Европа
Макрон: Брегзитот е симбол на кризата во Европа

Францускиот претседател, Емануел Макрон, во писмото упатено до граѓаните на Европа ја открива својата визија за Европа и за проектите зад кои сака да застане, непосредно пред изборите за Европскиот парламент.
„Никогаш од Втората светска војна досега Европа не била толку неопходна. А сепак, Европа никогаш не била толку во опасност. Брегзитот е симбол за тоа. Симбол на кризата во Европа, која не можеше да ги задоволи потребите за заштита на луѓето наспроти големите удари што ги задаваше современиот свет. Симбол е, исто така, на европската стапица. Но, стапицата не е во припадноста кон Европската Унија; таа е во лагата и во неодговорноста што може да ја уништат. Дали некој им ја кажа на Британците вистината за нивната иднина по брегзитот? Дали некој им спомена губење на пристапот до европскиот пазар? Дали некој зборуваше за ризиците по мирот во Ирска со враќање на границата од минатото? Националистичкото повлекување не нуди ништо; само безидејно отфрлање. Таа стапица е закана за цела Европа: тие што се служат со гневот, поддржани од лажните информации, ветуваат сè и сешто“, пишува Макрон.
Според него, заснована врз внатрешното помирување, Европската Унија заборави да гледа кон реалноста во светот.
„Но, ниту една заедница не создава чувство на припадност ако нема граници што ги штити. Границата значи да се биде слободен во безбеден простор. Мора повторно да воведеме ред во Шенген-зоната: сите оние кои сакаат да учествуваат мора да ги исполнат обврските за одговорност (строга контрола на границите) и солидарност (иста политика на азил, исти правила на прием и одбивање). Заедничка гранична полиција и канцеларија за европски азил, задолжителна строга контрола, европска солидарност кон која секоја земја ќе придонесува, под надлежност на Европски совет за внатрешна безбедност: соочени со миграциите, верувам во Европа која ги штити и своите вредности и сопствените граници. Истите барања мора да се однесуваат и на одбраната. Значителен напредок е направен во текот на последните две години, но мора да поставиме јасен курс: да склучиме одбранбен и безбедносен договор кој ќе ги дефинира нашите неопходни обврски, заедно со НАТО и нашите европски сојузници: да се зголеми прагот на воените трошоци, да се воведе клаузула за заемна оперативна одбрана, да се воспостави Европски совет за безбедност кој го вклучува Обединетото Кралство за да ги подготвиме нашите колективни одлуки“, пишува Макрон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украинците нападнаа фабрика на рускиот хемиски гигант на 1.700 километри од фронтовската линија

Украинските беспилотни летала синоќа ја нападнаа хемиската фабрика „Азот“ во рускиот Пермски регион, на повеќе од 1.700 километри од украинската граница, потврди регионалниот гувернер Дмитриј Махоњин, објави „Киев Индепендент“.
💥Russian "Uralchem Azot" plant in Berezniki, Perm Krai, was hit — around 1,600km from the frontline, one of the longest-range strikes so far. It’s among Russia’s biggest fertilizer producers, making ammonia, urea and ammonium nitrate.
These chemicals also serve in explosives… pic.twitter.com/33hqqUYZzi
— Special Kherson Cat 🐈🇺🇦 (@bayraktar_1love) October 2, 2025
Нападот привремено го запре производството во фабриката, која е меѓу најголемите руски производители на азотни ѓубрива, но е и клучен снабдувач на хемикалии што се користат во земјоделството и експлозиви.
Фабриката „Азот“, која се наоѓа на границата помеѓу европскиот и азискиот дел на Русија, произведува амонијак, уреа, амониум нитрат и други хемиски соединенија. Минатата година, компанијата пријави рекордно производство од повеќе од 2,3 милиони тони производи.
Ukrainian drones reportedly struck the Azot chemical plant in Berezniki, Perm Krai overnight. A short disruption to production was confirmed by local authorities. Explosions were heard near the facility, which stores ammonium nitrate. https://t.co/LXcOQYPwpJ pic.twitter.com/3tBuy6Pq46
— WarTranslated (@wartranslated) October 3, 2025
„Според најновите информации, нападот со непријателски беспилотни летала бил извршен ноќе… Имало краток застој во технолошкиот циклус во ‘Азот’“, изјави гувернерот Махоњин.
„Специјалистите за итни служби продолжуваат да работат на местото на настанот, а формиран е и оперативен штаб“.
фото: принтскрин
Европа
Путин се сретна со Додик

Рускиот претседател Владимир Путин се сретна со Милорад Додик на маргините на 22-от годишен форум на Меѓународниот дебатен клуб Валдај во Сочи. За време на состанокот, Путин ја опиша ситуацијата во Република Српска како сложена.
„Многу ми е драго што повторно се сретнав со вас, овој пат во Дебатниот клуб Валдај во Сочи. Неодамна, на 15 септември, го прославивте Денот на српското единство. Би сакал да ви честитам. Знам дека ситуацијата во вашата земја е исклучително тешка. Дури може да се каже дека е сложена“, рече Путин, додавајќи дека сака да ја чуе оценката на Додик.
Во исто време, рускиот лидер нагласи дека неговиот соговорник прави многу за градењето односи со Русија. Пред оваа средба, Путин зборуваше на форумот на дебатниот клуб, а Додик беше почесен гостин.
Додик беше осуден на една година затвор и шестгодишна забрана за политичка активност од страна на Судот на Босна и Херцеговина, по што Централната изборна комисија му го одзеде мандатот како претседател на РС. Предвремените избори за негов наследник ќе се одржат на 23 ноември.
Европа
Прекинат воздушниот сообраќај на аеродромот во Минхен, забележани се дронови

Воздушниот сообраќај беше прекинат преку ноќ на аеродромот во Минхен поради прелет на дрон, чие потекло се истражува, изјави портпарол на германската полиција за АФП, откако неколку европски земји пријавија воздушни упади што ѝ се припишуваат на Русија.
Според соопштението на аеродромските власти, 17 летови што требало да тргнат од Минхен беа откажани таа вечер, што влијаеше на речиси 3.000 патници. Сè уште не е познато кога летовите ќе бидат обновени.
Петнаесет летови што требаше да слетаат во Минхен беа пренасочени и кон Штутгарт, Нирнберг, Виена или Франкфурт.
Во четврток околу 21:30 часот, неколку лица забележаа дронови во близина на аеродромот, потврди портпаролот на полицијата.
Баварските власти започнаа истрага за да ги идентификуваат дроновите и нивното потекло.
Потоа дроновите повторно беа забележани, овој пат над аеродромската област, што доведе до затворање на обете писти околу 20:30 часот.
И покрај интервенцијата на полициските хеликоптери, „нема достапни информации за видот и бројот на дроновите“ или нивното потекло, изјави портпаролот.
Инцидентот се случил пред последниот викенд од Октоберфест, кој привлекува стотици илјади луѓе во Минхен секој ден.
Фестивалот на пивото во баварскиот град беше затворен половина ден во среда поради закана со бомба.
фото: принтскрин