Свет
Меган Маркл со долг превез со чипка и тиара што ѝ ја позајми кралицата Елизабета
![](https://makfax.com.mk/wp-content/uploads/2018/05/32880564_10215743168829424_4198075144494645248_n.jpg)
Американската актерка Меган Маркл во венчаница на британската дизајнерка Клер Вејт Келер, креативна директорка на „Живанши“, со долг превез со чипка и тиара што ѝ ја позајми кралицата Елизабета Втора се појави во катедралата во Виндзор, каде е во тек свадбената церемонија на кралското семејство. Во црквата Сент Џорџ има голем број гости, меѓу кои и Бекам и неговата сопруга, Амал и Џорџ Клуни, Опра Винфри, Елтон Џон и уште многу други познати.
Младоженец заедно со неговиот брат Вилијам, облечени во кралски униформи први се појавија во црквата. Невестата дојде придружувана од нејзината мајка. По неа пристигнаа и кралицата Елизабета, принцот Чарлс, а потоа и Кејт Мидлтон со децата.
Илјадници луѓе се собраа во англискиот град Виндзор за кралската свадба на британскиот принц Хари и американската актерка Меган Маркл. Околу 600 гости се поканети да присуствуваат на црковната служба, а кралицата Елизабета Втора треба да биде домаќин на приемот во замокот. Хари е помладиот од двајцата синови на Чарлс и покојната принцеза Дијана, неговата прва сопруга.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.