Свет
Масовен напад врз Американците и Британците во Црвеното Море: „Оваа ситуација е неодржлива“
Американските и британските поморски сили уништија 21 беспилотно летало и проектил истрелани од проиранските Хути од територијата на Јемен во јужниот дел на Црвеното Море, потврдија САД, а Британија навести и други мерки насочени кон заштита на меѓународните водни патишта, велејќи дека не треба да се дозволи продолжување на нападот.
Британскиот министер за одбрана Грант Шапс изјави дека ова е најголемиот напад на јеменските милитанти откако пред три месеци избувна војната меѓу Израел и Хамас во Газа и се прелева и во други делови на Блискиот Исток.
„Оваа ситуација е неодржлива“, им рече Шапс на новинарите, додавајќи дека „ќе го надгледува тој простор“ имајќи ги предвид можните понатамошни дејствија од Британија и нејзините меѓународни партнери.
„Тоа не може да продолжи и не смееме да дозволиме да продолжи“, рече Шапс за нападите на проиранската милитантна група.
Од 19 ноември, тоа беше 26-ти напад на Хутите врз комерцијалните бродски линии.
Воениот портпарол на Хутите, Јахја Сари, рече дека милитантите истрелале голем број балистички и поморски ракети и беспилотни летала врз американскиот брод поради „поддршката“ за Израел.
Тој, исто така, рече дека нападот е „прелиминарен одговор“ на нападот на американските сили врз бродовите на Хутите во неделата, во кој загинаа десет членови на групата.
Хутите, кои контролираат голем дел од Јемен, ги напаѓаат бродските рути во Црвеното Море во знак на поддршка за Хамас, палестинското исламистичко движење.
Германското Министерство за надворешни работи соопшти дека станува збор за „јасна ескалација“.
Нападите сериозно ја нарушија меѓународната трговија на една од клучните рути меѓу Европа и Азија, која носи околу 15 отсто од светскиот бродски сообраќај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Двајца скијачи загинаа во лавина во САД, третиот успеал да се ископа од снегот
Откако вчера започна лавина во планините покрај Солт Лејк Сити, Јута, двајца скијачи загинаа, додека властите успеаја да спасат трет со хеликоптер.
Несреќата се случила во близина на Лон Пик, каде неодамна паднаа над 76 сантиметри снег. Центарот за лавина во Јута (UAC) ја потврди смртта на двајца мажи. Спасувачите досега не можеа да стигнат до нивните тела поради небезбедни услови. Центарот наведува дека фаталните лавини се ретки во овој период од годината.
Спасувачите со хеликоптер стигнале на местото на несреќата во кањонот Литл Котонвуд и потврдиле дека двајца скијачи загинале, пишува Би-би-си.
Третиот скијач успеал да се ископа од лавината и бил пренесен во болница. Имињата на загинатите мажи се уште не се објавени, но станува збор за скијачи на возраст од 23 и 32 години. Едниот бил од Јута, додека другиот пристигнал да скија од друга американска држава.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.
Свет
Германски министер: И Берлин размислува за забрана за испраќање оружје во Израел
Германскиот министер за одбрана, Борис Писториус, рече дека Берлин размислува за слични чекори по американската закана дека ќе запрат дополнителни испораки на оружје за Израел доколку извршат голем напад врз градот Рафа во јужниот дел на Газа.
„За ова во моментов се разговара“, изјави министерот за германскиот медиум ЗДФ во четвртокот навечер. Сепак, одговорноста за тоа е на канцеларката и на Министерството за надворешни работи, додаде тој.
За тоа зборуваа „зад затворени врати“. На прашањето дали го разбира потегот на американската влада, Писториус рече: „Да, можам да го разберам тоа“.
Израелските операции во Рафа во моментов се главно ограничени на источниот дел на градот, каде на почетокот на неделата беше издадена наредба за евакуација.
САД се главниот поддржувач на Израел, но претседателот Џо Бајден се закани дека дополнително ќе ги прекине испораките доколку премиерот Бенјамин Нетанјаху започне голема офанзива. Израел вели дека целта на операцијата Рафа е да се елиминира палестинската екстремистичка организација Хамас.