Свет
Медицински сестри од САД фотографирани во кеси за ѓубре, немаат заштитна опрема
Медицинскиот персонал во една од болниците во Менхетен се справува со недостиг од заштитна опрема, па медицинските сестри се принудени да носат кеси за ѓубре за да се заштитат од коронавирус, пишуваат медимите во САД.
Дел од медицинските сестри ги обвинија надлежните дека токму од таа причина еден од нивните колеги починал, наведува порталот „ЊЈПост“.
„Болницата го уби и треба да одговара за тоа“, рече една од медицинските сестри.
Друга медицинска сестра кажа дека проблемите со недостиг на опрема не се нови и траат веќе една година, поради што вработените честопати се принудени да ги кријат личните залихи и дека ситуацијата станала критична кога пациентите со вирус Ковид-19 почнале да пристигнуваат во болницата. Поради тоа, сестрите почнале да носат кеси за ѓубре.
Holy freaking hell. A nursing manager at Mt Sinai Hospital in NYC just died from coronavirus. Nurses at the hospital have been wearing trash bags because of the lack of protective gear. https://t.co/DSkHKVECmE pic.twitter.com/gl3w7ksPog
— Mark Elliott (@markmobility) March 26, 2020
Портпаролот на болницата негираше дека здравствената установа нема соодветна опрема и не ги заштитува вработените.
Фотографијата што се шири на социјалните мрежи прикажува три медицински сестри кои позираат во ходникот облечени во големи, црни кеси за ѓубре, од кои направиле импровизирани заштитни костими.
Во САД починаа над илјада луѓе од новиот коронавирус. Досега регистирани се 69.197 лица позитивни на вирусот, од кои 1.050 починале, а 619 се излечени.
САД е на третото место по бројот на заболени, по Кина и Италија. Светската здравствена организација вчера предупреди дека Соединетите Американски Држави се на пат да станат следниот епицентар на коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.