Европа
Макрон го смени амбасадорот во Унгарија зашто го фалел Орбан
Францускиот претседател, Емануел Макрон, за време на викендот го сменил амбасадорот на земјата во Унгарија, Ерик Фурније, откако во јавноста се проширија информации за доверлив меморандум во кој Фурније ја пофалил мигрантската политика на премиерот Виктор Орбан.
Во декретот објавен во службен весник се наведува дека Паскал Андреани е именуван за нов амбасадор на Франција во Будимпешта, пренесува „Ројтерс“.
Во доверливиот меморандум, кој датира од 18 јуни адресиран на канцеларијата на Макрон, Фурније навел дека Унгарија го претставила моделот за решавање на прашањето со мигрантите, а дека обвинувањата за популизам против Орбан се медиумски измислици.
Поранешниот амбасадор, исто така, напишал дека француските медиуми, обвинувајќи ја Унгарија за антисемитизам, се обидуваат да го тргнат вниманието од вистинскиот антисемитизам, кој доаѓа од муслиманите во Франција и Германија.
Макрон рекол дека не ги дели ставовите со амбасадорот Фурније и дека доверливиот документ не претставува официјална политика на Франција, објави сајтот што се занимава со истражувачко новинарство „Медиапарат“.
„Доколку амбасадорот ова го кажел јавно, веднаш би бил отпуштен“, рекол Макрон во петокот, на конференција за медиуми во Брисел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Пожар зафати хотел во ски-центар во Турција, најмалку шест мртви
Во пожар во хотел во ски-центар во северозападна Турција загинаа шест лица, а 31 беа повредени, јави државната телевизија ТРТ.
Пожарот избувна на четвртиот кат од хотел со 11 ката во ски-центарот Карталкаја во Болу рано наутро во вторникот, а пожарникарите се уште работат на гаснење, изјави за ТРТ гувернерот на Болу, Абдулазиз Ајдин.
#BREAKING At least 234 guests at Grand Kartal Hotel in Kartalkaya in Bolu, Turkey where fire broke out, governor says. At least 10 dead, 32 injured. #Bolu #Kartalkaya #Turkiye #Fire pic.twitter.com/DIZWM1u8EB
— 𝐉𝐨𝐮𝐫𝐧𝐚𝐥𝐢𝐬𝐭 (@HamdiCelikbas) January 21, 2025
Тој рече дека причината за пожарот не е позната, но дека властите ќе истражат, додавајќи дека пожарот започнал на подот од ресторанот. Во хотелот имало 234 гости, додаде гувернерот.
Европа
Папата го критикува планот на Трамп: „Срамота“
Папата Франциско ја критикува најавата на новоизбраниот американски претседател Доналд Трамп дека ќе почне построго спроведување на антиимиграциските мерки, вклучително и депортации, по преземањето на функцијата.
Во интервју за италијанската телевизија „Канал 9“, папата рече дека би било срамота доколку Трамп продолжи со најавениот план, објави „Ројтерс“ во понеделникот додавајќи дека користењето остри зборови е невообичаен начин на комуникација за поглаварот на Католичката црква.
Франциско, духовниот водач на 1,4 милијарда католици, обично внимателно ги избира зборовите кога зборува за политички прашања.
Тој смета дека со овој план „мигрантите, кои немаат ништо, ќе ја платат неплатената сметка“.
„Тоа не функционира. Така не го решавате проблемот“, рече папата.
Европа
Се судрија два брода на реката Елба, 11 повредени
Единаесет лица се повредени кога транспортен брод се судри со траект на реката Елба во северниот германски пристаништен град Хамбург, соопштија денеска пожарникарите.
Едно лице добило повреди опасни за животот, изјави портпаролот во близина на местото на несреќата. Бродовите се судрија рано утрото во близина на мостот „Колбранд“ во југозападниот дел на Хамбург.
Причините за несреќата сè уште не се познати.