Свет
Маж со наполнет пиштол успеал да се качи во авион на летот од Барбадос до Мајами

Маж со наполнет пиштол во џебот успеал да се качи во авион на летот од Барбадос до Мајами, Флорида, објавија американските медиуми.
Патникот имал оружје во кое имало пет куршуми за време на целиот лет, кој траел четири часа, наведува NBC6.
На аеродромот во Мајами, Агенцијата за безбедност на сообраќајот на САД, го пронашла пиштолот меѓу личните работи а патникот.
Според NBC6, патникот и признал на американската полиција дека имал оружје кога се качил во Бриџтаун, главниот град на Барбадос. Полицијата го привела, а судијата го обвинил за прикривање оружје, за што може да добие пет години затвор на Флорида.
Патникот изјавил дека не е виновен и дека мора повторно да се појави на суд во средината на декември. Премиерката на Барбадос, Миа Мотли, во петокот рече дека побарала „итен извештај“ за настанот, ветувајќи дека лицето или лицата кои дозволиле инцидентот да се случи ќе одговараат.
„Последиците за нашата земја се тешки и огромни“, додаде таа. Ова е голем пропуст за Соединетите држави, кои се обидуваат да ја обезбедат својата граница што е можно повеќе, особено на аеродромите, по нападите на 11 септември 2001 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Планирале државен удар во Германија: под истрага неколку лица

Сојузниот јавен обвинител во Германија започна истрага против неколку лица под сомнение дека се членови на терористичка организација и дека подготвувале сериозно кривично дело насочено против уставниот поредок, соопшти денес Сојузното обвинителство.
Како што е наведено, осомничените планирале насилно соборување на германската држава и воспоставување сопствен државен систем.
Групата е поврзана со таканаречените „Рајхсбургери“ околу принцот Хајнрих XIII, чии водечки членови беа уапсени во декември 2022 година.
Како дел од истрагата, идентификувани се нови осомничени кои наводно ја поддржувале групата или учествувале во подготвителни активности, соопшти баварската полиција.
Поради ова, баварската криминалистичка полиција, под надзор на Обвинителството во Минхен, започна истрага против шест лица.
Денес, во раните утрински часови, беа извршени претреси на осум локации, четири во Баварија, три во Саксонија и една во Тирингија.
Осомничените се пет мажи и една жена, на возраст меѓу 40 и 61 година, прецизираше полицијата.
Обвинителството соопшти дека, поради тековната истрага, во моментов не може да даде дополнителни информации и нагласи дека осомничените се сметаат за невини.
Свет
Кремљ: Договорено место за средба меѓу Трамп и Путин

Местото на средбата меѓу Путин и Трамп е договорено и ќе биде објавено малку подоцна, изјави Јуриј Ушаков, помошник на претседателот на Русија, пренесуваат медиумите во регионот.
„На предлог на американската страна, во принцип беше договорено во наредните денови да се одржи билатерална средба на највисоко ниво, односно средба меѓу претседателот Владимир Путин и Доналд Путин“, рече дипломатот.
„Сега, заедно со нашите американски колеги, почнуваме да работиме на конкретни прашања“, додаде Ушаков.
Свет
„Политико“: Хакиран американскиот судски систем, компромитирани доверливи податоци

Електронскиот систем за поднесување судски предмети на федералното судство на САД беше цел на голем кибер напад, за кој се сомнева дека довел до компромитирање на доверливи податоци во неколку федерални држави, пренесува „Политико од извори запознаени со инцидентот.
Нападот, кој досега не беше објавен, би можел да го загрози идентитетот на доверливи сведоци и соработници во кривични постапки пред неколку федерални судови, според истите извори, кои зборуваа под услов на анонимност, пишува медиумот.
Според нив, Канцеларијата за управување со судовите на САД (AOUSC) прво го утврди обемот на безбедносниот инцидент на почетокот на јули, но сè уште се обидува да го утврди целосниот обем на штетата во соработка со Министерството за правда и локалните судови.
Фото: принтскрин