Свет
Медведев за јапонскиот премиер по средбата со Бајден: Стана американски вазал, Јапонците се за сожалување
Јапонскиот премиер Фумио Кишида во заедничка изјава со американскиот претседател Џо Бајден им оддаде почит на стотиците илјади жртви од нуклеарното бомбардирање на Хирошима и Нагасаки, изјави денеска заменик-претседателот на рускиот Совет за безбедност Дмитриј Медведев.
Медведев ја нарече „ужасен срам“ заедничката изјава на Кишида и Бајден дека секоја потенцијална употреба на руското нуклеарно оружје во Украина би била непоправлив непријателски чин против човештвото.
Тој вели дека нема ни да коментира за „паранојата за нуклеарните планови на Русија“.
„ Размислете само за тоа. Шефот на јапонската влада, во својот понижувачки поданички занос, исфрла глупости за Русија, предавајќи го споменот на стотици илјади јапонски граѓани, кои изгореа во нуклеарниот оган на Хирошима и Нагасаки. Кишида не го интересираше тоа што САД се единствената земја што употреби нуклеарно оружје и дека неговата татковина е единствената жртва – напиша Медведев на својот канал „Телеграм“.
Тој изјави дека за тоа јапонскиот премиер треба да го потсети Бајден и да побара покајание што американските власти не го изразија за овој воен чин.
„ Кишида е само сервисен персонал за Американците, а слугите не можат да имаат храброст. Јапонците може само да се сожалуваат. На крајот на краиштата, таков срам може да се измие само со извршување на сепуку веднаш на следната седница на нивната влада, но поимот чест не е својствен за оваа генерација јапонски вазали – рече Медведев.
Сепуку е ритуално самоубиство на припадниците на јапонската класа на воини и благородници, попознати како харакири.
Бајден и Кишида разговараа вчера во Вашингтон, по што издадоа заедничка изјава во која ги споменаа санкциите против Русија и поддршката за Украина и наведоа дека руската потенцијална употреба на нуклеарно оружје во Украина би била неприфатлива.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Видео од моментот на преземање на заложничките од страна на израелската војска
Објавена е снимка на која израелската армија ги презема трите заложнички кои денес ги ослободи Хамас, како дел од договорот за прекин на огнот.
Девојките се пренесени во Израел.
🔴Μια στιγμή που δεν θα ξεχάσουμε ποτέ: Η Emily, η Romi και η Doron μεταφέρονται από τον Ερυθρό Σταυρό στους IDF 🇮🇱🎗️❤️ pic.twitter.com/ndH9UJISJC
— Israel in Greece 🇮🇱🇬🇷 (@IsraelinGreece) January 19, 2025
Објавена е и фотографија од заложничката Емили Дамари. Емили има преврзана рака, но изгледа добро расположена.
Свет
„Би-Би-Си“: Договорот за прекин на огнот во Газа можеби е најкревкиот во историјата на Блискиот Исток
Иако во Газа е постигнат договор за прекин на огнот, Блискиот Исток останува симбол на сложената историја исполнета со конфликти, краткотрајни мировни договори и прекршени договори.
Секој нов договор доаѓа со товар на недоверба и гнев, зацврстувајќи ги позициите на екстремните фракции. Сегашниот договор, сепак, можеби е најкревкиот досега, со Газа во урнатини, а Израел сè уште се оптеретува од последиците од 7-ми октомври.
Премиерот Бенјамин Нетанјаху и неговите десничарски сојузници цврсто ја отфрлаат идејата за палестинска држава, и покрај широкиот консензус дека тоа е единствениот пат кон траен мир. Иако анкетите покажуваат пад на довербата во решението за две држави, повеќе од 60 отсто од Палестинците и израелските Евреи претпочитаат мир и нормализација врз основа на овој модел, наместо продолжување на војната.
Регионалниот контекст дава надеж – регионалните сили покажуваат поголем ангажман, додека САД, под водство на новиот претседател Доналд Трамп, кој очигледно е подготвен да преземе одлучувачки чекори, продолжува да игра клучна улога. Времето ќе покаже дали овој договор може да донесе промени. Историјата учи дека мир можат да постигнат само оние кои учествувале во конфликтот, а прашање е дали овојпат ќе има доволно волја за тоа.
Свет
Израел почна да ослободува 90 палестински затвореници
Израелската затворска служба денеска почна да префрла 90 палестински затвореници во затворот Офер во близина на Рамала на окупираниот Западен Брег според договорот за прекин на огнот, објавија локалните медиуми.
Израелскиот Канал 12 објави дека 78 затвореници ќе бидат ослободени на Западниот Брег, а останатите 12 во Источен Ерусалим.
Тројца израелски заложници од вкупно 33 денеска беа предадени на ИД од Хамас.