Свет
Медведев: Влезот во ЕУ е само преку НАТО
На Украина сега ќе и биде тешко да влезе во Европската унија без согласност на НАТО како „повисок партнер“ и без членство во оваа алијанса, изјави поранешниот руски претседател, Дмитриј Медведев.
„ Нашиот став им е познат на Украинците: ако постои таква желба, придружете се, би било чест да ни биде понудено членство. Се чини дека и Европејците сега навистина ја сакаат Украина“, рече заменик-претседателот на Советот за безбедност на Руската Федерација.
„ Има само еден проблем: искуството од последните години со Црна Гора и Северна Македонија покажува дека влезот во ЕУ се случува само преку НАТО“, рече Медведев.
Тој потсети дека станува збор за меѓузависни организации, но „во европски рамки, политички коректни, партнери“.
Во исто време, продолжи тој, Вашингтон е „главниот“ во НАТО, а самата алијанса во односите со ЕУ е „постар партнер, позрел, роден во 1949 година, за разлика од сè уште младата, 30-годишна Европска унија.
„ Значи, и Брисел во целина е под команда на Вашингтон, иако Брисел не сака да го признае тоа. И затоа се поставува прашањето: што е со ЕУ без членство во НАТО? Без согласност на „постариот“ партнер и приклучување кон Алијансата? Нема одговор“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Оливер Млакар го прослави својот 89-ти роденден
Хрватскиот телевизиски водител Оливер Млакар вчера го прослави својот 89 роденден.
Роден е во Птуј во 1935 година. Од 1945 до 1953 година живеел во Осиек, во 1954 година дошол во Загреб, каде студирал француски и италијански јазик. Три години откако се преселил во Загреб, се пријавил на аудиција за најавувачи во Радио Загреб и ја добил работата.
По завршувањето на воениот рок, во 1963 година започнал да работи во Телевизија Загреб, каде две години подоцна станал водител на квизот со Јасмина Никиќ. Тој е најпознат по водењето на Квискотека, најпопуларниот хрватски квиз на сите времиња, од 1984 до 1995 година.
Иако се пензионираше во 2002 година, од 2006 до 2007 година беше водител на камбек сезоната на Квискотека на Нова ТВ. И по пензионирањето, тој беше баран на телевизија и на фестивали.
Регион
Маж загина во автомобил во Атина, моторџија пукал осум пати во него
Еден човек е убиен утрово во северните предградија на Атина кога бил застрелан додека бил во автомобил од моторџија, соопшти полицијата.
Од полицијата велат дека трагаат по напаѓачот, пренесе Катимерини.
Според првичните податоци, убиецот бил на мотор и дошол до автомобилот БМВ и пукал во жртвата најмалку осум пати пред да успее да побегне.
Регион
Пожари на грчките острови Крит, Кос и Хиос
Се уште горат три пожари кои избувнаа на грчките острови Крит, Кос и Хиос, иако пожарникарите делумно успеаја да ги локализираат.
Пожар избувна на островот Кос во понеделникот и излезе од контрола бидејќи силните ветрови го шират кон Кардамаина, популарно туристичко одморалиште на источниот брег на островот, пренесува Екатимерини.
Петмина пожарникари се полесно повредени во операциите за гаснење, а околу 10.000 туристи и жители се евакуирани од областа и сместени во училишта, спортски стадиони и хотели во Антимакија, Мастичари и Мармари.