Свет
Маж поминал 24 дена изгубен на море, преживеал од кечап
Маж од Доминиканската Република лебдел изгубен во Карипското Море цели 24 дена, а преживеал, како што вели, јадејќи по малку кечап секој ден.
Елвис Франсоа (47) е пронајден на речиси 220 километри северозападно од колумбискиот Пуерто Боливар кога од авион бил здогледан зборот „Помош“ изгравиран на дел од неговата едрилица, соопшти колумбиската морнарица во четвртокот.
„Немав храна. На бродот имаше само шише кечап, лук во прав и зачин, па тоа го мешав со малку вода“, рече Франсоа.
Тој рече дека го поправал својот брод во близина на холандскиот дел на островот Сент Мартин во декември кога неповолните временски услови го одвлекле во морето.
Немал навигациски вештини и не можел да маневрира со бродот назад до брегот, па бил изгубен во морето со недели.
„Дваесет и четири дена, нема друштво, нема со кого да разговараш. Не знаеш што да правиш, не знаеш каде си. Беше страшно. Изгубив надеж, размислував за семејството“, рече тој.
По спасувањето, бил пренесен во пристанишниот град Картагена, каде што добил медицинска помош, а подоцна бил предаден на имиграциските власти, кои го вратиле дома, соопштија колумбиските власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Насилство на пропалестинските демонстрации во Берлин, полицијата употреби солзавец
На пропалестинските демонстрации во Берлин минатиот викенд, насилство избувна кога демонстрантите почнаа да ја гаѓаат полицијата со камења и шишиња, а полицијата одговори со солзавец.
По повод годишнината од смртоносниот напад на Хамас во Израел, полицијата распореди околу 2.000 свои членови поради најавените протести, пренесува „Берлингер Моргенпост“.
Во саботата пропалестинските демонстранти маршираа од Темпелхоф до Бранденбуршката порта, а во неделата беа одржани демонстрации во Кројцберг и Нојколн, пишува порталот ТРТ Ворлд.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.