Свет
Маж возел пијан со лажна дозвола на име на Борис Џонсон
Холандската полиција приведе маж под сомнение дека возел во алкохолизирана состојба, а имал дозвола со името на експремиерот на Велика Британија, Борис Џонсон.
Лажниот украински документ – со официјален портрет на поранешниот премиер на Англија и неговиот точен датум на раѓање – е издаден во 2019 година и важи до 3.000 година.
Портпаролот на полицијата, Тијс Дамстра, изјави дека го пронашле полицајците, кои ја испитувале несреќата во неделата кратко по полноќ, кога автомобилот удрил во столб. Автомобилот бил напуштен, но на полицијата подоцна ѝ било кажано дека возачот стоел на мостот.
„Лицето не можеше да се легитимира и одби да земе алкотест“, рече полицаецот.
Како што пренесува британски „Метро“, уапсен е 35-годишен маж, а полицијата го пребарала неговиот автомобил.
„За жал на оваа личност, не наседнавме на неговиот фалсификат“, додаде полицијата на Гронинген на својот инстаграм-профил.
Полицијата не можеше да каже каде е направен фалсификуваниот документ, но новинарката и поранешна дописничка од Русија, Кисија Хекстер, во твит објавен од оваа телевизија рече дека лажните возачки дозволи лесно може да се купат во туристичките продавници во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.