе ѝ биде приоритет. Ова и беше едно од главните предизборни ветувања, а покрај бесплатниот превоз во целата земја, планирана е и легализација на канабисот и воведување два нови државни празика.
Како што пишува „Гардијан“, Луксембург Сити, главниот град на земјата, има многу густ сообраќај и во него честопати настанува голем сообраќаен метеж.
Во градот живеат околу 110.000 луѓе, но речиси 400.000 секојдневно доаѓаат на работа. Студијата спроведена од градските власти покажала дека возачите минуваат 33 часа во сообраќајни метежи.
Целата земја има 600.000 жители, но речиси 200.000 жители од пограничните региони со Франција, Белгија и со Германија секој ден доаѓаат да работат во Луксембург.
Владата во Луксембург веќе воведе бесплатен јавен превоз за секое дете и сите помлади од 20 години. Средношколците имаат слободен превоз од училиште до дома.
Целосно бесплатниот јавен превоз е најавен за 2019 година, а до тогаш мора да се прецизираат некои детали.
Инаку, бесплатен јавен превоз досега има воведено и во главниот град на Естонија, Талин, а тамошните власти исто така најавија дека планираат да воведат ваква мерка на целата територија на земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Зеленски: Подготвен сум да се сретнам со Путин речиси каде било, но не во Москва

Украинскиот претседател Володимир Зеленски изјави дека Украина и други земји ѝ понудиле на Русија разговори на лидерско ниво, вклучително и во Казахстан, објави „Фокс њуз“.
Во интервју за „Фокс њуз“, украинскиот претседател рече дека е подготвен да се сретне со лидерот на Кремљ, Владимир Путин, каде било – но не во Москва, како што претходно предложи рускиот претседател.
🚨Zelensky says he’s ‘ready’ to meet Putin DIRECTLY
Mentions Saudi Arabia, Turkey, Austria, Kazakhstan as venues
But this man has 0 desire for peace:
> REJECTS Russian truces
>Bombs civilians dailySo what’s the REAL goal — negotiations, or a photo op? pic.twitter.com/YXMqxCtBr1
— Naren Mukherjee (@NMukherjee6) September 24, 2025
„И тимот на Трамп, мојот тим, Европејците, вклучувајќи го Макрон и другите лидери, и претседателот на Турција, сите понудивме да се сретнеме во Турција, Саудиска Арабија, Катар, во Европа, во неутрални земји како Австрија или Швајцарија. Рековме: „Дури и ако сакате некаде како Казахстан. Ние сме подготвени“, рече Зеленски.
Украинскиот претседател претходно изјави дека американскиот претседател Доналд Трамп сега му верува повеќе отколку на Путин, откако Трамп рече дека рускиот лидер „го изневери“.
Трамп, исто така, рече дека Украина, со поддршка на Европската Унија, може да ја добие војната и да ја врати целата окупирана територија.
фото: принтскрин
Европа
Навроцки: Полска е подготвена да ја брани својата територија

Полскиот претседател Карол Навроцки вчера изјави пред ОН дека неговата земја ќе биде подготвена да „ја брани својата територија“ по неодамнешните упади на руски беспилотни летала во воздушниот простор на членките на НАТО и ЕУ.
„Полска секогаш ќе реагира соодветно и е подготвена да ја брани својата територија. Полскиот народ и земјите од Централна и Источна Европа нема да се плашат од руски беспилотни летала“, увери Навроцки во обраќањето пред Генералното собрание на ОН во Њујорк.
„Нема да ги толерираме безмилосните провокативни потези на Москва против нас и другите нации, кои ги тестираат нашите реакции и ги заплашуваат нашите општества“, додаде полскиот националистички претседател.
Русија го наруши воздушниот простор на Полска, Романија и Естонија со своите беспилотни летала и борбени авиони во помалку од две недели. Москва го негираше ова и ги обвини членките на ЕУ и НАТО за лажни тврдења.
фото: принтскрин
Европа
Зеленски: Москва се плаши од Америка

Украинскиот претседател Володимир Зеленски изјави дека верува оти Вашингтон ќе ја „турне Русија кон мир“, кратко откако американскиот претседател Доналд Трамп тврдеше дека Киев е „во позиција“ да ја врати целата своја територија изгубена од Москва.
„Благодарен сум за овој состанок и очекуваме дека американските акции ќе ја турнат Русија кон мир. Москва се плаши од Америка и секогаш ѝ обрнува внимание“, изјави украинскиот претседател пред Советот за безбедност на ОН.
Трамп претходно напиша на својата социјална мрежа Truth Social дека верува оти Украина, со поддршка на Европската Унија и НАТО, може да ја врати целата територија што Русија ја зазеде од почетокот на инвазијата.
„Со време, трпение и финансиска поддршка од Европа, а особено од НАТО, оригиналните граници од почетокот на војната се многу добра опција“, рече Трамп, кратко по состанокот со својот украински колега. Русија контролира околу една петтина од украинската територија, вклучувајќи го и полуостровот Крим на Црното Море, кој нелегално го анектираше во 2014 година.
Зеленски рече дека Кина, ако сака, може да ја принуди Русија да ја заврши војната во Украина. „Без Кина, Русија на Путин е ништо. Сепак, Кина премногу често молчи и се држи настрана наместо да дејствува за мир“, заклучи украинскиот лидер.
фото: принтскрин