Свет
Малтешкиот бизнисмен обвинет за соучешништво во убиството на новинарката

Познатиот бизнисмен од Малта, Јирген Фенех е обвинет за соучешништво во убиството на истражувачката новинарка Дафне Каруана Галиција во 2017 година.
Тој се изјасни дека е невин во судот во Валета, пред роднините на убиената новинарка. Бизнисменот повеќепати е сослушуван во врска со убиството, откако се обиде да го напушти островот со неговата јахта на 20 ноември, и побара помилување во замена за давање информации, но неговото барање беше одбиено.
Малтешките медиуми тврдат дека бил запознаен со Мелвин Тема, таксист поврзан со криминални претпријатија, кои во локалните медиуми се опишани како потенцијален „посредник“ во убиството.
Истрагата за смртта на Галиција ја разниша владата на Малта. Премиерот Џосеф Мускат е под голем притисок да поднесе оставка. Неговиот шеф на кабинет, Кит Шембри поднесе оставка минатата недела, откако беше сослушан од страна на полицијата. И министоите за туризам и економија, Конрад Мици и Крис Кардона поднесоа оставки од функциите.
Тројца осомничени чекаат судење за убиството на новинарката, а полицијата сега е фокусирана на тоа кој го нарачал убиството и зошто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.