Свет
Медведев: Непријателите на Русија ќе се обидат да ја „скршат и потчинат“, но нема да успеат
Заменик-претседателот на рускиот совет за безбедност Дмитриј Медведев денеска изјави дека мотото на Руската Федерација за 2022 година е „нема да ги оставиме нашите сами“.
Тој рече дека Русија „нашироко ги отвори вратите на својата татковина за сите свои браќа и сестри“, пренесува Спутник.
Медведев истакна дека 2022 година беше драматична, но претставуваше и пресвртница, бидејќи Русија „веќе не можеше да го гледа геноцидот што го спроведува украинскиот режим“, пренесува Танјуг.
„За целата наша земја и секој од нас годината беше ужасно тешка и драматична. Не можевме повеќе да гледаме како режимот во Киев пука врз граѓаните на Донбас, гради блокади и негува омраза кон Русија и сè што е руско“, рече Медведев.
Тој додаде дека руските власти секогаш ќе ги штитат правата и слободите на руските граѓани и дека Русија сега стана посилна, „бидејќи сите Руси сега се заедно“.
Медведев заклучи дека непријателите на Русија ќе се обидат да ја „скршат и потчинат“, но дека никој нема да успее во тоа, како и дека „ќе се остварат целите на специјалната воена операција“, пренесе Политика.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

