Свет
Половина Американци сметаат дека Камала Харис е неквалификувана за претседател
Половина од гласачите во САД, вклучително и 60 отсто од независните, сметаат дека потпретседателката Камала Харис не е квалификувана да ја преземе улогата претседател – вознемирувачка статистика од анкетите со оглед на тоа што многу Американци не очекуваат Џо Бајден да го отслужи целиот мандат, пренесува РТ.
Анкетата на „Расмусен репортс“ објавена во понеделникот покажа дека 41 отсто од американските гласачи ја сметаат Харис за „воопшто неквалификувана“ за преземање на одговорностите на претседателството, а 9 отсо сметаат дека таа „не е многу квалификувана“. Истражувачката фирма ги заснова своите информации врз основа на истражување спроведено кај 1.000 веројатно гласачи.
"How qualified is Kamala Harris to assume the responsibilities of the presidency?"
1000 National Likely Voters
Not Very(NV) + Not At All(NAA) = Not Qualified
Democrats: NV 5% + NAA 13% = 18%
Unaffiliated: 12% + 48% = 60% ?
Republicans: 10% + 64% = 74%
All Voters: 9% + 41% = 50% https://t.co/Twf6RYTdMh— Rasmussen Reports (@Rasmussen_Poll) April 26, 2021
Негативните мислења за подготвеноста на Харис за позицијата претседател се особено силни кај републиканците, од кои 74 отсто ја сметаат за неквалификувана. Но, независните исто така немаат доверба во потпретседателката, па 48 отсто од испитаниците велат дека таа „воопшто не е квалификувана“, а 12 отсо ја сметаат за „не многу квалификувана“.
Меѓу демократите, само 18 отсто сметаат дека Харис е неквалификувана, вклучително и 15 отсто што велат дека таа „воопшто не е квалификувана“. Харис слабо се претстави на прелиминарните избори за претседател кај демократите во 2020 година, дури и во својата родна Калифорнија, и покрај тоа што беше еден од најомилените кандидати на мејнстрим-медиумите.
Анкетата на „Расмусен“, спроведена на 19-20 април, покажа дека 46 отсто од гласачитете гледаат поволно на Харис во споредба со 51 отсто што имаат неповолно мислење за потпретседателката, вклучително и 43 отсто што го опишаа својот став како „многу неповолен“.
Истражувањето за подготвеноста на Харис за улогата на претседател е особено релевантно затоа што многу Американци сметаат дека Бајден не е физички и психички способен да го заврши својот четиригодишен мандат.
Анкетата на „Расмусен“ минатиот август покажа дека 59 отсто од гласачите, вклучително и 49 отсто од демократите, не очекувата дека Бајден ќе го одработи целиот мандат ако биде избран во ноември. Анкетата на „Расмусен“ од март покажа дека Американците се еднакво поделени за тоа дали Бајден е моментно одговорен носејќи ги важните секојдневни одлуки на својот кабинет.
И покрај тоа што е најстариот претседател што стапи на должност и прашањата што беа иницирани за неговата подготвеност, 78-годишниот Бајден изјави во март дека очекува реизбор во 2024 година. Вториот мандат на Бајден би траел до 2028 година кога тој би наполнил 86 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.