Свет
Макрон повика на зголемен притисок врз Москва за да се стави крај на војната во Украина

Францускиот претседател Емануел Макрон денеска повика на зголемен притисок врз Москва за да се стави крај на војната во Украина, по самитот меѓу американскиот претседател Доналд Трамп и рускиот лидер Владимир Путин во Анкориџ, Алјаска.
Во објава на социјалната мрежа Х, Макрон истакна дека заедно со европските колеги смета оти е неопходно да се одржи притисок врз Русија сè додека нејзината инвазија врз Украина не заврши и не се постигне траен мир што ги почитува правата на Украина.
Тој нагласи дека цврстиот мир мора да биде проследен со непоколебливи безбедносни гаранции.
„Ja поздравувам подготвеноста на СAD да придонесат во овој процес“, напиша Макрон, додавајќи дека за конкретен напредок е потребна нова средба на „Коалицијата на podgotvenite“, алијанса од околу 30 земји предводена од Велика Британија и Франција, која ја поддржува Украина.
Макрон, исто така, повика на извлекување поуки од последните 30 години, особено од „ добро познатата тенденција на Русија да не ги почитува своите обврски“.
Разговорите во Анкориџ меѓу Трамп и Путин беа опишани како продуктивни, но не беа објавени конкретни резултати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Фицо таен гласник на Москва? По посетата на Кина, на средба со Зеленски

Претседателот на Украина, Володимир Зеленски, изјави дека за време на неговата денешна посета на западноукраинскиот град Ужгород, имал „значајни“ разговори со словачкиот премиер Роберт Фицо.
„Важно е да го имаме овој дијалог. Ќе го продолжиме“, истакна Зеленски, објави Укринформ.
Како што објави TASR, Фицо денес се сретнал во Ужгород со Зеленски, а енергетската инфраструктура била една од главните теми што ги разговарале. Ова е негова прва билатерална средба со Зеленски во Украина.
Фицо се сретнал со Зеленски веднаш по неговото враќање од Кина, каде што во вторникот имал билатерални разговори со рускиот претседател Владимир Путин.
По средбата со Путин, Фицо најави дека ќе го покрене прашањето за украинските напади врз нафтената инфраструктура со Зеленски.
Фото: принтскрин
Свет
Абделати: Египет нема да толерира раселување на Палестинците и геноцид

Египет нема да толерира масовно раселување на Палестинците и геноцид, изјави египетскиот министер за надворешни работи Бадр Абделати.
„Раселувањето не е опција и е црвена линија за Египет и ние нема да дозволиме тоа да се случи“, изјави Абделати за новинарите во Никозија.
„Раселувањето значи ликвидација и крај на палестинската кауза и нема правна, морална или етичка основа за иселување на луѓето од нивната татковина“, додаде тој, според Ројтерс.
Повторувајќи го тврдењето на египетското раководство дека во Газа се врши геноцид, тој рече дека ситуацијата таму е незамислива.
„Таму се случува геноцид, масовно убивање на цивили, вештачко гладување создадено од Израелците“, рече Абделати.
Израелските власти не одговорија на барањето за коментар. Сепак, Израел претходно секогаш ги негираше ваквите обвинувања и тврдења дека сите негови дејствија се оправдани и дека тоа е самоодбрана.
Фото: принтскрин
Свет
Вицепремиерката на Велика Британија поднесе оставка поради даночно затајување

Вицепремиерката на Велика Британија, Ангела Рејнер, денес поднесе оставка откако призна дека платила помалку данок на својот нов дом.
Рејнер е осмиот висок функционер кој ја напушта владата на Стармер. Премиерот на Лабуристите претходно ѝ даде целосна поддршка кога беше обвинета дека намерно избегнува плаќање на целосен данок.
„Длабоко жалам за мојата одлука да не барам понатамошни даночни совети. Преземам целосна одговорност за оваа грешка“, напиша 45-годишната жена во писмо до својот шеф.
Стармер одговори дека жали што нејзиниот мандат завршил на овој начин, но дека донела правилна одлука. Британскиот премиер беше потресен од анкетите за популарност во кои неговата партија беше значително надмината од антиимигрантското движење „Реформа на Велика Британија“ на Најџел Фараж и од појавата на нова партија основана од поранешниот лидер на Лабуристите, Џереми Корбин, и поранешната пратеничка на Лабуристите, Зара Султана.
Во време кога Лабуристичката партија беше критикувана дека премногу се оддалечила од своите левичарски корени, загубата на Рејнер е особено штетна бидејќи таа беше политичарка од работничката класа која, како таква, беше посредник помеѓу левиот и центристичкиот дел од партијата, според анализите во написите.
Некои аналитичари веруваа дека таа е потенцијален наследник на Стармер.
Рејнер основа фонд за еден од нејзините синови со попреченост, а потоа го продаде својот удел во семејната куќа на северот од Англија на фондот за да купи стан, верувајќи дека нема да мора да плаќа повисока даночна стапка при купување на друг имот.
Фото: принтскрин