Свет
Маорите бараат промена на името на државата Нов Зеланд

Народната партија на староседелците Маори во Нов Зеланд поведе петиција за промена на официјалното име на земјата во Аотеароа, што е името на автохтониот јазик во земјата.
Лидерите на партијата што ги застапуваат интересите на народот Маори – Равири Ваитити и Деби Нгарева-Пакер, изјавија дека оваа партија сака да го усогласи името на земјата со јазикот те рео маори, кој е јазик на овој домороден народ, пишува „Гардијан“.
„Одамна помина времето те рео маори да се врати на вистинското место како прв и официјален јазик на оваа земја. Ние сме полинезиска земја – ние сме Аотеароа. Тоа е име што ќе ја обедини нашата земја. Други се обидуваат да се искористи оваа тема за поделби. Нов Зеланд е холандско име“, велат Маорите.
Покрај барањето за промена на името на земјата, петицијата исто така ја повикува владата на Нов Зеланд да ги врати оригиналните имиња за сите места и градови на јазикот те рео маори до 2026 година.
„Нашите луѓе се болни од смрт бидејќи имињата на нашите предци се осакатени и запоставени. Ова е 21 век и тоа мора да се промени. Обврска на владата е да стори сѐ што може за да го врати полноправниот статус на нашиот јазик. Тоа значи дека ќе мора да биде достапен на телевизија, радио, на патоказите и во образовниот систем“, се вели во петицијата.
Минатата година премиерката на Нов Зеланд, Џacинда Ардерн, се осврна на официјалната промена на името на земјата и изјави дека тоа не е опција што се разгледува, но дека ѝ е драго што сѐ почесто го слуша името Аотеароа во јавност.
Петицијата за промена на името на државата доаѓа 49 години по иницирање на барањата за вклучување на маорскиот јазик во официјалната комуникација на Нов Зеланд, што на крајот вроди со плод така што јазикот официјално беше вклучен како официјален јазик во земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Аракчи: Иран не е подготвен за директни преговори со САД

Иранскиот министер за надворешни работи, Абас Аракчи, денес изјави дека директните разговори со САД за нуклеарниот договор во моментов не се можни поради санкциите и политиката на максимален притисок што ја води Вашингтон.
„Во овој момент, ќе водиме само индиректни преговори. Очигледно, поради заканите испратени од американската влада и економските санкции, како и политиката на максимален притисок врз нас, не можеме да водиме директни преговори со нив. Но, дипломатскиот пат е отворен, индиректните преговори не се нешто комплицирано или изненадувачко, можно е да се постигнат договори“, рече Аракчи по разговорот со неговиот руски колега Сергеј Лавров, пренесува РИА Новости.
Според него, Техеран верува дека е можно да се постигне договор за иранската нуклеарна програма, но нереалните барања на САД ја намалуваат веројатноста за постигнување договор.
„Утре, многу сериозно и доброволно ќе учествуваме во преговорите за наоѓање решение за мирнодопската нуклеарна програма на Иран. Барањата на САД, кои се нереални, само ќе ја намалат можноста за постигнување договор“, рече Аракчи.
Тој претходно потврди дека утре ќе го посети Рим, каде што ќе учествува на втората рунда индиректни преговори меѓу Иран и САД, чиј домаќин е владата на Оман.
На 12 април, во главниот град на Оман, се одржаа индиректни разговори меѓу претставникот на американскиот претседател за Блискиот Исток, Стив Виткоф, и иранскиот министер за надворешни работи, Абас Аракчи.
Според специјалниот пратеник на американскиот лидер, разговорите биле „позитивни и конструктивни“.
Аракчи, исто така, ја опиша атмосферата на овие разговори како „конструктивна и мирна“, му се заблагодари на министерот за надворешни работи на Оман, Бадр ал-Бусаиди, за неговите напори во размената на мислења меѓу иранската и американската делегација и најави дека втората рунда преговори со САД ќе се одржи на 19 април, пренесува Танјуг.
Свет
Автомобил завршил во тераса на ресторан: жена предизвикала несреќа во шпанско одморалиште, има загинати и повредени

Две лица загинаа, а три се тешко повредени во несреќа што се случи во четвртокот вечерта на морскиот брег во градот Фуенхирола во Малага, откако автомобил удрил во столб, а потоа со голема брзина излетал од патот и удрил во терасата на еден ресторан.
По несреќата, уапсена е 45-годишна Иранка која го управувала возилото без возачка дозвола и била позитивна на алкохол, објавува шпанскиот портал „Диарио Сур“.
Според објавата на Градскиот совет на Коста дел Сол на социјалните мрежи, во несреќата загинале 47-годишна жена, која била патничка во автомобилот вклучен во несреќата, и 25-годишен пешак.
Покрај тоа, уште три лица беа „сериозно повредени“ и им беше укажана итна медицинска помош.
Локалната полиција на Фуенхирола започна истрага за да ги разјасни причините за несреќата. На местото на настанот беа испратени националната полиција и пожарникарите.
Свет
Најмалку 82 лица ранети во рускиот ракетен напад врз Харков: меѓу нив шест деца

Украинската државна служба за вонредни ситуации објави дека бројот на повредени во утринскиот руски ракетен напад врз Харков се зголемил на 82, вклучувајќи шест деца, додека едно лице е убиено, пренесува Укринформ.
Градоначалникот на тој украински град, Игор Терехов, претходно напиша на Телеграм дека 54 лица се ранети во рускиот ракетен напад врз Харков утрово, а дека подоцна тој број се зголемил на 74, додека едно лице е убиено.
Исто така, порано денес, Олех Сињехубов, кој раководи со Харковската регионална воена администрација, објави дека 13 лица, меѓу кои и две деца, се хоспитализирани по нападот, објави Укринформ.
Според него, четворица од хоспитализираните се во сериозна здравствена состојба.
Ракетниот напад го погодил густо населениот округ Основјан во Харков, според украинската агенција.