Свет
Махмуд Абас ќе објави откажување на палестинските избори
Претседателот на Палестинската Самоуправа (ПС), Махмуд Абас, е подготвен да објави откажување на палестинските избори под изговор дека Израел одбива да им дозволи на ерусалимците да гласаат, објавија локални и израелски извори.
Абас е исто така шеф на Палестинската ослободителна организација (ПЛО), како и на движењето Фатах.
Израелското армиско радио извести дека ПС ги информирала претставниците на меѓународната заедница, Јордан и Египет, за одлуката. Се верува дека палестинското раководство ќе се состане во Рамала в четврток. Според официјалните лица на ПС, Хамас и Исламскиот џихад се поканети да присуствуваат на состанокот на кој Абас треба да го објави откажувањето.
Абас и неколку претставници на Фатах постојано инсистираат на тоа дека нема да има избори, без учество на Палестинците од Ерусалим. Последната пригода беше во понеделникот кога Абас се обрати пред Централниот комитет на Фатах.
Сепак, весникот „Ал-Кудс“ објави дека ПС одлучила да ги откаже изборите под силен американски и арапски притисок. Вашингтон и регионалните земји очигледно веруваат дека резултатите од изборите нема да бидат во корист на Фатах.
Импликацијата е дека САД и регионалните држави стравуваат од нова победа на Хамас. Истите извори додаваат дека САД ја известиле ПС дека ќе воведат неколку мерки пред какви било избори, вклучително и продолжување на помошта за УНРВА, рехабилитација на палестинскиот здравствен систем, повторно отворање на конзулатот на САД во Ерусалим и повторно отворање на канцеларијата на ПЛО во Вашингтон.
„Администрацијата на САД верува дека овие мерки ќе им помогнат на умерените Палестинци да постигнат подобри резултати на изборите“, тврдат експертите.
Критичарите велат дека ова се мамки за да го охрабрат Абас да ги откаже изборите.
Израелски извори велат дека Абас го ангажирал високиот член на Централниот комитет на Фатах, Хусеин ал-Шеик, да го убеди Катар да побара согласност од Хамас за откажување на изборите под изговор на несоодветни услови во регионот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) „Целата беше помодрена од студот“: мајка и ќерка ја опишуваат борбата за живот во поплавите во БиХ
Лејла Залихиќ, жителка на Бутуровиќ поле, е една од оние кои ги преживеаја драматичните поплави во Босна и Херцеговина. Приказната за борбата за нејзиниот и животот на нејзината ќерка Асја ја замрзнува крвта во вените, пренесува„Ал Џезира“.
Луѓето се спасуваа како што се снаоѓаа. Некој беше качен на покривот на куќата, некој на куполата на џамијата. За тоа најдобро сведочат приказните на самите локални жители, кои не можат да се споредат ниту со најстрашните сценарија на холивудските филмови кога се во прашање природните катастрофи, анализира медиумот.
Borba majke i trinaestogodišnje kćerke u Buturović Polju je herojska. Majka i 13-godišnja kćerka govore o svojoj borbi za život.. pic.twitter.com/aBpfkgZQ1H
— Al Jazeera Balkans (@AJBalkans) October 6, 2024
Според написите, Лејла Залихиќ е мајка херој која скокнала од третиот кат од својата куќа, испливала три километри во пороите и ја спасила својата 13-годишна ќерка за време на катастрофалните поплави кои го зафатија Бутуровиќ поле.
Лејла, нејзината ќерка, сопругот и свекрвата ноќта на катастрофалните поплави завршиле во поплавата, а нивната куќа била уништена.
По страшниот настан Лејла и нејзината ќерка раскажале што им се случило.
„Мене ме однесе водата. Се вртев во круг и така земав во воздух“, се присетува Лејла.
„Слушнав како некој вика, викаше за помош и го викаше моето име. Мислев – нема кој друг да биде, освен мајка ми или баба ми“, раскажува ќерката на Лејла, Асја, а Лејла додава:
„Јас велам: „Асја, ти си тоа? Таа вели: „Јас сум“. Потоа добив сила, се нурнав меѓу дрвјата. Ме удри во глава, но некако стигнав до неа, цела беше помодрена од студот“.
Ќерката на Лејла Асја се присетува како успеала да остане на површината.
„Ставив малку дрва под мене за да не морам да пливам, туку да се одржувам на површината на водата. Во меѓувреме се раздени, па можев да глЕДАМ. Потоа поминавме низ шумата. Дождот удри уште посилно, беше студено, па беше страшно“, опишува таа.
Свет
Орбан: Ќе им ги однесеме мигрантите во Брисел и ќе им ги оставиме пред канцелариите на ЕУ
Унгарскиот премиер Виктор Орбан изјави дека доколку продолжи илегалната миграција во Европа, тој ќе ги однесе мигрантите во Брисел и ќе ги остави пред канцелариите на ЕУ.
Ќе ги однесеме мигрантите од Будимпешта во Брисел и ќе им ги оставиме пред канцелариите во Брисел.
Неговите зборови беа придружени со громогласен аплауз од членовите на таа партија, со извици „Орбан, Орбан, Орбан“, пренесе АНСА.
„Не верувајте дека тоа е невозможно, ние сме жив пример“, додаде Орбан, потсетувајќи дека „во Унгарија бројот на мигранти е нула“, бидејќи, како што наведе, неговата земја „не ја предава својата држава на други”.
Според него, унгарските власти не дозволуваат влез на илегални мигранти во земјата.
„Ќе ги браниме границите. Оние кои сакаат да влезат мора да чекаат дозвола и тоа мора да го сторат надвор од нашите граници“, рече Орбан, пренесува Танјуг.
Кога станува збор за социјалната политика, „во Унгарија – таткото е маж, а мајката е жена, а тоа ќе остане така дури и ако меѓународната левица е против тоа“, нагласи тој.
„Денес Унгарија е најбезбедната земја во Европа“, заклучи Орбан.
Регион
Во поплавите во Босна загина поранешен фудбалер, го пронашле гушнат со сопругата
Меѓу жртвите во поплавите во Босна и Херцеговина е и еден поранешен фудбалер – Јасмин Чилиќ кој до пред извесно време настапувал за нисколигашот Клис од Бутуровиќ Поле.
Неговото безживотно тело било пронајдено во прегратка со сопругата, која исто така го загубила животот.
„ФК Клис изразува сочувство до семејствата, пријателите и познаниците на сите жртви. Во Бутуровиќ Поље меѓу жртвите и исчезнатите има наши долгогодишни навивачи, додека поплавата во Јабланица му стави крај на животот на поранешниот фудбалер на ФК Клис, Јасмин Чилиќ“, се вели во објавата на овој босански клуб.
Најмалку 20 лица загинаа во поплавите што деновиве ја погодија БиХ. Најпогодени беа Јабланица, Коњиќ, Кисељак, Крешево и Фојница, а беа прогласени денови на жалост и сите спортски настани во оваа земја минатиот викенд беа одложени.