Свет
Маж во Франција го убил соседот со моторна пила
Мажот осомничен за убиство на сосед со моторна пила во францускиот град Вербие е уапсен откако полицијата го пронашла на местото на злосторството облеан во крв, јавија денеска француските медиуми.
Тој прво бил хоспитализиран поради неговата психичка состојба, а потоа бил испрашуван и обвинет, објави Фигаро.
На распитот во полиција 31-годишниот го признал убиството.
Обдукцијата потврдила дека жртвата починала од повреди нанесени од моторна пила во пределот на стомакот.
Осомничениот претходно бил осуден за силување во 2014 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Камала Харис го повика Трамп да направи тест за интелигенција
Демократската кандидатка Камала Харис денеска изјави дека е подготвена да направи тест за ментални способности и го покани нејзиниот републикански ривал, поранешниот американски претседател Доналд Трамп да го стори истото.
„Секако. Го предизвикувам да го стори истото. Мислам дека тој всушност станува сè понестабилен, тој навистина нема план за американскиот народ“, рече Харис во интервју за CBS на прашањето дали ќе го направи тестот и што мисли на забелешките на Трамп кон неа.
Таа посочи на бројни поранешни високи функционери на администрацијата на Трамп кои зборуваа против него во последните недели како доказ дека тој е „неспособен да биде претседател на Соединетите Американски Држави“.
„Не ме слушајте мене, слушајте ги луѓето кои најдобро го познаваат. Неговите поранешни шефови на кабинет. Неодамна, маринскиот генерал Џон Кели со 4 ѕвезди. Слушајте ги двајцата поранешни секретари за одбрана кои работеа за него, послушајте го неговиот советник за национална безбедност, слушајте го неговиот потпретседател, кои, на еден или друг начин, велеа дека не е способен повторно да биде претседател, дека никогаш не треба да биде повторно претседател и дека е опасен“, рече Харис.
Харис во последните денови беше на удар на критиките за нејзините коментари за Трамп, вклучително и дека го нарече „фашист“, од највисоките републиканци во Конгресот, кои ја обвинија дека повикала на нов обид за атентат врз поранешниот претседател. Потпретседателката изјави за CBS News дека го осудува „секое политичко насилство од кој било вид врз некого“.
Харис претходно го објави медицински извештај во кој нејзиниот лекар Џошуа Сајмонс потврдил дека политичарката е во одлична здравствена состојба еден месец пред претстојните претседателски избори во ноември.
Трамп претходно изјави дека Харис има „многу низок коефициент на интелигенција“ и ја повика да направи тест за интелигенција. Поранешниот претседател објасни дека неговата ривалка во интервју за американскиот новинар Андерсон Купер не може да даде директни одговори на наједноставните прашања, што јасно укажува дека „нешто не е во ред со неа“.
Свет
Напад со нож во близина на училиште во Пекинг: пет лица се повредени, од кои три деца
Пет лица се повредени денеска, од кои три деца, во напад со нож во близина на училиште во Пекинг, соопшти полицијата.
Нападот се случил во северозападниот кварт на Пекинг Хаидијан, пренесе АП.
Како што соопшти кинеската полиција, никој од повредените не е во животна опасност.
Осомничен за нападот е 50-годишен маж кој е уапсен на лице место и е под истрага, додаваат од полицијата.
Во соопштението се наведува дека нападот се случил до познато основно училиште.
Оваа година во Кина се случија неколку напади со нож, а неколку од нив се случија меѓу училишни деца, потсети АП.
Минатиот месец, 10-годишен јапонски ученик беше убиен по напад со нож во близина на неговото училиште во јужниот град Шенжен.
Во вториот напад што се случи во јуни на училишната автобуска станица во Сужоу, една жена и нејзиното дете беа ранети, а жена која се обиде да интервенира беше убиена.
Напад со нож се случи и на почетокот на октомври кога три лица беа убиени, а 15 повредени во супермаркет во Шангај.
Според АП, Кина има строги прописи кои го ограничуваат поседувањето оружје од приватни лица, па така ножевите и рачно изработените експлозиви се едни од најчестите видови оружје.
Свет
„Британски Телеграф“: На прагот на трета светска војна сме
Некаде помеѓу 8 и 13 октомври, седум бродови на руската Пацифичка флота испловија од Чонџин, Хамхунг и Мусудан, Северна Кореја, за Владивосток, Русија. На бродот имало 1.500 војници на севернокорејските специјални сили.
Тие се авангарда од 11.000 севернокорејски војници кои би требало да бидат засилување во руската војна против Украина. Дополнително, доаѓањето на војници од Северна Кореја е јасен показател дека тоа не е само војна меѓу Русија и Украина, пишува Британски Телеграф.
Според овој медиум со доаѓањето на трета страна, војната може да ескалира во конфликт од светски размери, наведувајќи дека Москва и нејзините сојузници добро разбрале што е во прашање, додека Западот не го разбира тоа. Сепак, иако не е официјално потврдено, не е тешко да се заклучи дека покрај платениците, во Украина подолго време се и офицерите на армиите на земјите на НАТО, имајќи го предвид оружјето што беше испратено во оваа земја и чие користење бара претходна обука.
Северна Кореја сега испраќа 1.500 специјални сили во војната против Украина и ова не е прв придонес на Пјонгјанг во руските воени напори. Северна Кореја и продаде на Русија артилериска муниција, балистички ракети КН-23 и противтенковски ракетни возила. Покрај Иран, и Северна Кореја е индустриската поддршка на Русија и главната причина зошто руските вооружени сили веќе не останале без критична опрема како што се приближува третата година од војната, анализира медиумот.
Во написите се наведува дека зголемената улога на Северна Кореја во војната меѓу Русија и Украина се заканува да ја вовлече Јужна Кореја во конфликт.
Јужна Кореја произведува некои од најдобрите оружја во светот, особено тенкови и артилерија. Можеби нема да помине многу време пред да го видиме ова оружје на линијата на фронтот во Украина, доколку се разбира тоа го дозволат сојузниците од НАТО.
Во овие моменти се повеќе може да се слушне за двоумењето на Западот кога станува збор за поддршката на Украина. Украинската армија неодамна заеднички формираше 14 нови бригади, што претставува десет отсто зголемување на структурата на нејзините копнени борбени сили, но забавувањето на странската помош значи дека десет бригади немаат тешка опрема, тврди украинскиот претседател Володимир Зеленски.
Според написите, можеби евентуалната помош на Јужна Кореја ќе биде доволна за да се надмине оваа неволност на Западот, но таа со себе носи нови опасности. Двете Кореи би можеле индиректно да ги измерат своите сили на полињата во Украина, далеку од нив, и да го направат овој конфликт глобален, оценува Британски Телеграф.