Свет
Мадуро тврди дека венецуелските научници создале лек против Ковид-19 без несакани ефекти
Претседателот на Венецуела, Николас Мадуро, рече дека неговата земја дизајнирала високоефективен антивирусен лек, што го десеткува коронавирусот без никакви несакани ефекти. Лекот ќе биде претставен на СЗО за сертифицирање, пренесува РТ.
„Сакам да кажам дека Венецуела разви лек, кој 100 отсто го уништува коронавирусот. Лекот е дизајниран од Венецуелскиот институт за научни истражувања (ИВИ), кој работи на лек за вирусот во последните шест месеци. Лекот се базира на молекула наречена ТР-10, која беше изолирана и, кога беше спротивставена на вирусот, ја докажа својата апсолутна ефикасност“, рече Мадуро.
Мадуро рече дека студијата е веќе разгледана од експерти и научници и ќе биде презентирана пред Светската здравствена организација за таа да може да ги потврди овие наоди.
Додека тој го промовира потенцијалниот чекор напред во терапијата со Ковид-19, Мадуро рече дека Венецуела со нетрпение очекува да му ја понуди оваа терапија на светот честитајќи му на ИВИЦ за овој голем придонес за човештвото.
„Масовното производство на лекот ќе се олесни преку меѓународни сојузи“, рече тој, без да даде повеќе детали.
Новоразвиениот лек е потполно безбеден, тврди Институтот, посочувајќи дека не влијае на здравите молекули во телото и не резултира со несакани ефекти.
Студиите биле спроведени на вирусни клетки изолирани од пациенти со коронавирус во Венецуела, рече Габриела Хименез, министер за наука и технологија.
„Молекулата е дериват на урсолната киселина, која покажа 100-отстотна инхибиција на репликацијата на вирусот ин витро (надвор од жив организам)“, рече таа, а цитирана од новинската агенција ЕФЕ.
На почетокот на овој месец Венецуела стана првата латиноамериканска држава што ја доби руската вакцина „спутник V“ против Ковид-19. Околу 2.000 лица се очекува да бидат имунизирани во Венецуела како дел од истражувањето во фазата III. Вакцината е регистрирана во Русија во август, што ја прави прва регистрирана вакцина во светот против Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп се согласил да разговара со новите ирански лидери
Американскиот претседател вели дека новото раководство на земјата сака да разговара со неговата администрација и дека тој планира да го стори тоа.
„Тие сакаат да разговараат и јас се согласив да разговарам, па затоа ќе разговарам со нив“, беше цитиран од списанието „Атлантик“.
„Требаше да го направат тоа порано. Требаше да го дадат она што беше многу практично и лесно да се направи порано. Чекаа предолго“, додаде Трамп.
Тој не коментираше кога ќе се одржат разговорите.
Свет
Поранешниот ирански претседател Махмуд Ахмадинеџад убиен во напади откако ракета погодила дом
Според извештаите на израелските медиуми, поранешен претседател е убиен во најновата рунда напади. Поранешниот ирански претседател Махмуд Ахмадинеџад наводно е убиен во израелските и американските напади врз Иран.
Иранските новински агенции потврдија дека поранешниот претседател на Иран, Махмуд Ахмадинеџад, е убиен во воздушни напади. Израелските медиуми објавија за убиството, опишувајќи го како дел од тековната кампања насочена кон високи ирански личности. Ахмадинеџад беше претседател на Иран од 2005 до 2013 година.
Свет
Нетанјаху најави дека израелските напади врз Иран ќе се интензивираат
Нападите на Израел врз Иран ќе продолжат да се интензивираат, вели израелскиот премиер Бенјамин Нетанјаху по состанокот со министерот за одбрана Израел Кац, началникот на Генералштабот на ИДФ, генерал-потполковник Ејал Замир, и шефот на Мосад, Дејвид Барнеа.
„Нашите сили сега напаѓаат во срцето на Техеран со зголемен интензитет, а ова само ќе се интензивира дополнително во наредните денови“, вели Нетанјаху од покривот на седиштето на ИДФ Кирја во Тел Авив.
„Сепак, ова се болни денови“, вели тој, осврнувајќи се на смртоносните ирански напади во Тел Авив и Беит Шемеш.
„Моето срце е со семејствата и во име на сите вас, граѓаните на Израел, им испраќам желби за брзо закрепнување на ранетите.“

