Владата на Бахамите вчера објави дека ги суспендира сите слетувања на ракетите на „Спејс Икс Фалкон 9“ во земјата, во очекување на целосна истрага по лансирањето.

„Нема да се издаваат дополнителни одобренија додека не се разгледа целосната проценка на влијанието врз животната средина“, рече директорот за комуникации Латрае Раминг во објавата на социјалната мрежа Икс.

„Спејс Икс“ не одговори веднаш на барањето за коментар.

Во февруари, по првото слетување на „Спејс Икс“ во земјата, владата на Бахамите соопшти дека одобрила уште 19 слетувања оваа година, што е предмет на регулаторно одобрување. Истрагата по лансирањето на Бахамите доаѓа откако вселенското летало „Спејс Икс Старшип“ минатиот месец експлодираше во вселената, неколку минути по полетувањето од Тексас.

REENTRADA DE LA STARSHIP ☄️🔥

Desde Puerto Rico, múltiples personas han podido captar partes de la nave #Starship de #SpaceX reingresando a la atmósfera. Coincide con los datos de radar que muestran escombros al norte de la zona 🚀pic.twitter.com/yiEOVpEyOy

— Frontera Espacial (@FronteraSpacial) November 18, 2023

Видеата на социјалните мрежи покажаа огнени остатоци кои се шират низ небото во близина на јужна Флорида и Бахамите. Леталото се распадна во вселената набргу откако почна неконтролирано да се врти со исклучени мотори.

По инцидентот, Бахамите соопштија дека остатоци од леталото паднале во нивниот воздушен простор. Тие исто така изјавија дека остатоците не содржат токсични материјали и дека не се очекува да имаат значително влијание врз морскиот свет или квалитетот на водата.

„Топката е на теренот на Кина – Кина треба да се договори со нас, ние не мора да се договориме со нив“, рече Доналд Трамп во изјавата што им ја прочита на новинарите портпаролката на Белата куќа, Каролин Левит.

„Кина го сака она што го имаме… американскиот потрошувач“, продолжи изјавата. Левит додаде дека претседателот „неколку пати јасно ставил до знаење дека е отворен за договор со Кина, но дека Кина е таа што треба да го направи првиот чекор кон Соединетите Американски Држави“.

Од друга страна, кинескиот претседател Си Џинпинг и неговите претставници ги повикуваат трговските партнери да се обединат против американските царини, со порака дека „Кина ќе се бори до крај“. Сепак, Кина во исто време посочува дека се уште е подготвена да ја држи отворена „вратата за преговори“.

Кинеските власти сè повеќе ја кажуваат својата позиција за состојбата на глобалната економија додека Пекинг се подготвува за целосното влијание на американските царини. Економскиот раст во првите три месеци од годината ги надмина очекувањата, поттикнат од посилната продажба на мало и индустриското производство.

Заменик-директорот на кинеското Национално биро за статистика, коментирајќи ги штотуку објавените податоци за БДП, рече дека кинеската влада силно ги осудува „американските царински бариери и трговското насилство“. Шенг Лајјун тврди дека таквите мерки ги прекршуваат меѓународните закони и принципи на Светската трговска организација (СТО) и имаат сериозен ефект врз глобалниот економски поредок.

Додаде дека објавените податоци ја покажуваат отпорноста на кинеската економија во кризни услови, но дека „високите царини наметнати од САД ќе донесат одреден притисок врз надворешната трговија и пошироката економија на Кина“.

Сепак, тој вели дека царините нема да го запрат кинескиот раст на долг рок и дека Кина ќе реагира проактивно: „Пекинг има богат арсенал на мерки за стимулирање на растот и е подготвен да преземе конкретни чекори за поддршка на економијата“, рече Шенг.