Свет
Мајка од Австрија го мачела 12-годишниот син – го чувала во кафез и го изгладнувала

Австриската полиција соопшти дека осомничила 32-годишна жена за обид за убиство.
Жената во ноември беше приведена поради тортура врз нејзиниот 12-годишен син.
Го затворила во кафез, го чувала на температури под нулата и го изгладнувала и го полевала со студена вода, а животот на момчето бил во опасност кога пристигнал во болница.
Случајот предизвика вознемиреност во Австрија откако се појави во јавноста оваа недела, пренесува „АФП“.
Таа била уапсена откога социјален работник се јавил на 911 на 22 ноември. Вработените во Итната помош го пронашле момчето во хипотермична и коматозна состојба. Центарот за социјални работи интервенирал откако наводно биле алармирани од таткото на момчето, кој живее одвоено.
Момчето имало телесна температура од 26,8 степени и било блиску до смртта откако било мачено со месеци, изјави за „АФП“ Јохан Баумшлагер, портпарол на полицијата на провинцијата Долна Австрија.
Момчето итно било пренесено во болница, а мајката била уапсена следниот ден.
„Мајката е осомничена дека врз синот истурала студена вода неколку пати на ден и ги отворала прозорците неколку часа, додека температурите надвор биле под нулата“, рече Баумшлагер.
„Момчето сега физички се опорави, но сè уште е психички скршен“, додаде тој.
Мајката се жалела на повеќемесечниот притвор, но Врховниот суд ја одбил нејзината жалба.
Случајот треба да продолжи до крајот на летото, кога ќе биде донесена одлука за обвинение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.