Младиот човек кој го совлада напаѓачот со нож во Амстердам во саботата е турист, соопшти холандската полиција, но нема детали од која земја е.

Полицијата ја нарече интервенцијата на граѓаните „херојска“. Според De Telegraaf, човекот извршил т.н. граѓанско апсење, кое, според портпаролката на полицијата во Амстердам, е дозволено ако граѓанин е сведок на кривично дело.

A true hero emerged today in Amsterdam when a brave bystander tackled and held down a suspect who had just stabbed five people near Dam Square.

Despite the chaos, this individual restrained the attacker until police arrived, likely preventing more harm. pic.twitter.com/8EahxiID8b

— A3N (@swee52767) March 27, 2025

„Ако фатите осомничен на дело, можете да го задржите додека не пристигне полицијата“, објаснува таа. Според неа, ова не се случува често.

Вчера на социјалните мрежи беше објавено видео кое покажува дека младиот човек го совладува на земја напаѓачот кој избоде пет лица.

Повредените се 67-годишна жена и 69-годишен маж со американско државјанство, 26-годишен маж од полска националност, 73-годишна жена од Белгија и 19-годишна девојка од Амстердам.

Мотивите за нападот сѐ уште не се познати.

Унгарскиот премиер Виктор Орбан денеска изјави дека Брисел се подготвува за војна, иако, како што наведе, во моментов нема закана од војна.

„Нема закана од војна, Унгарија нема да војува со никого. Остануваме на страната на мирот и ако Европа започне војна, ние сигурно нема да влеземе во неа“, рече Орбан на прес-конференција, пренесе МТИ.

Орбан рече дека во моментов не се чини дека Европа има непосредна закана од војна и дека е многу малку веројатно дека некој би нападнал членка на НАТО.

Според него, оние кои се подготвуваат за војна обично го прават тоа за да иницираат некој чин на војна, додавајќи дека во моментов се прават политички подготовки за подлабоко вклучување во конфликтот.

Унгарските семејства, рече Орбан, не треба да преземаат посебни мерки, пренесува Танјуг.

Неколку минути пред да нурне во морето, екипажот на туристичката подморница Синбад им признал на клиентите дека не знаат да пливаат. Овие зборови патниците ги сфатиле како шега додека не почнале да тонат, дознава руски „LIFE“.

Според очевидци, пред да заминат на туристичко патување со подморница, туристите биле однесени со брод на околу километар од брегот. По некое време почнале да се качуваат на „Синдбад“, но подморницата наеднаш почнала да тоне. Во тој момент отворите на подморницата биле отворени, а многу туристи немале време ниту да се симнат до одделот за набљудување.

Како што пишува „LIFE“, тоа им го спасило животот.

На социјалната мрежа Телеграм е објавено видео од моментот кога подморницата почнала да тоне.

Несреќата на туристичката подморница „Синбад“ се случи вчера во египетското летувалиште Хургада, при што загинаа шест лица, од кои две деца. Други 27 туристи се здобиле со повреди со различен степен на сериозност. Сите туристи на подморницата биле од Русија.